San Lucas 12:33 - Nuevo Testamento Uwotjüja

³³ Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

TÄ̧DO Ä̧CUÄ̧ I̧HUȨNȨ

³³ Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.

San Lucas 12:33 ပူးပေါင်းရင်းမြစ်များ

San Mateo 19:21

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

San Lucas 11:41

Ja̧'wa̧nü̧ ja̧'a̧ttü̧ usurä isotürü ppä'ädätukui. Ja̧'wa̧nü̧ jȩ'kuä̧tu̧kuo̧mȩnä̧ jättäpäyotü surojümä̧ juikuäkuotüjä̧.

San Lucas 12:21

Ja̧'wa̧nü̧ 'kuäopäku, a̧mü̧nä̧ pa̧ja̧tü̧ pärätä ka̧ka̧tü̧rü̧mä̧; ja̧'wa̧ta̧nü̧ Dio-ttümä̧ usurä i̧sa̧tä̧ wa̧.»

San Lucas 16:9

Isopäi'ünä̧ ukuturu pä'üsä: Pi̧jä̧ jäwä pärätä adiwä juei jo̧kü̧nä̧, kuawaruwätukuru ku̧ju̧nä̧rä̧tu̧kua̧ usätukui, jua̧u̧ beipächomȩnä̧, mo̧ro̧jä̧nä̧ i'ko kko̧mȩttü̧ ttȩmä̧tu̧kua̧ku̧.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

San Juan 12:6

Ja̧'wa̧nü̧ ja̧'a̧nä̧, Juda pa̧'a̧nü̧ pä'amä̧, isopäi'ünä̧ usurä isotürü ppäda pä'ümä̧ pä'okü pinü̧; ü̧nä̧u̧kuä̧rä̧'i̧ja̧'a̧, pärätä ttenä̧yu 'chu̧'ä̧rü̧ ȩmo̧pä̧rä̧'i̧jü̧'ka̧ pä'inü̧.

Hechos 2:45

Ja̧'wa̧nü̧ jȩpü̧, ttiäre'i̧nä̧ mikuä pä'ü iyä'chü, yotukunä̧rü̧ rekuä rü̧jü̧'a̧kuä̧ ppä'ädäkuäwinä̧tü̧.

2 Corintios 8:2

Pi̧yȩ igresia wotümä̧ rü̧ȩnä̧ usurä ȩmä̧u̧ 'kuättopa'anä̧, eseäkuäwinä̧tü̧; rü̧ȩnä̧ usurä isotü tta'anä̧, ruwotü 'kua̧rü̧nä̧ ttiäre ofrenda iyinä̧tü̧.