San Juan 7:19 - Nuevo Testamento Uwotjüja

¹⁹ «¿Ukuturu weäwä wȩnȩ iyinü̧mä̧, Moisé-mä̧ jo̧ka̧'a̧ ji̧na̧'a̧ tä̧jí̧? Ja̧'wa̧nü̧ ja̧'a̧nä̧ ukutumä̧ ya̧tȩ'i̧nä̧ jua̧u̧ ukuotokotüjä̧. ¿Tta̧'a̧nü̧ pä'ü kuä'ü kuikuätukua päkuätukuäkusä̧ttü̧?»

TÄ̧DO Ä̧CUÄ̧ I̧HUȨNȨ

¹⁹ “¿Moisés ucuturu hueähuä huȩnȩ iyinödi̧? Ja̧'hua̧nö̧ ja̧'a̧nä̧ ja̧u̧ hueähuä huȩnȩ päö'a̧nö̧ jȩpo̧co̧tö̧jä̧ ucutumä. Ttörö, ¿dä̧bö̧ cuä'ö cuicuätucua päcuhuätucua'ajä̧ttö̧?

San Juan 7:19 ပူးပေါင်းရင်းမြစ်များ

San Mateo 12:14

Ja̧'wa̧nü̧ jȩi̧yä̧u̧ fariseo wotümä̧ juorü rä'opächäjä'kotü ukuokuinä̧tü̧, Jesú-ru kuä'ü ttikua pä'ümä̧.

San Mateo 21:38

Ja̧'wa̧nü̧ pä'ü weäjäku i̧tti̧rü̧ topo'ü, adikuä isotümä̧ pä'inä̧tü̧: Pide ja̧'a̧, jä'o i'ätta u̧ru̧wa̧ jä̧kua̧mä̧, kuä'ü tikuarü; ujututä pätta uruwotü päti'äkua'anü̧;

San Marcos 11:18

Ja̧'wa̧nü̧ pä'a ä̧ju̧ku̧, sacerdote wotü tturuwotü'i̧nä̧, wo̧juȩkuä̧ isotü'i̧nä̧ Jesú-ru kuä'ü ttikua pä'ü amükuädinä̧tü̧, ja̧'wa̧nü̧ ja̧'a̧nä̧ ttü̧ja̧rü̧ ye'ekuinä̧tü̧, ttü̧ja̧ o'katoi'ünä̧ U̧wo̧juȩtü̧ rü̧ȩnä̧ tta̧mü̧kuäda'attü̧.

San Marcos 3:4

Pä'ü kkä̧nü̧, kkorotürü jä'epü ä̧ju̧kui̧nü̧: —¿Sawaru mo̧ro̧mä̧ däjetä jȩtta̧ pä'ü weäwa'ajä̧ttü̧: adiu jȩtta̧ pä'ü tä̧jí̧, surojü jȩtta̧ pä'ü tä̧jí̧? ¿Tta̧'kua̧ra̧ pä'ü ppättädü'anü̧ tä̧jí̧, totte'ächa'anä̧ ja̧'a̧tä̧ tottü'anü̧ tä̧jí̧? Päomȩnä̧, yoriso ädätokotü pinä̧tü̧.

San Marcos 3:6

Ja̧'wa̧nü̧ ja̧'a̧ topü, fariseo wotümä̧ juorü rä'opächü, Herode umüwäyotüku ka̧ka̧ku̧ pȩjä̧mü̧, Jesú-ru kuä'ü ttikua pä'ü, amükuädü kku̧ni̧nä̧tü̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 10:39

Päomȩnä̧, pä'äjita'anü̧ 'chuttädarü pä'ü jȩtti̧pa'anä̧, ttu̧mü̧ttü̧ tiro'kui'ü Jesú-mä̧ tüipächini̧yä̧u̧.

San Juan 11:53

Ja̧'wa̧nü̧ ja̧'a̧ttü̧, jua̧u̧nu̧tä̧ mo̧ro̧, Jesú-ru kuä'ü ttikua pä'ü amükuädü kku̧ni̧nä̧tü̧ ukuo isotümä̧.

San Juan 5:16

Ja̧'wa̧nü̧ sawaru mo̧ro̧ jȩi̧yä̧u̧ judío-mä̧, Jesú-ru kuä'ü ttikua pä'ü jȩpi̧nä̧tü̧.

San Juan 5:18

Ja̧'wa̧nü̧ pä̧i̧yä̧u̧ judío-mä̧, yabokutä kuä'ü ttikua pättinä̧ku̧; jua'amä̧ sawaru mo̧ro̧tä̧ ukuotoka'atämä̧kü̧, Dio-rü'i̧nä̧ Chä'o, pä'ükkä̧nü̧, Dio jü̧ta̧'a̧nü̧ yoräteku päomȩnä̧.

San Juan 5:45

Jä'o ä'ka jo̧mȩttü̧ suronä̧ jȩtä̧'i̧jü̧ jiäwä̧kuä̧u̧jä̧ pä'ümä̧, päkuätukuättü; ya̧tȩ ukutu kua̧'kua̧ ku̧wȩnä̧rä̧'i̧jä̧tu̧kuä̧ku̧ kkü̧, Moisé, ji̧nä̧so pä̧kua̧mä̧.

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.

San Juan 7:25

Jerusarȩ́ ütawiyä ttü̧ja̧, juȩnȩ kka̧kuä̧tü̧mä̧ pä'inä̧tü̧: —¿Chujuamä̧ jo̧ka̧'a̧, kuä'ü tikuarü pä'ü ttusäjäkumä̧?

Hechos 7:38

Ja̧'wa̧ta̧nü̧, jua̧u̧ Moisé-tä ji̧na̧'a̧, irae ttü̧ja̧ ka̧ka̧kui̧nä̧tü̧ tü̧tä̧mü̧ mi̧nä̧rü̧, kkä̧kuä̧wä̧ wȩnȩ jua'a yabo 'kuä'epäjipü iku ji'äwinü̧mä̧, Sinaí mü̧ä̧'kattü á̧gȩ ukuoku wȩnȩ.

Gálatas 3:19

Ja̧'wa̧nü̧ jü̧ttü̧mä̧, ¿Weäwä wȩnȩmä̧ däjetä ppäda'a jä̧ttü̧? Jua̧u̧ weäwä wȩnȩ iyinü ttü̧ja̧ ttukuotokomȩttü̧, Abraha̧-rü̧ kui̧tti̧rü̧ chi̧yä̧kua̧jä̧ Dio päinä̧ku̧ icha'anä̧. Á̧gȩrȩ-tä̧ ji'äwinä̧tü̧, Moisé-mä̧ jua'a yabo jiäkuäwä i̧sa̧ jü̧nä̧tä̧ winü̧.

Gálatas 6:13

Juätü circuncisión pättü jȩpä̧kuä̧wo̧tü̧'i̧nä̧ o'kajuiyünä̧ weäwä wȩnȩ päü'a̧nü̧mä̧ jȩpo̧ko̧tü̧. Ja̧'wa̧nü̧ ja̧'a̧nä̧ ukuturutä circuncisión jȩ'kui̧yä̧tu̧kua̧tü̧ pä'ätü, wȩti̧nä̧u̧ pä'ü topü tteseäkuäwa pä'ü.