San Juan 6:69 - Nuevo Testamento Uwotjüja

⁶⁹ Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

TÄ̧DO Ä̧CUÄ̧ I̧HUȨNȨ

⁶⁹ Ujutu täcö esetinätöjä. Ucumä Dios kö̧ I̧tti̧ Cristojä, huo̧juä̧tö̧jä̧ ujutumä.

San Juan 6:69 ပူးပေါင်းရင်းမြစ်များ

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

San Marcos 1:1

Tü̧ä̧nä̧wa̧ Dio I̧tti̧, i̧chä̧kua̧ pä'ü ukuowinü̧, Jesú ütü'kü jäwä, jareü wȩnȩmä̧, pa̧'a̧nü̧ kkä̧mä̧di̧na̧'a̧.

San Marcos 1:24

—¿Tta̧'a̧nü̧ pä'ü, uku Jesú Nazare ttü̧ja̧sa̧mä̧, ujuturu mȩ'o̧pä̧rü̧ ichüjä̧ttü̧? ¿be'epäjipü iku kui̧chä̧jä̧u̧jä̧ tä̧jí̧? ukurumä̧, Dio ȩmi̧nä̧ku̧ pä'ü wo̧jua̧sä̧.

San Marcos 8:29

Ja̧'wa̧nü̧ pätta'anä̧ ukuturumä̧, ¿dí cha'ajä̧ttü̧, ttümä̧? pä'ü jäepomȩnä̧. Peduru-mä̧ ädätinü̧: —Ukumä̧ Crito-jä̧.

San Lucas 9:20

Ja̧'wa̧nü̧ ja̧'a̧, ukuturumä̧, ¿dí cha'ajä̧ttü̧? —pä'ü jäepomȩnä̧. —Peduru-mä̧ ädätinü̧: —Ukumä̧, Dio wȩ'ä̧wa̧jä̧, jü̧nä̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Juan 1:41

André-mä̧, ä̧kuo̧mȩnä̧mä̧ ubüo Simón-rü̧ 'chä̧wi̧'ü̧ pä'inü̧: —Mesía-rü po̧kui̧pä̧jä̧tü̧jä̧ (Jua̧u̧mä̧ Crito pä'ü päwä).

San Juan 10:36

Isopäi'ünä̧ Dio pätetü weinä̧ku̧ru̧mä̧, Dio-rü suronä̧ pä'ü pä'ätüjä̧, Dio i̧tti̧sä̧ pädomȩttü̧.

San Juan 11:27

Päomȩnä̧, kkädätinä̧ku̧: —A̧, chu̧ru̧wa̧; ukurumä̧ Crito-jä̧, Dio I̧tti̧, pi̧jä̧ra̧'a̧ i̧chä̧kua̧ pättinä̧ku̧ pä'ü esetäjusä.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

Hechos 8:36

Jua̧u̧nü̧ o'ka'a, aje kko̧mȩ 'kuäto'omȩnä̧, Etiopía i̧sa̧mä̧ pä'inü̧; —Pȩnȩtä̧ akua'a ajiyamä̧; ¿däjetä tto̧ȩpä̧ra̧'a̧jä̧ttü̧, bautizo jȩchä̧kuä̧wa̧ pä'ümä̧? [

Romanos 1:3

Jua̧u̧ wȩä̧kua̧mä̧ I̧tti̧, Tu̧ru̧wa̧ Jesucrito ji̧na̧'a̧, ü̧tä̧mü̧ttü̧mä̧ Dawi isotü i̧sa̧ pinü̧,

Efesios 4:13

O'katoi'ünä̧ ji̧nä̧ ji̧yȩtȩnä̧tä̧ ta̧'kua̧ tu̧wȩnä̧ro̧mȩbü päi'ünä̧ ti̧rȩbȩwi̧'ü̧nä̧ ja̧'wa̧ta̧nü̧ Dio i̧tti̧rü̧ tu̧wo̧juä̧chi̧'ü̧nä̧tä̧ päi'ünä̧, ttü̧ja̧sa̧ surojü jui̧'a̧rü̧, Crito jü̧ta̧'a̧nü̧ jo̧mȩnü̧ tä̧mü̧ juota pä'ü.

1 Juan 4:16

Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.