San Juan 6:51 - Nuevo Testamento Uwotjüja

⁵¹ Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

TÄ̧DO Ä̧CUÄ̧ I̧HUȨNȨ

⁵¹ Ttötäsä ja̧u̧ kä̧cuä̧huä̧ i'co i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧. Pi̧yȩ i̧ri̧si̧ttö̧ cumä, 'cuäopönä ö̧jä̧cua̧. Ja̧u̧ i̧ri̧si̧ chiyömä, ttötä chidepä chi̧yä̧huä̧cua̧sä̧. Pi̧jä̧ ttö̧ja̧ ttö̧ja̧cua̧ pä'ö chi̧yä̧huä̧cua̧sä̧, —pä'inödo Jesús.

San Juan 6:51 ပူးပေါင်းရင်းမြစ်များ

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Lucas 22:19

Jua̧u̧ o'komȩnä̧, trigo i̧ri̧si̧ ȩmo̧po̧'ü̧, Dio-rü eseunu̧ ukuokuäji̧'ka̧, 'to'opü u̧wo̧juȩtä̧u̧rü iyü pä'inü̧: —Pi̧yȩmä̧, ttütä jä̧ttä̧pä̧ya̧ ja̧'a̧; ukutu jäwänä̧ iyü i̧kuä̧wä̧kuȩ; pi̧yȩmä̧ jȩ'kuä̧tu̧kua̧jä̧ ttürü amükuädü.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Juan 11:26

Ja̧'wa̧nü̧ ja̧'a̧ttü̧ o'katoi'ünä̧ a̧'kua̧rä̧tü̧, ttürü esetätümä̧ yoriso 'korujuo'ächokotü ttäkuotü. ¿Pa̧'a̧nü̧ pädümä̧ esetäjujä̧?

San Juan 3:13

Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

San Juan 3:14

Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 6:33

Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

San Juan 6:35

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

San Juan 6:41

Ja̧'wa̧nü̧ ja̧'a̧ttü̧ judío-mä̧ Jesú-ru ya̧'ä̧wä̧'chi̧nä̧tü̧: Ttütäsä kuäkuäwä, mo̧ro̧jä̧ra̧'a̧ttü̧ mȩyȩwi̧nü̧mä̧ päjiyä̧u̧.

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

San Juan 6:48

Ttütäsä, kuäkuäwämä̧, tta̧'kua̧rü̧ iyümä̧,

San Juan 6:50

Ja̧'wa̧nü̧ ja̧'a̧nä̧, pidemä̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧ ja̧'a̧; jua'amä̧ jua̧u̧ttü̧ o'katoi'ünä̧ kuätümä̧, 'korujuottächü juiya pä'ü.

San Juan 7:38

Ttürü esetümä̧, wȩyu̧kuä̧ wȩnȩ pä'ijüta'a̧nü̧, a̧'kua̧rü̧ jakuättümä̧, ajiya a̧'kua̧rü̧ kkoya, rȩjȩ jakuättü räopoya jä̧'i̧nü̧'a̧nü̧ räopäkua'a.

2 Corintios 5:19

Dio-mä̧, Crito-nä̧tä̧ a̧mü̧nä̧ pa̧ja̧tü̧ pi̧jä̧ ttü̧ja̧rü̧ esekuinü̧, suronä̧ jȩttä̧'i̧jü̧mä̧ toäkuäwä juiyünä̧, ujuturumä̧ eseku ikuäwä wȩnȩ jitäwiyarü pä'ü we'inü̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 5:25

Ttirekuomü̧mä̧, kuirekuamü̧tu̧ku̧ru̧ eseunu̧ repe'ätukui, Crito igresia-rü eseu repe'ü a̧'kua̧rü̧ iyäwinü̧ta̧'a̧nü̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hebreos 10:20

Jesú 'korujuoächomȩnä̧, Dio-rü ukuokuäwodenä̧ 'kuätto'ü juiyünä̧ tto̧ȩpä̧rä̧ta̧ ba'epinü̧, idepänä̧tä̧.

1 Pedro 2:4

Ja̧'wa̧nü̧ ja̧'a̧ttü̧ Tu̧ru̧wa̧rü̧ tü'küpächätukui, I̧no̧'ki wa'ü ikuoko'ki ttü̧ja̧mä̧ ya'okuinä̧tü̧, ja̧'wa̧nü̧ ja̧'a̧nä̧ Dio-rümä̧ pojopü kku̧nä̧wo'ki rü̧ȩnä̧ mikuäwo'ki jü̧nä̧.

1 Juan 2:2

Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.

1 Juan 4:10

Pi̧yȩ ja̧'a̧, eseu repe'ü jȩi̧nü̧mä̧: Ji̧nä̧somä̧, ä̧kuo̧mȩnä̧mä̧ ujutumä̧, Dio-rü eseu repe'okotü pinä̧tü̧jä̧; pärokua'aku chutätä ujuturu eseu repe'ü, I̧tti̧rü̧ we'inü̧, jua̧u̧ usurä ȩmä̧u̧ ji̧yȩnä̧tä̧ ujutu suronä̧ jȩtü̧ mikuäwächa pä'ü.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.