San Juan 6:37 - Nuevo Testamento Uwotjüja

³⁷ Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

TÄ̧DO Ä̧CUÄ̧ I̧HUȨNȨ

³⁷ O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

San Juan 6:37 ပူးပေါင်းရင်းမြစ်များ

San Mateo 11:28

O'katoi'ünä̧ aditü usurä ȩmä̧u̧ 'kuä'ächi'inä̧tü̧mä̧ ttüku ichätukui, ttümä̧ usurä chȩmä̧wuö̧ juiyünä̧ jȩchä̧kuä̧u̧jä̧.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

San Juan 17:6

Pi̧jä̧ttü̧, ttürü pojopü kuiyinä̧u̧ru̧mä̧, uku kutü'kü ttu̧wo̧jui̧pü̧nä̧ jȩpi̧nü̧sä̧. Uku kuȩmi̧nä̧u̧ ja̧'a̧ttü̧, ttürü'i̧nä̧ iyinü̧jä̧ ja̧'wa̧nü̧ ja̧'a̧ttü̧ kui̧wȩnȩ wekumä̧ esetinä̧tü̧.

San Juan 6:39

Ja̧'wa̧nü̧ ja̧'a̧ttü̧, ttürü we'inü̧ Chä'orü pä̧wä̧rü̧jü̧mä̧, ttürü iyinäu̧ru̧mä̧ ya̧tȩrü̧'i̧nä̧ tode'ächoka'a, rüjí mo̧ro̧ wa'arettü ttodädiyarü pä'ü.

San Juan 6:65

Jua'a yabonü̧ pä'inü̧: —Ja̧'wa̧nü̧ ji̧yä̧ku̧ pä'äjisä, ya̧tȩ'i̧nä̧ ttükumä̧ ichü juiyü'anü̧ ja̧'a̧ chä'o wooka'a jü̧ttü̧mä̧, jü̧nä̧.

San Juan 9:34

Pä̧i̧yä̧u̧ pättinä̧ku̧: —Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.

Filipenses 1:29

Isopäi'ünä̧ Dio-mä̧ ukuturu adiwä juei iyinü̧, suro Crito-rü kuesetätukua pä'ütämä̧kü̧, Jua̧u̧ jäwänä̧ usurä kuȩmä̧wä̧tu̧kua̧ pä'ü'i̧nä̧, iyinä̧u̧jä̧.

1 Timoteo 1:16

Ja̧'wa̧nü̧ jȩchi̧na̧'a̧nä̧'i̧nä̧ Dio-mä̧ rȩrü̧jü̧ toinä̧ku̧sä̧, Jesucrito a̧mi̧ 'ki'ächi'ünü̧ o'kajuiyünä̧ ttünä̧ i̧jȩpa̧ pä'ümä̧. Ja̧'wa̧nü̧tä̧ ttü jȩchü̧ta̧'a̧nü̧ jȩpü̧ esetätümä̧ kkä̧kuä̧wä̧ i'ko ttu̧ju̧nä̧ra̧ pä'ütä ichinü̧sä̧.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.