San Lucas 14:21 - Nuevo Testamento Uwotjüja

²¹ U̧mü̧wä̧ya̧mä̧ jua'attü ppa̧'ä̧chi̧'ü̧, o'kajuiyünä̧tä̧ u̧ru̧wa̧rü̧ ji'äwinü̧. Jiäwäku, a̧mi̧surächi'äku u̧ru̧wa̧mä̧, u̧mü̧wä̧ya̧rü̧ pä'inü̧: Jitätä ütawiyära̧'a̧ rä'opächü mä̧ni̧yä̧ bäreunä̧'i̧nä̧, ppo̧ü̧nä̧'i̧nä̧ kue'ächü o'äji usurä isotürü, tti̧'chü̧ juiyünä̧ wotürü, ä̧tokä̧tü̧rü̧, kkoppe kkoppenü̧ kue'ächätürü'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

²¹ Täcö u̧mö̧huä̧ya̧ ppa̧'ä̧chö̧, ja̧u̧ o'ca juiyönä ji'ähuinödo u̧ru̧hua̧rö̧. Ja̧'hua̧nö̧ ja̧'a̧ u̧ru̧hua̧ ra̧huä̧ri̧pi̧nö̧do. Pä'inödo u̧mö̧huä̧ya̧rö̧: “Ötahuiyä mä̧ni̧yä̧ bäreunä'inä, ppo̧ö̧nä̧'i̧nä̧ täi. I'cächi pocu usurä isotörö'inä, ttö̧jä̧pö̧ jui'ätörö'inä, kosu kosunu ka̧cuä̧tö̧rö̧'i̧nä̧, ä̧to̧cä̧tö̧rö̧'i̧nä̧.”

San Lucas 14:21 ပူးပေါင်းရင်းမြစ်များ

San Mateo 11:28

O'katoi'ünä̧ aditü usurä ȩmä̧u̧ 'kuä'ächi'inä̧tü̧mä̧ ttüku ichätukui, ttümä̧ usurä chȩmä̧wuö̧ juiyünä̧ jȩchä̧kuä̧u̧jä̧.

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 15:12

Ja̧'wa̧nü̧ ja̧'a̧ u̧wo̧juȩtä̧u̧ ichi'opo'ü pättinä̧ku̧: —Fariseo wotümä̧ päkuäji ä̧ju̧ku̧ ra̧wä̧ri̧pä̧jä̧tü̧

San Mateo 18:31

Ja̧'wa̧nü̧ jȩi̧yä̧u̧, chutäku aditä'ijätümä̧, ta̧'kua̧tta̧nü̧ jä̧u̧, o'kajuiyünä̧ 'kuäopäjimä̧ ttu̧ru̧wa̧rü̧ ji'äu 'chi̧nä̧tü̧.

San Mateo 20:7

Jä̧ȩpä̧u̧ ttädätinä̧ku̧: Ya̧tȩ'i̧nä̧ tadita pä'ümä̧ wȩo̧ko̧u̧ päjä'kotü kka̧kuä̧tü̧jä̧. Ttädätäku päinä̧u̧: Jua̧u̧nu̧mä̧ ukutu'i̧nä̧ chi'ätta uwa pättara̧'a̧ aditäjätukui, adiwomȩnä̧ chi̧mi̧tä̧kuä̧u̧jä̧.

San Lucas 14:13

Ja̧'wa̧nü̧ ja̧'a̧ttü̧, pä'käri jȩ'kuo̧mȩnä̧mä̧ ä̧tȩpi̧, usurä isotürü, tti̧'chü̧ juiyünä̧ wotürü, ttüjowiyä jui'ätürü, ä̧to̧kä̧tü̧rü̧;

San Lucas 14:20

Ja̧'wa̧ta̧nü̧ kka̧ra̧mä̧ pä'inü̧: Jareünä̧ chirekuarü chȩmä̧ja̧'a̧ chichü juiyünä̧ jä̧ku̧sä̧.

San Lucas 14:22

Ja̧'wa̧nü̧ jä̧ji̧ o'ka'a, ru̧wa̧ u̧mü̧wä̧ya̧mä̧ pä'inü̧: Chu̧ru̧wa̧ wekuäjimä̧ o'kajuiyünä̧ jȩchä̧ja̧'a̧nä̧, ji̧nä̧ pä̧kuä̧wä̧mä̧ kki̧'ä̧ja̧'a̧.

San Lucas 14:24

Ja̧'wa̧nü̧ ja̧'a̧ttü̧, ä̧kuo̧mȩnä̧ chä̧tȩpi̧nä̧u̧ttu̧mä̧, chu̧kuȩmä̧ yoriso kuokotü ttäkuotü.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Lucas 9:10

Jesú u̧wo̧juȩtä̧u̧ apótore wȩä̧jä̧u̧ ppa̧tä̧chi̧'o̧mȩnä̧mä̧ jȩttä̧ji̧mä̧ o'kajuiyünä̧ jittäwinä̧ku̧. Jua̧u̧ o'ka'a, juätürü i̧mi̧ku̧nä̧ wopo'ü, ttü̧ja̧ toächomȩ Betsaida ütawiyära̧'a̧ku̧ oipächinä̧u̧.

San Juan 9:39

Jua̧u̧nü̧ o'ka'a Jesú-mä̧ pä'inü̧: —Adiu ja̧ pä'ü'i̧nä̧, surojü ja̧ pä'ü'i̧nä̧ jiäu ichinü̧sä̧, ä̧to̧kä̧tü̧mä̧ totta pä'ü ja̧'wa̧ta̧nü̧ topätümä̧, ttä̧to̧kä̧cha̧ pä'ü.

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Apocalipsis 19:15

Ättümä̧ kurodä so̧o̧dä räopinä̧ku̧, juodänä̧ o'katoi'ünä̧ pi̧jä̧ ttü̧ja̧rü̧ ȩma̧ pä'ü ji̧na̧'a̧. Jua̧u̧mä̧ rü̧ȩnä̧ ujuruku wȩä̧kua̧. Ja̧'wa̧ta̧nü̧ jua̧u̧tä̧ jä̧kua̧'a̧ uwa i̧'kuȩ'kuä̧kua̧mä̧ uwa isoya räopächünä̧, Dio o'kajuiyünä̧ ju̧ru̧wa̧ rü̧ȩnä̧ ü̧ra̧wä̧ro̧ya räopächü wȩnȩkuä̧cha̧'a̧ jua̧u̧mä̧.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.