San Lucas 12:19 - Nuevo Testamento Uwotjüja

¹⁹ Ja̧'wa̧nü̧ jȩpü̧ kä̧'ä̧di̧'ü̧'ka̧, cha̧mü̧nä̧ pä̧dä̧wä̧kua̧sä̧: Juiyo rekuo mo̧ro̧ kkä̧kuä̧wo̧mȩ kku̧nä̧rü̧jä̧ cha̧'kua̧rü̧wa̧: Jitämä̧, 'kuä'ächi'ü au, kuä̧nü̧, esewi.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ ttötä chamönä pä̧dä̧huä̧cua̧sä̧: Rö̧ȩnä̧ ka̧cua̧'a̧to, cuäcuähuämä. Rö̧ȩnä̧ a̧'ȩ cuäcuähuome hua'adö ku̧nä̧hua̧'a̧. 'Cuädächi'ö'a̧nö̧ ja̧'a̧. Cuä̧nö̧'i̧nä̧, au'inä cheseu'a̧nö̧ ja̧'a̧ ja̧u̧nu̧mä̧.”

San Lucas 12:19 ပူးပေါင်းရင်းမြစ်များ

San Lucas 12:18

Pä'äji̧'ka̧ pä'inü̧: Täkü wo̧jui̧'ü̧sä̧ jȩchä̧kuȩmä̧. Kuäwä chütä'ijü o̧ka̧ pparopü iku, pärokuä bäreu o̧ka̧ chaditajä̧, juȩnȩ chu̧kuȩ kuäwä'i̧nä̧ ja̧'wa̧ta̧nü̧ kkoro'i̧nä̧ wa'adü chu̧ju̧nä̧kua̧'a̧nü̧.

San Lucas 16:19

Ya̧tȩ pärätä ru̧wa̧ kki̧nü̧, ü̧'ka̧tä̧wä̧ti̧yu̧'i̧nä̧ adiwäjuei rü̧ȩnä̧ mikuäutä 'ka̧tä̧u̧, 'kuäopünä̧ mo̧ro̧ ji̧nü̧ a̧'u̧kuä̧ pä'käri jȩpä̧'chü̧tä̧ ku.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

1 Corintios 15:32

Éfeso ütawiyättümä̧ de'a isotü pä̧i̧kuä̧tü̧ jä̧'i̧nü̧'a̧nü̧ wotü ttü̧ja̧ku̧ rowäwinü̧sä̧ ja̧'wa̧nü̧ ja̧'a̧nä̧, isopäi'ünä̧ wa'ü ikuinä̧tü̧ ttoächäkuäwokü jü̧ttü̧mä̧, ¿däjetä chȩmi̧na̧'a̧jä̧ttü̧? jua̧u̧nu̧mä̧ kkorotü pättä'ijü̧'a̧kuä̧ jȩtä̧tu̧kua̧: kuä̧nü̧ jü̧nä̧tä̧, au jü̧nä̧tä̧ jȩtä̧tu̧kua̧, täkü yo̧i̧mo̧ro̧mä̧ 'korujuotächäkua'attü̧.

Filipenses 3:19

Juätümä̧ totte'ächäkuotü, ttü'käbiyutä ttü̧ä̧nä̧wa̧ jü̧nä̧ kka̧kuä̧tü̧, dä'ä rü̧jü̧ jäwätä ukuo te'äkuäwätü. Suro, pi̧jä̧ jäwätä amükuädü jȩpä̧tü̧.

1 Timoteo 5:6

Ja̧'wa̧nü̧ ja̧'a̧nä̧ rekua kkidepä kkü'kekunä̧ kkä̧ju̧mä̧, kka̧'kua̧rü̧mä̧ to'e'ächäju.

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

2 Timoteo 3:4

Ttawaruwärü iyä'chü ttikuäkuotü ja̧'wa̧ta̧nü̧ tta̧mü̧kuädoka'a jȩpü̧, surojümä̧ jo̧mȩnü̧tä̧ ttäkuotü ja̧'wa̧nü̧ jo̧mȩttü̧ Dio-rü ttüsajueimä̧ jitürütä pä̧wä̧rü̧jü̧tä̧ ttusäkuotü.

Santiago 5:5

Pi̧jä̧nä̧ttü̧mä̧ adiu a̧'kua̧kui̧'ü̧, ja̧'wa̧ta̧nü̧ kuidepätuku pä̧wä̧rü̧jü̧nä̧ päkäyä ubärewächa'a jä̧'i̧nü̧'a̧nü̧ ku̧ja̧kuä̧'i̧jä̧tu̧kua̧'a̧nä̧ ¡Täkü ukuturu kuä'äu tti̧kuä̧kuȩ mo̧ro̧ rȩbȩä̧kuä̧wa̧'a̧!

1 Pedro 4:3

Ukutumä̧ rekuo mo̧ro̧ judío pokotü jȩttä̧'i̧jü̧ jȩpi̧nä̧tü̧jä̧ ja̧'wa̧ta̧nü̧ kukuojatuku juoächünä̧tä̧, surojü kkü'kekunä̧tä̧, pä'kärinä̧tä̧, tä̧mä̧'chä̧kuä̧wä̧nä̧tä̧ ja̧'wa̧ta̧nü̧ kkü'käwokü tturuwo juoekuänä̧tä̧ kka̧kui̧nä̧tü̧jä̧.

Apocalipsis 18:7

Kka̧mü̧nä̧ pa̧ja̧tü̧ ukuo te'äkuäu, kkidepä wea'aku eseu kki̧nä̧ju̧, rü̧ȩnä̧ ajuäu, usurä kkȩmä̧u̧nä̧ jȩpä̧tu̧kui̧ju̧. Jua'amä̧ kka̧mi̧ iso'kinä̧ pa̧'a̧nü̧ päja'attü̧: Ttümä̧, pȩnȩmä̧ ruwaju jü̧nä̧ pä̧ju̧sä̧, ttümä̧ rekuamä̧ku̧sä̧, usurä'i̧nä̧ ȩmä̧wo̧ko̧ju̧sä̧ pä'ü kka̧mü̧kuäda'attü̧.