San Lucas 10:27 - Nuevo Testamento Uwotjüja

²⁷ Päku, weäwä wȩnȩ wo̧juȩkuä̧ i̧sa̧mä̧ ädätinü̧: —«Ku̧ru̧wa̧ Dio-rü, Kuami'iso'ki'i̧nä̧, kua̧'kua̧rü̧'i̧nä̧, kujuru'i̧nä̧, kuamükuädü'i̧nä̧ o'kajuiyünä̧ esewi, Ja̧'wa̧ta̧nü̧ kua̧wa̧ru̧wa̧rü̧'i̧nä̧ kua̧mü̧nä̧ repekuäuta'anü̧ repe'i,»

TÄ̧DO Ä̧CUÄ̧ I̧HUȨNȨ

²⁷ Moisés hueähuä huȩnȩ huo̧juȩcuä̧ i̧sa̧ ädätinödo: —“Cuä̧do̧ ä̧cua̧ Cu̧ru̧hua̧ Diosrö cuami iso'quinä'inä, cua̧'cua̧ru̧hua̧nä̧'i̧nä̧, cujurunä'inä, cuamöcuädönä'inä o'ca juiyönä repe'i. Ja̧'hua̧ta̧nö̧ cuahuaruhuärö repe'i ucutä cuamönä repecuhuäu ta'anö.”

San Lucas 10:27 ပူးပေါင်းရင်းမြစ်များ

San Mateo 19:19

Kuä'orü'i̧nä̧ kua̧ju̧ru̧'i̧nä̧ esetü ukuoti ja̧'wa̧ta̧nü̧ kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ repe'i, pä'ija'a.

San Lucas 10:26

Jäepäku, Jesú-mä̧ ädätinä̧ku̧: —¿Weäwä wȩnȩnä̧mä̧, däjetä wȩyu̧tu̧ rütäwa'a jä̧'i̧jä̧ttü̧? ¿Tokutä kukuokuä'ijä̧ttü̧?

Romanos 13:9

Weäwä wȩnȩmä̧ pä'a: «Kuirekua pokojukumä̧ jȩ'kuä̧'chä̧, kuä'ü kuikuä, ku̧nä̧u̧kuä̧rä̧, yapareumä̧ jikuäwä'chä, kkorotü ttu̧ju̧nä̧rü̧ adiumä̧ kkü'künä̧mä̧ to'kuä»; ja̧'wa̧nü̧ ja̧'a̧ weäwä wȩnȩmä̧ pi̧yȩnä̧tä̧ ka̧ka̧kuä̧cha̧'a̧: «Kua̧wa̧ru̧wa̧rü̧mä̧ repe'i, ukutä kua̧mü̧nä̧ repekuäkuäuta'anü̧.»

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

Hebreos 8:10

Ji̧yȩnü̧ mo̧ro̧ o'ka'a, Irae ttü̧ja̧ku̧ chesekuä̧kuȩmä̧, pi̧yȩ ja̧'a̧, pä'inü̧ Tu̧ru̧wa̧mä̧: Ttü wedü wȩnȩmä̧, ttünä̧ ȩnü̧ kku̧nu̧ ja̧'wa̧ta̧nü̧ tta̧mi̧ iso'kinä̧ wȩyu̧tu̧ chu̧ju̧nä̧kua̧sä̧. Ttürümä̧ ttü̧ä̧nä̧wa̧ Dio jü̧nä̧tä̧, ja̧'wa̧ta̧nü̧ jitütämä̧ chi̧tti̧mü̧ jü̧nä̧tä̧ ttäkuotü, pä'inü̧.

Santiago 2:8

Isopäi'ünä̧ ukuo weäwä wȩnȩ päü'a̧kuä̧ jȩ'kuä̧tu̧kuo̧mȩnä̧ adiu jȩpä̧tü̧jä̧, ja̧u̧ wȩyu̧kuä̧ wȩnȩmä̧ pä'a: «kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ eseunu̧ repe'i.»

1 Juan 3:18

Chi̧tti̧mü̧ wotü, suro ti̧wȩnȩnä̧tä̧mä̧, suro tänä̧tä̧mä̧ eseu repetü juiyü'anü̧ ja̧'a̧. Ja̧'wa̧nü̧ jo̧ka̧'a̧ isopäi'ünä̧ jȩpü̧nü̧, jueü wȩnȩ ukuokua'aku repe'ü tesewa pä'ätukui.