San Juan 8:53 - Nuevo Testamento Uwotjüja

⁵³ ¿Jua̧u̧ttü̧mä̧, ukumä̧, tä'o Abraha̧-mi̧nä̧ttü̧'i̧nä̧ abonä̧nü̧ wa̧jä̧ tä̧jí̧? Jua̧u̧mä̧ wa'ü ikuinü̧ ja̧'wa̧ta̧nü̧ profeta-tü̧'i̧nä̧ wa'ü ikuinä̧tü̧. ¿Ji̧nä̧so ukuo i̧sa̧sä̧ päkua'a, ukumä̧?

TÄ̧DO Ä̧CUÄ̧ I̧HUȨNȨ

⁵³ ¿Ucumä tä'o Abraham mi̧nä̧ttö̧'i̧nä̧ abonänö adihuä i̧sa̧jä̧ tä̧ji̧? Ja̧u̧'i̧nä̧, Dios i̧huȩnȩ jiäcuähuä isotö'inä hua'ö icuinätödo. Ucumä, ¿di cu'ättö?

San Juan 8:53 ပူးပေါင်းရင်းမြစ်များ

San Mateo 12:6

Ja̧'wa̧nü̧ ja̧'a̧ttü̧ ukuturu pä'üsä, pȩnȩ́ ukutuku kkü̧mä̧ Dio-rü ukuokuäkuäwodettü'i̧nä̧ abonä̧nü̧ u̧wä̧mȩnä̧ wa̧ ja̧'a̧.

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Juan 10:33

Judío-mä̧ ttädätinä̧ku̧: —Adiwä juei jȩ'kuä̧'i̧jü̧nä̧mä̧, i̧nä̧ o'kinä̧ ikuäu kuä'ü tikuakumä̧ pätokokujä̧; Dio-rü suronä̧ pä̧kuomȩttü̧ jȩtä̧ku̧jä̧: ukumä̧ ttü̧ja̧sa̧ kua'anä̧, kua̧mü̧nä̧ pa̧ja̧tü̧ Dio 'kua̧rü̧nä̧ päkuäwomȩttü̧.

San Juan 12:34

Pä̧i̧yä̧u̧, ttü̧ja̧mä̧ ttädätinä̧ku̧: Weäwä wȩnȩnä̧mä̧, Crito-mä̧ 'kuäopünä̧ ü̧jä̧kua̧ pä'ija'atä wo̧juä̧tü̧jä̧. ¿Toku pä'ü, Ubo I̧tti̧mä̧ rȩjȩttü̧ tto̧ä̧chä̧kua̧ päkua'ajä̧ttü̧? ¿Díjä̧ttü̧ Ubo I̧tti̧mä̧?

San Juan 19:7

Judío tturuwotümä̧ ädätinä̧tü̧: —Ujutumä̧, weäwä wȩnȩ kku̧nä̧rä̧tü̧jä̧, jua̧u̧ pä'aku 'korujuoächa pä'ütä ja̧'a̧, Dio I̧tti̧ jü̧nä̧, a̧mü̧nä̧ päkuäwäja̧'a̧ttü̧.

San Juan 4:12

¿Ja̧'wa̧nü̧ päkua'amä̧, tä̧do̧ Jaco mi̧nä̧, piju iyinü̧, chutä'i̧nä̧ awinä̧ju ja̧'a̧, i̧tti̧mü̧'i̧nä̧ ttawinä̧ju ja̧'a̧mä̧, ä̧ji̧mü̧'i̧nä̧ ttawinä̧ju ja̧'a̧mä̧, u̧wä̧mȩnä̧ wa̧jä̧?

San Juan 5:18

Ja̧'wa̧nü̧ pä̧i̧yä̧u̧ judío-mä̧, yabokutä kuä'ü ttikua pättinä̧ku̧; jua'amä̧ sawaru mo̧ro̧tä̧ ukuotoka'atämä̧kü̧, Dio-rü'i̧nä̧ Chä'o, pä'ükkä̧nü̧, Dio jü̧ta̧'a̧nü̧ yoräteku päomȩnä̧.

San Juan 8:58

Jesú päinä̧u̧: —Isopäi'ünä̧ ukuturu pä'üsä: Abraha̧ ü̧jä̧kua̧'a̧'i̧nä̧, ä'kanä̧ ttümä̧ kki̧nü̧sä̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.