San Juan 8:34 - Nuevo Testamento Uwotjüja

³⁴ Jesú ädätinä̧u̧: —Isopäi'ünä̧ pädäu̧jä̧, o'katoi'ünä̧ surojü jȩpä̧tü̧mä̧, surojütä 'kiyünä̧ wȩä̧u̧ ja̧'a̧.

TÄ̧DO Ä̧CUÄ̧ I̧HUȨNȨ

³⁴ Ja̧'hua̧nö̧ jättepomenä, Jesús pä'inödo jahuätörö: —Iso päi'önä pä'ösä ucuturu, o'ca toi'önä suronä jȩpä̧tö̧mä̧, suronä jȩä̧cuä̧huä̧ isotödo.

San Juan 8:34 ပူးပေါင်းရင်းမြစ်များ

San Mateo 5:18

Isopäi'ünä̧ pädäu̧jä̧, pi̧jä̧'i̧nä̧, mo̧ro̧jä̧'i̧nä̧, beipächü juiyäimä̧, weäwä wȩnȩttü̧mä̧ juiyo a̧'u̧ku̧ ja̧ pä'ü'i̧nä̧ ȩmü̧mä̧ ikuäwokü jä̧kuȩ, pä'ijümä̧ o'kajuiyünä̧ jo̧mȩnü̧ pa̧ja̧kuä̧chü̧nä̧ päi'omȩbü päi'ünä̧.

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

Hechos 8:23

Ttü tochomȩnä̧ kua̧'kua̧ surojütä ȩkä̧ku̧jä̧, ja̧'wa̧ta̧nü̧ surojütä 'chu'ädü rütinä̧ku̧jä̧.

Romanos 6:12

Ja̧'wa̧nü̧ ja̧'a̧ttü̧, surojü ukuotäkuäwokü kuidepätukunä̧ wea'anä̧mä̧ ku̧ja̧kuä̧tu̧kuä̧ ja̧'wa̧ta̧nü̧ ji̧yȩtä̧ pä̧wä̧rü̧ja̧'a̧ku̧ oipa'anä̧mä̧.

Romanos 6:16

Ukutumä̧ wo̧juä̧tü̧jä̧ ya̧tȩ ttu̧ru̧wa̧rü̧ umüwäyotü jü̧nä̧ ttiyäwomȩnä̧mä̧, umüwäyotü jü̧nä̧ ttukuota pä'ütä ja̧'a̧. Ja̧'wa̧nü̧ ja̧'a̧ttü̧ surojü ttukuotomȩnä̧mä̧ wa'arera̧'a̧tä̧ ȩpü̧, ja̧'wa̧ta̧nü̧ Dio-rü ttukuotomȩnä̧mä̧ adiwä juei ttukuotünä̧ ja̧'a̧.

Romanos 6:6

Täkü wo̧juä̧tü̧jä̧, ä'koji jȩpü̧ tü̧ji̧nü̧mä̧, chutäku yo̧mȩtȩnä̧ ü̧jo̧kä̧ jäinä̧ toe'ächomȩnä̧, ji̧yȩku̧ tu'uttächinü̧ surojä'ijü ujuru si'epü ikuina̧'a̧ pä'ü, täkü jua̧u̧ ukuotäkuäwokü wea'anä̧ ti̧'chü̧ juiya pä'ümä̧.

Romanos 7:14

Isopäi'ünä̧ weäwä wȩnȩmä̧ Epíritu jäwä ja̧'a̧ pä'ümä̧ wo̧juä̧tü̧jä̧ ja̧'wa̧nü̧ ja̧'a̧nä̧ ttümä̧ pi̧jä̧ ttü̧ja̧sa̧sä̧, surojü ujuru wea'anä̧tä̧ kkä̧kuä̧wä̧ i̧sa̧sä̧.

Romanos 7:25

Dio-rütä rü̧ȩnä̧ eseusä, Tu̧ru̧wa̧ Jesucrito-nä̧. Ja̧'wa̧nü̧ ja̧'a̧ttü̧ cha̧mü̧nä̧ chamükuädünä̧mä̧, Dio weü wȩnȩtä̧ jȩpü̧sä̧ ja̧'wa̧nü̧ ja̧'a̧nä̧ chidepänä̧mä̧ surojü weütä jȩpü̧sä̧.

Romanos 8:21

Isopäi'ünä̧ Dio aditäwä surojuoächinü̧'i̧nä̧ surojü 'chu̧ä̧rü̧ttü̧mä̧ rä'epü i̧kuä̧kua̧, Dio i̧tti̧mü̧ ttü̧ja̧ku̧ adiwä jueinä̧ päi'ünä̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

2 Pedro 2:19

Pä̧wä̧rü̧ja̧'a̧ku̧ jȩtti̧ya̧tü̧ pä'ätü, jitütämä̧ surojü jȩä̧kuä̧wä̧ umüwäyotü tta'anä̧; isopäi'ünä̧ o'katoi'ünä̧ surojü umüwäyotümä̧ jua̧u̧tä̧ wȩä̧u̧ ja̧'a̧ttü̧.