San Lucas 10:42 - Nuevo Testamento Uwotjüja

⁴² Ja̧'wa̧nü̧ ja̧'a̧nä̧, ji̧yȩtȩtä̧ kka̧'a̧ rekuä rü̧jü̧mä̧; ja̧'wa̧nü̧ ja̧'a̧ttü̧ María-mä̧ jua̧u̧tä̧ ȩmä̧jä̧ju̧, jua̧u̧mä̧ 'cho'ikuokoju jä̧kua̧ju̧.

TÄ̧DO Ä̧CUÄ̧ I̧HUȨNȨ

⁴² Ja̧'hua̧ ja̧'a̧nä̧ adiunä jȩä̧cuä̧huä̧ juäi ji̧yȩä̧cuȩtä̧ ja̧'a̧. Maríamä ji̧yȩtȩ adiunä pä'i'äjäju. Ja̧'hua̧ta̧nö̧ yotöte'inä 'cho'icuocoju, —pä'inödo Jesús.

San Lucas 10:42 ပူးပေါင်းရင်းမြစ်များ

San Marcos 8:36

Ja̧'wa̧nü̧ ja̧'a̧ttü̧ ¿däjé ppädäkua̧jä̧ttü̧, ya̧tȩ ttü̧ja̧sa̧ pi̧jä̧ ruwäkuiyä o'kajuiyünä̧ ȩma̧ja̧ pä'üdä̧jä̧, a̧'kua̧rü̧ ȩmo̧ko̧mȩnä̧mä̧?

San Lucas 10:39

Ja̧'wa̧nü̧ ja̧'a̧ juäjumä̧ kkijäwaju María pä'ü mi̧kuajuru kku̧nä̧ri̧nä̧ju̧. Juäju María-mä̧ Jesú ü̧jä̧pü̧ jo̧mȩ pä̧mä̧di̧nä̧ju̧, ukuoku kkä̧ju̧kua̧ pä'ü.

San Lucas 11:1

Ya'utenä̧, Jesú-mä̧ yo̧mȩtȩttü̧ Dio-rü ukuoku kädäja'a, u̧wo̧juȩtä̧u̧ttü̧ ya̧tȩ ichi'ü päinä̧ku̧: —Chu̧ru̧wa̧, Ju̧a̧ u̧wo̧juȩtä̧u̧rü u̧wo̧juȩti̧nü̧ta̧'a̧nü̧ Dio-rü ukuokuäkuäwä wo̧juȩti̧tü̧.

San Lucas 12:20

Ja̧'wa̧nü̧ ja̧'a̧nä̧, Dio-mä̧ pä̧kua̧: «Kuamükuädü jui̧'a̧jä̧, pi̧yȩtä̧ yodó 'korupäkui'ä'kua'anä̧, uku wa'adü ku̧ju̧nä̧'i̧jü̧mä̧ ¿dí iare jä̧kua̧'a̧jä̧ttü̧?

San Lucas 12:33

Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

San Lucas 16:2

Jua̧u̧ ä̧ju̧ku̧ u̧ru̧wa̧mä̧ wopo'ü jä'epü ä̧ju̧kui̧nä̧ku̧: ¿Däjé jittäwättü̧, yojamä̧, uku kutü'kümä̧? Kuäditä'ijü jo̧mȩnü̧ jȩpü̧ ji'äwittü, täkü ttü chu̧mü̧wä̧ya̧ jü̧nä̧ kuadita pä'ümä̧ jui̧'a̧jä̧.

San Lucas 16:25

Päomȩnä̧ Abraha̧-mä̧ ädätinä̧ku̧: Chi̧tti̧ amükuädi, kua̧'kua̧rä̧i̧mä̧ adiu eseu kki̧nü̧jä̧. Ja̧'wa̧ta̧nü̧ Rázaru-mä̧ surojü usurä ȩmä̧u̧ ü̧ja̧'a̧nä̧. Jitämä̧, pä̧ro̧kua̧ eseu kkü̧, uku usurä kuȩmä̧wa̧'a̧nä̧.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

San Lucas 8:18

«Ja̧'wa̧nü̧ ja̧'a̧ttü̧, kuä̧ju̧kuä̧tu̧ku̧mä̧ adiu ä̧ju̧kuä̧tu̧kui̧; isopäi'ünä̧ kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a.»

San Juan 11:1

Ya̧tȩ Betania ütawiyä ttü̧ja̧sa̧ na̧'ä̧chi̧nü̧, María kkubüa Marta-ku ttidepiyu i̧sa̧, Rázaru pä'ü mi̧kua̧, juäjutä kki̧jä̧wa̧.

San Juan 11:19

Ja̧'wa̧nü̧ ja̧'a̧, rekuätü judío-mä̧, Marta-rü'i̧nä̧, kkijäwaju María-rü'i̧nä̧, tti̧jä̧wa̧ Rázaru 'korujuoächäja'a ttajäkuäwiyä̧u̧ do'ächü tti̧'chä̧ja̧'a̧ ji̧na̧'a̧.

San Juan 12:3

Ja̧'wa̧nü̧ ja̧'a̧ María-mä̧ nardo pä'ü mikuoya a̧mȩwoya päkuoya, rü̧ȩnä̧ mikuäwoya, i̧sä̧yu̧nä̧ akua'a i'kächipü Jesú ü̧jä̧pi̧yä̧nä̧ tu'epinä̧ju̧; kkuwo'chenä̧ 'ka̧'ü̧nü̧, ja̧'wa̧nü̧ jȩjo̧mȩnä̧ isode jättäjode yü̧i̧pü̧nä̧ a̧mȩwi̧na̧'a̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

1 Corintios 13:3

Ja̧'wa̧ta̧nü̧, usurä isotürü chukuäje'a pä'ü chiäre o'kajuiyünä̧ iyü kkä̧nü̧, chidepä kuo'ü ikunä̧ chiyaja pä'ü'i̧nä̧, eseu repeäkuäwä juidomȩnä̧mä̧, ttümä̧ mikuäwokütä jȩpü̧sä̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.