San Lucas 10:9 - Nuevo Testamento Uwotjüja

⁹ Juȩnȩ na̧nȩpä̧tü̧ ttü̧ja̧ku̧ttü̧mä̧ aditü kuikuätukuajä̧ ja̧'wa̧nü̧ jȩpü̧mä̧ pa̧'a̧nü̧ päkuätukuajä̧: «Ru̧wa̧ Dio weü wȩnȩmä̧ ukuturu tü'kü kka̧'a̧,» jü̧nä̧.

TÄ̧DO Ä̧CUÄ̧ I̧HUȨNȨ

⁹ Juhuorö na̧nȩpä̧tö̧rö̧mä̧ aditö icuätucui. Ja̧'hua̧nö̧ ja̧'a̧ ji'ähuätucui jahuätörö: “Täcö Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a.”

San Lucas 10:9 ပူးပေါင်းရင်းမြစ်များ

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

San Mateo 4:17

Juorütä kkä̧mä̧dü̧ Jesú-mä̧, ji'äwinü̧: «Dio-ku ppa̧'ä̧chä̧tu̧kui̧, täkü Ru̧wa̧ Dio weümä̧ tü'kü ja̧'a̧,» jü̧nä̧.

San Marcos 4:30

Ja̧'wa̧ta̧nü̧, Jesú-mä̧ pä'inü̧: ¿Ru̧wa̧ Dio weü wȩnȩmä̧, däjé jä̧'i̧nü̧'a̧nü̧ jü̧ttü̧, däjenä̧ tu̧wȩnȩtü̧'a̧nü̧ ja̧'a̧ jä̧ttü̧?

San Marcos 6:13

Ja̧'wa̧ta̧nü̧ epíritu-tu̧ suropätürü'i̧nä̧ rä'epä'chü iku ja̧'wa̧ta̧nü̧ na̧nȩpä̧tü̧'i̧nä̧ a̧dȩjanä̧ tu'epü aditü ikuinä̧tü̧.

San Lucas 10:10

Ja̧'wa̧ta̧nü̧ ütawiyä jü̧'a̧kuä̧ dokuächätukuomȩnä̧, dottädü juiyüttümä̧, jua'attümä̧ ttu̧mä̧ni̧yä̧ra̧'a̧ku̧ rä'opächü pa̧'a̧nü̧ päkuätukuajä̧:

San Lucas 10:11

«¡Ukutu kuidepiyutukuttü, tü̧jä̧pü̧nä̧ rü̧ji̧pä̧ja̧ppȩ rȩjȩ i̧sa̧ppȩ'i̧nä̧ tu̧ppü̧sä̧wä̧u̧jä̧! Ja̧'wa̧nü̧ ja̧'a̧nä̧'i̧nä̧, ru̧wa̧ Dio weümä̧ tü'kü ja̧'a̧ tä̧jí̧, pä'ü ku̧wo̧juä̧tu̧kuä̧kua̧'a̧nü̧.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

Hechos 28:28

Ja̧'wa̧nü̧ ja̧'a̧ttü̧ ä̧ju̧kuä̧tu̧kui̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧ judío pokotürü rȩbȩä̧kuä̧wo̧mȩnä̧mä̧; juätütä ja̧'a̧ pi̧yȩ adiu ttä̧ju̧kuä̧kuo̧tü̧mä̧.

Hechos 28:31

Ru̧wa̧ Dio weü wȩnȩmä̧, Tu̧ru̧wa̧ Jesucrito ütü'kü'i̧nä̧ wäjuönä̧, wȩnȩ juiyünä̧tä̧ ji'äwinü̧.