San Juan 6:50 - Nuevo Testamento Uwotjüja

⁵⁰ Ja̧'wa̧nü̧ ja̧'a̧nä̧, pidemä̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧ ja̧'a̧; jua'amä̧ jua̧u̧ttü̧ o'katoi'ünä̧ kuätümä̧, 'korujuottächü juiya pä'ü.

TÄ̧DO Ä̧CUÄ̧ I̧HUȨNȨ

⁵⁰ Ja̧'hua̧nö̧ ja̧'a̧nä̧ koro i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧ pä'ösä ttö. Ja̧u̧ i̧ri̧si̧ttö̧ cumä, yoröiso hua'ocödo.

San Juan 6:50 ပူးပေါင်းရင်းမြစ်များ

San Juan 3:13

Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 6:33

Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

San Juan 6:42

Ja̧'wa̧nü̧ ja̧'a̧mä̧ pä'inä̧tü̧: —¿Pidemä̧ José i̧tti̧, Jesú pä'ijümä̧kü̧? Jä'orü'i̧nä̧, ja̧ju̧ru̧'i̧nä̧ tu̧wo̧jui̧yä̧ku̧. ¿Tta̧'a̧nü̧ pä'ü jitämä̧, mo̧ro̧jä̧ra̧'a̧ttü̧ mȩyȩwi̧nü̧sä̧ pä'attü̧?

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

San Juan 6:58

Pide ja̧'a̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧mä̧. Pide kuäkuäwämä̧, ku̧tä̧mü̧ mi̧nä̧tu̧ku̧ ttikuinü̧ maná ji̧na̧'a̧nümä̧ jo̧kü̧, kuinü̧'kotümä̧ wa'ü ikuinä̧tü̧; ja̧'wa̧nü̧ ja̧'a̧nä̧ pi̧yȩ kuäkuäwättü kumä̧ 'kuäopünä̧tä̧ ü̧jä̧kua̧.

San Juan 8:51

Isopäi'ünä̧ pädäu̧jä̧, chi̧wȩnȩ päü jȩpü̧mä̧, wa'ü ikuokü jä̧kua̧.

Romanos 8:10

Jua'a yabo päi'ünä̧, Crito ukutunä̧ ü̧ja̧'a̧mä̧, kuidepätukumä̧ wa'ü ikuina̧'a̧ ukuotäkuäwokü jäwänä̧. Ja̧'wa̧nü̧ ja̧'a̧nä̧ Epíritumä̧ a̧'kua̧rü̧ kkü̧, Dio surojü jui̧'a̧ jü̧nä̧ ukuru aditü ikuina̧'a̧ttü̧.