San Lucas 12:15 - Nuevo Testamento Uwotjüja

¹⁵ Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ pä'inödo: —Adiu tta̧'ä̧rä̧cuä̧huä̧tu̧cui̧. Pi̧jä̧ jähuä rö̧ȩnä̧ pä̧huä̧ rö̧jö̧nä̧ cuamöcuädätucuä'. Rö̧ȩnä̧ cu̧ju̧nä̧ro̧mȩnä̧mä̧, tta̧'cua̧ adiunä kä̧cuä̧huä̧mä̧ i'cächocö.

San Lucas 12:15 ပူးပေါင်းရင်းမြစ်များ

San Marcos 7:22

o'kajuiyünä̧ ttu̧ju̧nä̧ra̧ pä'ü kkü'käwämä̧, yapareäkuäwämä̧, tta̧mü̧nä̧ ukuo teäkuäwämä̧ ja̧'wa̧ta̧nü̧ wo̧juȩku̧nä̧ amükuädäkuäwokümä̧.

San Lucas 12:16

Ja̧'wa̧nü̧ ja̧'a̧, Jesú-mä̧ pi̧yȩnä̧ wȩnȩtü̧ jiäwinä̧u̧: Ru̧wa̧ ya̧tȩ kki̧nü̧, ü'ättiyunä̧ kuäwä rü̧ȩnä̧ wȩji̧yä̧ku̧.

San Lucas 16:14

Ja̧'wa̧nü̧ jiäwa'a fariseo wotümä̧, pärätä kkü'kätü ja̧'a̧ ä̧ju̧kuä̧rü̧, Jesú-ru ya̧'a̧wȩ'i̧nä̧tü̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

San Lucas 8:14

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

1 Corintios 6:10

nä̧u̧kuä̧rä̧tü̧'i̧nä̧, ruwoku tta̧'kua̧ ro'ekuätü'i̧nä̧, tä̧'ä̧mä̧'chä̧tü̧'i̧nä̧, suronä̧ pä'ä'chätü'i̧nä̧, nä̧u̧kuä̧rä̧tü̧'i̧nä̧ dodettokäkuotü ru̧wa̧ Dio weomȩmä̧.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

2 Timoteo 3:2

Ttü̧ja̧mä̧ kkü'kokotü ttäkuotü, pärätätä tta̧'kua̧ rottekuäkuotü̧, tta̧mü̧nä̧ ukuo ttettäkuäwäkuotü ja̧'wa̧ta̧nü̧ kkorotüttü'i̧nä̧ abonä̧nü̧ wotüjä̧ pä'ü, Dio-rü'i̧nä̧ suronä̧ ukuoku, ttä'orü'i̧nä̧ tta̧ju̧ru̧'i̧nä̧ ukuotokotü ttäkuotü, ja̧'wa̧nü̧ jȩpü̧ ttesewoka'a, ttesetinü̧'i̧nä̧ ukuotokotü ttäkuotü.

Hebreos 13:5

Pärätänä̧mä̧, juiyomä̧ kua̧'kua̧ rokuekuätukuä; ku̧ju̧nä̧rä̧tu̧ku̧tä̧ esewätukui, Dio-mä̧ pä'inü̧: «usurä kuȩmä̧u̧nä̧mä̧ chikuipokoku jä̧kua̧jä̧»;

2 Pedro 2:14

Isajuru ttüjü'kokokua jü̧nä̧mä̧ topokotü; surojü jü̧ttü̧'i̧nä̧ 'kuä'ächi'okotü. Tta̧'kua̧rü̧nä̧ jiyupätürü yaparewä'chätü; ruwotü juoäwätä wo̧juä̧tü̧; juätü ttü̧ja̧mä̧ kueyowächi̧nä̧tü̧.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.