San Lucas 11:13 - Nuevo Testamento Uwotjüja

¹³ Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

TÄ̧DO Ä̧CUÄ̧ I̧HUȨNȨ

¹³ Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, Espíritu Santorö i̧yä̧cua̧ churutä jä'epätörömä, —pä'inödo Jesús.

San Lucas 11:13 ပူးပေါင်းရင်းမြစ်များ

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Mateo 5:45

Ja̧'wa̧nü̧ jȩ'kuä̧tu̧kuo̧mȩnä̧tä̧ Kuä'otuku mo̧ro̧jä̧nä̧ kkü̧ i̧tti̧mü̧ kuäkuotüjä̧; jua̧u̧mä̧ adiwä isotürü'i̧nä̧, suropätü isotürü'i̧nä̧, aditinä̧ku̧ kkä̧wa̧rü̧mä̧ räopünä̧ jȩä̧u̧ ja̧'wa̧ta̧nü̧ adiu jȩpä̧tü̧rü̧'i̧nä̧, surojü jȩpä̧tü̧rü̧'i̧nä̧ ajiya icha pä'ü wȩä̧u̧.

San Mateo 6:14

Isopäi'ünä̧ ukuturu, kkorotü suronä̧ jȩtto̧mȩnä̧ mikuä jȩ'kuä̧tu̧ku̧ juiyüttümä̧, Kuä'otuku Dio mo̧ro̧jä̧nä̧ kkü̧mä̧, ukuturu'i̧nä̧ mikuämä̧ jȩo̧ko̧u̧ kuäkuotüjä̧.

San Mateo 6:30

Isopäi'ünä̧ jitä mo̧ro̧ pättiyunä̧ kka̧ku̧ adiyämä̧, yodoji mo̧ro̧mä̧ kkuwü i̧kuä̧wä̧kuȩ ja̧'a̧nä̧ Dio-mä̧ a̧di̧tä̧rü̧ kku̧nu̧, ja̧'wa̧nü̧ jo̧kü̧'i̧nä̧. ¿Ukuturumä̧ a̧'u̧ku̧nä̧tä̧ kua̧'kua̧ ku̧wȩnä̧rä̧tü̧kua̧'a̧nä̧ aditü u̧ju̧no̧ko̧u̧ kuäkuotüjä̧?

San Mateo 6:32

Pi̧yȩ o'kajuiyünä̧mä̧ Dio-rü esetokotütä tta̧'kua̧ rotteku ja̧'wa̧nü̧ ja̧'a̧nä̧ ukutumä̧ Kuä'otuku mo̧ro̧jä̧nä̧ kkü̧ rekuä rü̧jü̧ wo̧jua̧rü̧ kku̧nä̧rä̧tü̧jä̧.

San Mateo 7:11

Ukutumä̧ suropätü kuätukua'anä̧, kui̧tti̧mü̧tu̧ku̧ru̧mä̧ adiwäjueitätä iyäwä wo̧juä̧tü̧jä̧, ¡Jua̧u̧ttü̧'i̧nä̧ yabonä̧ Kuä'otuku mo̧ro̧jä̧nä̧ kkü̧mä̧ jä'epätürümä̧ adiwäjuei i̧yä̧kua̧!

San Lucas 11:12

Ja̧'wa̧ta̧nü̧ iäyä jäepomȩnä̧, idiyurutä iyajümä̧.

San Lucas 11:2

Jesú-mä̧ päinä̧u̧: —Dio-rü kukuokuätukuomȩnä̧mä̧ pa̧'a̧nü̧ kukuokuätukuajä̧: Ujutu Tä'o mo̧ro̧jä̧nä̧ kkü̧mä̧, ukurutä isopäi'ünä̧ Dio ja̧'a̧ pä'ü ttu̧wo̧juä̧cha̧ pä'ätüjä̧. Ja̧'wa̧nü̧ ja̧'a̧ttü̧ «Tu̧ru̧wa̧ rey jü̧nä̧ ichi.»

San Lucas 18:7

Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧?

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Romanos 5:17

Ja̧'wa̧nü̧ ji̧na̧'a̧ttü̧mä̧, ya̧tȩ surojü jȩi̧na̧'a̧mä̧ wa'aretä weina̧'a̧, juȩnȩ abonä̧nü̧ wȩä̧kua̧, rettü mippoünä̧ iyinü̧, ya̧tȩ Jesucrito-nä̧tä̧ kkä̧kuä̧wä̧mä̧.

Romanos 7:18

Ja̧'wa̧ta̧nü̧ ttü chidepänä̧mä̧ adiumä̧ kko̧ka̧'a̧ pä'ü wo̧jua̧sä̧; ja̧'wa̧nü̧ ja̧'a̧ttü̧ jakuänä̧mä̧ jȩcha̧ päda'anä̧, wä̧mȩnä̧mä̧ jȩchü̧ juiyünä̧ wa̧sä̧.

Romanos 8:32

Dio-mä̧, ja̧'wa̧nü̧ jo̧ka̧'a̧ Chutä I̧tti̧rü̧'i̧nä̧ repeoka'a ujutu o'katoi'ünä̧ jäwänä̧ wa'ü ikunä̧ iyina̧'a̧mä̧ ¿Toku pä'ü kkorojuei o'kajuiyünä̧, chutäku yo̧mȩtȩnä̧ i̧yo̧ko̧u̧ täkua'ajä̧ttü̧?

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.