San Juan 8:46 - Nuevo Testamento Uwotjüja

⁴⁶ ¿Díjä̧ttü̧ ukututtü ji̧yȩtȩ surojü jȩchü̧ päü'anü̧ wa̧mä̧? ja̧'wa̧nü̧ ja̧'a̧ttü̧ isopäi'ünä̧ wȩnȩ päda'amä̧, ¿Tta̧'a̧nü̧ pä'ü kuesetätukuokokusättü̧?

TÄ̧DO Ä̧CUÄ̧ I̧HUȨNȨ

⁴⁶ Ttö suronä jȩcha̧'a̧ ucututtu topäjimä, ¿tidejä̧ttö̧? Iso päi'önä huȩnȩ jidähua'a, ¿dä̧bö̧ cuesetätucuoca'ajä̧ttö̧ ttörö?

San Juan 8:46 ပူးပေါင်းရင်းမြစ်များ

San Mateo 21:25

¿Ju̧a̧-rü̧mä̧ bautizo jȩa̧ pä'ümä̧ Dí weinä̧ttü̧ Dio ji̧na̧'a̧, ttü̧ja̧ ji̧na̧'a̧? Ukutu kuädätätukuttütä, ttü'i̧nä̧ ja̧u̧ weäwänä̧ pi̧yȩmä̧ jȩpü̧sä̧ pä'ü jidäwäkuotüjä̧. Ja̧'wa̧nü̧ päomȩnä̧ kkorotümä̧ kkorotüku pä'ä'chäkuäwinä̧tü̧. Dio weinä̧ku̧ pätüttümä̧ ¿Tta̧'a̧nü̧ pä'ü kuesetätukuoka'a ji̧nä̧ttü̧? pä̧kuä̧u̧jä̧.

San Marcos 11:31

Päomȩnä̧, tta̧mü̧nä̧ pa̧ja̧tü̧ ukuokuäkuäwinä̧tü̧: «Dio weinä̧ku̧, pätüttümä̧: Jua̧u̧nu̧mä̧, ¿toku pä'ü kuesetätukuokoku ji̧nä̧ttü̧? pä̧kuä̧u̧jä̧,

San Juan 14:30

Täkü ukutukumä̧, kkoro rü̧ȩnä̧mä̧ ukuokuoküsä, jua'amä̧ pi̧jä̧nä̧ we'ä'ijü icha'attü, Jua̧u̧mä̧ ttükumä̧ yoriso jui̧'a̧.

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Juan 16:8

Ja̧'wa̧nü̧ ja̧'a̧, Jua̧u̧ ichomȩnä̧mä̧, pi̧jä̧ ttü̧ja̧rü̧ surojü jȩttü̧ttü̧'i̧nä̧, Dio jueünä̧ jȩü̧ttü̧'i̧nä̧, ro̧ȩpä̧kuȩttü̧'i̧nä̧ ttu̧wo̧jui̧pü̧nä̧ ppä̧dä̧kua̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 8:47

Dio i̧tti̧mä̧, Dio i̧wȩnȩ ä̧ju̧ku̧; ja̧'wa̧nü̧ ja̧'a̧ttü̧, ukutumä̧ ä̧ju̧kuo̧ko̧tü̧jä̧, Dio i̧tti̧mü̧ kuätukuoka'attü̧.

San Juan 8:7

Ja̧'wa̧nü̧ ja̧'a̧nä̧, yabonü̧ jä̧ttȩpä̧rä̧ku̧, ä̧rä̧mi̧'ü̧ päinä̧u̧: —Ukututtü, ya̧tȩ surojü jui̧'a̧mä̧, ä̧kuo̧mȩnä̧ kkä̧mä̧dü̧ ido'ki ikuiju.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

1 Pedro 2:22

Crito-mä̧ ya'utenä̧'i̧nä̧ surojümä̧ jȩpo̧kü̧ pinü̧, ja̧'wa̧ta̧nü̧ ya̧tȩrü̧'i̧nä̧ yaparewokü pinü̧.