San Lucas 14:32 - Nuevo Testamento Uwotjüja

³² Ja̧'wa̧nü̧ jȩpü̧, ürowäujuiyü'anü̧ jä̧ku̧mä̧, ji̧nä̧ tü'kü päi'ü juiyäi, u̧mü̧wä̧yotürü we'ü jua̧u̧ku̧ eseku ikua pä'ü.

TÄ̧DO Ä̧CUÄ̧ I̧HUȨNȨ

³² Iso juoepö'a̧nö̧ jö̧ juiyöttömä, a̧bo̧i̧ya̧ ji̧nä̧ otonä icha'a ä̧ju̧cu̧, hue'aji jiäcuähuä isotörö järönä ttö̧ja̧cua̧ pä'ö jittähuarö pä'ö.

San Lucas 14:32 ပူးပေါင်းရင်းမြစ်များ

San Mateo 5:25

Täbokuä we'ü ä'ka jo̧mȩ, ukuru ya̧tȩ ȩpü̧ttü̧mä̧, ji̧nä̧ Juez pättäku ä'ka jo̧mȩku̧ ȩpü̧ juiyäi jua̧u̧ku̧ eseku ikui, jua̧u̧ juez-rü iyü iku juiyaku pä'ümä̧; ja̧'wa̧nü̧ jü̧ juiyüttümä̧ kua̧bo̧'cha̧ päjimä̧ juez-rü iyü iku o'ka'a, jua̧u̧mä̧ su̧ro̧do̧u̧ru̧ iyü ikuomȩnä̧, juätümä̧ kärenä̧ra̧'a̧ rütü ttikuä̧kua̧jä̧.

San Mateo 5:42

Kkorojuei, ya̧tȩ ukuru jäepüttümä̧ iyirü; ja̧'wa̧ta̧nü̧ ü'ärowüttümä̧ pärowirü.

San Lucas 12:58

Ya̧tȩ ukuru kärenä̧ ttüta pä'ü we'äjiku, ukuo isotü ttä'ka jo̧mȩ kui̧'chü̧ttü̧mä̧, ji̧nä̧ kui̧'chi̧'ä̧kua̧'a̧ ä'kanä̧ mä̧nä̧ttü̧tä̧ eseku ikuirü ja̧'wa̧nü̧ jȩ'ku̧ juiyüttü̧mä̧, juez ä'ka jo̧mȩtä̧ ttȩpä̧kua̧jä̧, jua'a yabomä̧ su̧ro̧do̧u̧ i̧sa̧rü̧ iyü iku o'ka'a, jua'a yabo jua̧u̧mä̧ kärenä̧ra̧'a̧ rütü ikuaku pä'ütä ja̧'a̧.

San Lucas 14:31

Ja̧'wa̧ta̧nü̧ ya̧tȩ ji̧jä̧tä̧ ru̧wa̧, kko̧ro̧jä̧ ru̧wa̧ku̧ rowäu i̧'cha̧ pä'ümä̧ ¿ä̧kuo̧mȩnä̧mä̧, diezmil-nü̧tä̧ wotü tta'amä̧, veintemil-nü̧ wotükumä̧ türowäu'anü ja̧'a̧ tä̧jí̧, pä'ümä̧ amükuädokü tä̧jí̧?

San Lucas 14:33

Ja̧'wa̧nü̧ ja̧'a̧ttü̧, ukututtü ya̧tȩ, u̧ju̧nä̧rü̧ o'kajuiyünä̧ kädi'ü juiyüttümä̧, Ttü chu̧mü̧wä̧ya̧ ja̧ pä'ümä̧ weyekua'a.

San Lucas 19:14

Ja̧'wa̧nü̧ ja̧'a̧nä̧ i̧rȩjä̧ ttü̧ja̧mä̧ kkü'kü jui'ü, o'ka'anä̧ wettiniyä̧ku̧ jittäwiyarü pä'ü: Jua̧u̧ru̧mä̧ tu̧ru̧wa̧ rey jü̧nä̧ ü̧ja̧mä̧ pä'okotüjä̧ pä'ü.

Hechos 12:20

Ja̧'wa̧nü̧ ja̧'a̧ Herode-mä̧ Tiro ttü̧ja̧rü̧'i̧nä̧, Sidón ttü̧ja̧rü̧'i̧nä̧ a̧mi̧surinä̧ku̧; ja̧'wa̧nü̧ ja̧'a̧nä̧ jua̧u̧ ütawiyä ttü̧ja̧mä̧, ru̧wa̧ Herode u̧mü̧wä̧ya̧ tta̧wä̧rä̧kuä̧wä̧ i̧sa̧ Blasto-rü mitü esekuinä̧tü̧, wȩnȩ juiyünä̧ ttü̧ja̧ pä'ü, jua'amä̧ tti̧rȩjä̧mä̧ jua̧u̧tä̧ ukuäje'ä'i̧jä̧u̧ ja̧'a̧ttü̧.