San Lucas 16:22 - Nuevo Testamento Uwotjüja

²² Ja̧'wa̧nü̧ jä̧'i̧ja̧'a̧, usurä i̧sa̧ pä'ijümä̧ 'korupäi'äja'a, á̧gȩrȩ ttȩpi̧nä̧ku̧ Abraha̧ ippeyänä̧ pä̧mä̧dü̧ ukua pä'ü. Ja̧'wa̧ta̧nü̧ ru̧wa̧'i̧nä̧ 'korupäi'äja'a rȩjȩ 'turu ttikuinä̧ku̧.

TÄ̧DO Ä̧CUÄ̧ I̧HUȨNȨ

²² Koro mo̧ro̧ usurä i̧sa̧ 'corupä'i'inödo. Angeles ttȩpi̧nä̧cu̧do mo̧ro̧jä̧ra̧'a̧ Abraham ö̧ja̧'a̧. Järe ru̧hua̧'i̧nä̧ 'corupä'i'inödo. 'Turu tticuinäcudo.

San Lucas 16:22 ပူးပေါင်းရင်းမြစ်များ

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

San Mateo 8:11

Ja̧'wa̧nü̧ ji̧yä̧ku̧ pädäu̧jä̧, rekuätü kkä̧wa̧ räopa'akuttü'i̧nä̧, kkä̧wa̧ ma̧ä̧cha̧'a̧ku̧ttü̧'i̧nä̧ ichü, Dio weomȩ Abraha̧-ku̧, Isaa-ku, Jacoku ttu̧kuȩ kuä̧nü̧ ttu̧'ȩjä̧mä̧kuo̧tü̧.

San Marcos 8:36

Ja̧'wa̧nü̧ ja̧'a̧ttü̧ ¿däjé ppädäkua̧jä̧ttü̧, ya̧tȩ ttü̧ja̧sa̧ pi̧jä̧ ruwäkuiyä o'kajuiyünä̧ ȩma̧ja̧ pä'üdä̧jä̧, a̧'kua̧rü̧ ȩmo̧ko̧mȩnä̧mä̧?

San Lucas 12:20

Ja̧'wa̧nü̧ ja̧'a̧nä̧, Dio-mä̧ pä̧kua̧: «Kuamükuädü jui̧'a̧jä̧, pi̧yȩtä̧ yodó 'korupäkui'ä'kua'anä̧, uku wa'adü ku̧ju̧nä̧'i̧jü̧mä̧ ¿dí iare jä̧kua̧'a̧jä̧ttü̧?

San Lucas 16:21

Jua̧u̧ usurä i̧sa̧mä̧ ru̧wa̧ u̧kuȩ kuäkuäwodä dȩa̧'a̧ ma̧ä̧chü̧ttü̧tä̧'i̧nä̧ ukua pä̧wä̧rü̧ji̧nä̧ku̧; ja̧'wa̧ta̧nü̧ üttawiyänä̧ ä̧wi̧ri̧tü̧, 'chä̧wi̧pä̧rü̧ nȩtti̧nä̧ku̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 13:23

Ja̧'wa̧nü̧ ja̧'a̧, u̧wo̧juȩtä̧u̧ttü̧ ya̧tȩ Jesú rü̧ȩnä̧ repeä'ijäku, ippeyä jo̧mȩ kuä'ipäji̧'ka̧ pi̧nü̧,

San Juan 21:20

Peduru, kkärächi'ü toomȩnä̧, o'ka'anä̧mä̧ Jesú eseu repeä'ijäku icha'a topinü̧, jua̧u̧tä̧ ji̧na̧'a̧ tu̧kuȩ ttukuomȩttü̧, Jesú ippeyänä̧ pä̧nü̧, Chu̧ru̧wa̧, ¿dí jä̧kua̧'a̧jä̧ttü̧ ukuru iyü i̧kuä̧kua̧mä̧? pä'ü jä'epinü̧mä̧.

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

Santiago 1:11

Kkä̧wa̧ räo'omȩnä̧ rü̧ȩnä̧ du'i'ü, isä'kua joi'ü u̧wä̧ju̧mä̧ ttawäwächomȩnä̧ ja̧'wa̧ta̧nü̧ üadiwä'i̧nä̧ toeächü. Ja̧'wa̧nü̧ jä̧'i̧nü̧ta̧'a̧nü̧ pärätä ru̧wa̧mä̧ wa'ikuomȩnä̧mä̧ iäre pärätä'i̧nä̧ toe'ächäkua'a.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

Apocalipsis 14:13

Ja̧'wa̧ta̧nü̧ mo̧ro̧jä̧ra̧'a̧ttü̧ ya̧tȩ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pi̧yȩ wȩyu̧ti̧: Eseäkuäwä kkä̧kua̧'a̧ porü yaboku, tu̧ru̧wa̧ku̧ todeunä̧ 'korujuo'ächätürü.» «A̧, iweye ja̧'wa̧ta̧nü̧ jä̧kua̧'a̧ pä'ü Epíritumä̧, juätümä̧ ttaditäwättü 'kuä'ächi'ü ttü̧'ä̧mä̧dä̧kuo̧tü̧, ttaditäwämä̧ juätütäku kkä̧kua̧'a̧.»