San Juan 6:5 - Nuevo Testamento Uwotjüja

⁵ Ja̧'wa̧nü̧ ja̧'a̧ Jesú-mä̧ toomȩnä̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Felipe-rü pä'inü̧: —¿Jitüja ttü̧ja̧ o'katoi'ünä̧ ttukua pä'ümä̧, torü tȩmä̧kua̧'a̧jä̧ttü̧?

TÄ̧DO Ä̧CUÄ̧ I̧HUȨNȨ

⁵ Jesús recuätö ttö̧ja̧ o'ca'anä cue'ächätörö topö, Feliperö pä'inödo: —Pa̧'a̧nö̧ ttirecua'a, ¿tottö tȩmä̧cua̧'a̧jä̧ttö̧ cuäcuähuä ttucua pä'ö?

San Juan 6:5 ပူးပေါင်းရင်းမြစ်များ

San Mateo 15:33

U̧wo̧juȩtä̧u̧mä̧ pättinä̧ku̧: —Jua̧u̧nu̧mä̧, ¿torü tü̧'o̧kui̧'ä̧kua̧'a̧jä̧ttü̧, pa̧'a̧nü̧ ttü̧ja̧ rekuätü ttukua pä'ümä̧, ttü̧ja̧'i̧nä̧ toächomȩ ja̧'a̧mä̧?

San Marcos 6:32

Ja̧'wa̧nü̧ ja̧'a̧ttü̧ Jesú-mä̧ umüwäyotü apótore-ku ttü̧ja̧ toächomȩku̧ woi'kanä̧ 'chi̧nü̧

San Lucas 9:10

Jesú u̧wo̧juȩtä̧u̧ apótore wȩä̧jä̧u̧ ppa̧tä̧chi̧'o̧mȩnä̧mä̧ jȩttä̧ji̧mä̧ o'kajuiyünä̧ jittäwinä̧ku̧. Jua̧u̧ o'ka'a, juätürü i̧mi̧ku̧nä̧ wopo'ü, ttü̧ja̧ toächomȩ Betsaida ütawiyära̧'a̧ku̧ oipächinä̧u̧.

San Juan 1:43

Ja̧'wa̧ta̧nü̧ kkoro mo̧ro̧, Jesú-mä̧ Galirea rȩjȩra̧'a̧ 'chi̧nü̧. Jua'attü Felipe-rü po̧kui̧pü̧ pä'inü̧: —Ttüku ichi.

San Juan 1:44

Jua̧u̧ Felipe-mä̧, André-ku, Peduru-ku ttidepiyu Betsaida ütawiyä ttü̧ja̧sa̧ pinü̧.

San Juan 1:45

Ja̧'wa̧ta̧nü̧ Felipe-mä̧, Natanael-rü po̧kui̧pü̧ pä'inü̧: —Weäwä wȩnȩnä̧ Moisé i̧wȩyȩti̧nä̧ku̧ pä'ijürü, profeta winä̧tü̧ tti̧wȩyu̧ti̧nä̧ku̧ pä'ijürü, Jesú nazare i̧sa̧, José i̧tti̧rü̧ po̧kui̧pä̧jä̧tü̧jä̧,

San Juan 1:46

Päomȩnä̧, Natanael-mä̧ pä'inü̧: —¿Nazare ütawiyättümä̧, adiwä juei räopü'anü̧ tä̧jí̧? Päiyäku Felipe-mä̧, päinä̧ku̧: —Ukutä, to'kua ichi.

San Juan 1:48

Päiyäku Natanael-mä̧ jä'epü ä̧ju̧kui̧nä̧ku̧: —¿Ttürümä̧ toku ku̧wo̧jua̧'a̧jä̧ttü̧? Päku, Jesú-mä̧ ädätinä̧ku̧: —Felipe ukuru woäkua'a ä'kanä̧, higuera dau dȩa̧'a̧ ku̧'a̧'a̧ tochäjäkujä̧.

San Juan 4:35

¿Ji̧nä̧ kkä̧wa̧tü̧mä̧, pa̧ja̧kuä̧nü̧ jo̧mȩnä̧ toa'a, Trigo jo̧mȩnü̧ ja̧'a̧ ka̧ka̧kuä̧kuo̧mȩmä̧, pä'okotü pä'ijä̧tü̧jä̧ ukutumä̧? Ja̧'wa̧nü̧ ja̧'a̧nä̧ ttümä̧ pä'üsä, kuäwä kku̧nä̧wä̧ o̧du̧nä̧ topätukui, täkü jo̧mȩnü̧ ja̧'a̧ kuäwä ttü̧ka̧ka̧ta̧ pä'ümä̧,