San Lucas 1:32 - Nuevo Testamento Uwotjüja

³² Jua̧u̧mä̧ ukuo i̧sa̧ jä̧kua̧, Mo̧ro̧jä̧ Ru̧wa̧ I̧tti̧ pä'ü o̧ttä̧kua̧; ja̧'wa̧ta̧nü̧ Tu̧ru̧wa̧ Dio-mä̧, jä'o Dawi uruwo ji̧nü̧ i̧yä̧kua̧.

TÄ̧DO Ä̧CUÄ̧ I̧HUȨNȨ

³² Ja̧u̧ ucuo i̧sa̧ jä̧cua̧. Dios Ju'toju Ru̧hua̧ I̧tti̧ pä̧ttä̧cua̧. Ja̧'hua̧ta̧nö̧ Tu̧ru̧hua̧ Dios Ru̧hua̧ päi'önä u̧ju̧nä̧cua̧ tä̧do̧ mi̧nä̧ Davidrö u̧ju̧ni̧nö̧'a̧nö̧.

San Lucas 1:32 ပူးပေါင်းရင်းမြစ်များ

San Mateo 1:1

Jesucrito-mä̧, Dawi-ttü'i̧nä̧, Abraha̧-ttü̧'i̧nä̧ isotü i̧sa̧ ji̧na̧'a̧ttü̧, ü̧tä̧mü̧ mi̧nä̧ttü̧ kkä̧mä̧dü̧ tti̧mi̧ pi̧yȩmä̧, pa̧'a̧nü̧ ji̧na̧'a̧:

San Mateo 12:42

Ja̧'wa̧ta̧nü̧ pojokuä mo̧ro̧, rüjí mo̧ro̧ päi'omȩnä̧, Sabá rȩjȩ ruwaju'i̧nä̧ wa'arettü ttojächi'äkuaju pi̧yȩ pä̧nä̧ ttü̧ja̧ku̧, juätürü usurä ttȩmä̧u̧nä̧ ro̧ȩkuä̧nä̧ iyü kkikua pä'ü; jua'amä̧ Saromón u̧wo̧juö̧ wȩnȩ ä̧ju̧ku̧ kkichina̧'a̧ttü̧. Pȩnȩtä̧ kkü̧sä̧ Salomón-ttü'i̧nä̧ u̧wä̧mȩnä̧ wa̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Marcos 14:61

pä'ü, jäepa'anä̧, ädätoka'a yabokutä 'koruchi'ü kki̧nü̧. —Pä'äjita'anü̧, sacerdote wotü ttu̧ru̧wa̧mä̧ jä'epü ä̧ju̧kui̧nä̧ku̧: ¿Ukutä ja̧'a̧, Crito, Dio i̧tti̧ esewäkumä̧?

San Marcos 5:7

wopi'ünü̧ pä'inü̧: —¡Mȩkuo̧pä̧rä̧ttü̧, Dio, mo̧ro̧jä̧ Ru̧wa̧ I̧tti̧, Jesú-mä̧, usurä chȩmä̧u̧nä̧mä̧ jȩ'kuä̧ttü̧, Dio i̧mi̧nä̧ jädepäkujä̧!,

San Lucas 1:15

Ja̧'wa̧ta̧nü̧ jua̧u̧mä̧ Dio ä'ka jo̧mȩttü̧ ukuo i̧sa̧ jä̧kua̧. Vino isoya'i̧nä̧ ja̧'wa̧ta̧nü̧ niyaiya'i̧nä̧ awokü jä̧kua̧, uwäpächäkua'a Ä'kanä̧tä̧ päi'ünä̧ Epíritu Sa̧tu̧mä̧ jo̧mȩnü̧ ü̧jä̧kua̧.

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Lucas 1:76

Ukú ji̧'ki̧cha̧wa̧mä̧, mo̧ro̧jä̧ ru̧wa̧ wȩ'ä̧wa̧ profeta pä'ü ottäkua̧jä̧ u̧mä̧nä̧ jo̧mȩnü̧ jȩpü̧ ku̧ju̧nä̧kua̧'a̧ttü̧,

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Lucas 6:35

Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

San Juan 12:34

Pä̧i̧yä̧u̧, ttü̧ja̧mä̧ ttädätinä̧ku̧: Weäwä wȩnȩnä̧mä̧, Crito-mä̧ 'kuäopünä̧ ü̧jä̧kua̧ pä'ija'atä wo̧juä̧tü̧jä̧. ¿Toku pä'ü, Ubo I̧tti̧mä̧ rȩjȩttü̧ tto̧ä̧chä̧kua̧ päkua'ajä̧ttü̧? ¿Díjä̧ttü̧ Ubo I̧tti̧mä̧?

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

Hechos 16:17

Juäju mü̧ä̧yajumä̧, Pauru'i̧nä̧, ujuturu'i̧nä̧ to'ka'anä̧ ichü wopinä̧ju̧: —¡Pitü ttü̧ja̧mä̧, Dio mo̧ro̧jä̧ ru̧wa̧ umüwäyotü ja̧'a̧ ja̧'wa̧nü̧ ukuturu kki̧'ä̧kuä̧wä̧ mä̧nä̧ ji'äwätümä̧!

Hechos 2:30

Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

Hechos 7:48

Jua'akumä̧, Dio mo̧ro̧jä̧ ru̧wa̧mä̧ ttü̧ja̧ ttu̧mü̧nä̧ adikuodenä̧mä̧ kko̧kü̧ ji̧yä̧ku̧. Profeta-mä̧ pä'inü̧:

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü: