San Juan 6:2 - Nuevo Testamento Uwotjüja

² Ja̧'wa̧nü̧ ja̧'a̧ ttü̧ja̧ rekuätü o'ka'anä̧ 'chi̧nä̧tü̧, na̧nȩpä̧tü̧rü̧ aditü ikuä'chiyä̧u̧.

TÄ̧DO Ä̧CUÄ̧ I̧HUȨNȨ

² Recuätö ttö̧ja̧ koro juäi ttö̧ja̧ ttieru juäi, na̧'ä̧chä̧tö̧rö̧ aditö icua'a tottinö o'ca'a, chutä o'ca'anä cue'ächinätödo.

San Juan 6:2 ပူးပေါင်းရင်းမြစ်များ

San Mateo 12:15

Jua̧u̧ wo̧jui̧'ü̧, Jesú-mä̧ juorü rä'opächü i̧'cha̧'a̧ ttü̧ja̧'i̧nä̧ rekuätü 'chi̧nä̧tü̧; o'katoi'ünä̧ na̧nȩpä̧tü̧rü̧ aditü ikuinü̧,

San Mateo 13:2

Ja̧'wa̧nü̧ ja̧'a̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Jesú-mä̧ woi'kanä̧ 'cha'ächi'ü pä̧mä̧di̧nü̧ juorü u̧wo̧juȩta̧ pä'ü, ttü̧ja̧mä̧ rȩba̧nä̧ ttü̧ja̧kua̧'a̧nä̧.

San Mateo 14:14

Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

San Mateo 8:1

Jesú mü̧ä̧'kattü i̧mȩyȩwi̧'ä̧ji̧ o'ka'a, ttü̧ja̧ rekuätü chutäku 'chi̧nä̧tü̧.

San Marcos 1:45

Ja̧'wa̧nü̧ ro̧ȩpä̧jä̧ku̧mä̧, juorü rä'opächü o'katoi'ünä̧rü̧ churutä 'kuäopäjimä̧ ji'äwä'chinü̧. Ja̧'wa̧nü̧ jo̧mȩnä̧, Jesú-mä̧ wäjunä̧, ütawiyäpünä̧mä̧ doächü juiyünä̧ jä̧ku̧, ttü̧ja̧ tometä̧ kkä̧'chi̧nü̧. Ja̧'wa̧nü̧ ja̧'a̧nä̧ ttidepiyu pünä̧, o'katoi'ünä̧tä̧ ka̧ka̧ku̧ topü ttichinä̧ku̧.

San Marcos 6:33

Ja̧'wa̧nü̧ ja̧'a̧nä̧, ttü̧ja̧mä̧ tti̧'cha̧'a̧ tottinä̧u̧, topü wo̧jui̧'ä̧jä̧'kotü, jua'atä o'katoi'ünä̧ rȩjȩnä̧ 'chi̧nä̧tü̧; tti̧'chä̧ja̧'a̧mä̧ Jesú u̧wo̧juȩtä̧u̧ku̧ i̧rȩbȩwi̧'ä̧kua̧'a̧ ä'kanä̧ rȩbȩwi̧pi̧nä̧tü̧.

San Juan 11:47

Ja̧'wa̧nü̧ ja̧'a̧mä̧, fariseo wotü'i̧nä̧, sacerdote tturuwotü'i̧nä̧, ji̧nä̧so ukuo isotürü ä̧tȩpo̧'ü̧, ka̧ka̧ku̧ pȩjä̧mü̧ pä'inä̧tü̧: —¿Däjetä jȩtä̧ku̧ttü̧? Jua̧u̧mä̧ jȩtto̧kü̧ juei rü̧ȩnä̧ jȩa̧'a̧mä̧.

San Juan 12:18

Ja̧'wa̧nü̧ jä̧jo̧mȩttü̧, ttü̧ja̧mä̧ Jesú-ru eseu ichinä̧tü̧ ja̧'wa̧nü̧ jȩtto̧kü̧ juei jȩä̧ja̧'a̧ ä̧ju̧kuä̧jä̧'kotü.

San Juan 12:37

Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

San Juan 2:11

Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

San Juan 2:23

Jesú Jerusarȩ́-ttü̧, Pacua pä'käri kka̧'a̧ ü̧jo̧mȩnä̧, jȩtto̧kü̧ juei jȩa̧'a̧ topü rekuätü ttesetinä̧ku̧.

San Juan 20:30

Jesú-mä̧, u̧wo̧juȩtä̧u̧ ttä'ka jo̧mȩttü̧mä̧ kkoro jȩtto̧kü̧ jueimä̧ rü̧ȩnä̧ jȩi̧na̧'a̧nä̧, jua̧u̧mä̧ wȩyu̧kuo̧ka̧'a̧ pi̧yȩ wȩyu̧kuä̧ wȩnȩnä̧mä̧.

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Juan 6:14

Ja̧'wa̧nü̧ rü̧ä̧chü̧nä̧, Jesú jȩa̧'a̧ topäjä'kotü topü pä'inä̧tü̧: —Isopäi'ünä̧, profeta pi̧jä̧ra̧'a̧ i̧chä̧kua̧ pättinä̧ku̧mä̧, pidetä ja̧'a̧.

San Juan 6:22

Kkoro mo̧ro̧juoäja'a, ttü̧ja̧ rü̧ä̧dubora ji̧jä̧ku̧nä̧ kka̧kuä̧tü̧mä̧, woi'ka ji'katenä̧tä̧, Jesú-mä̧ toünä̧ u̧wo̧juȩtä̧u̧mä̧ päkuäyotütä tti̧'chä̧ja̧'a̧ wo̧jui̧'i̧nä̧tü̧.

San Juan 6:26

Jesú-mä̧ päinä̧u̧: —Isopäi'ünä̧ ukuturu pä'üsä, jȩtto̧kü̧ ja̧jü̧ juei ja̧'a̧ to'kuätukua'amä̧ kusätukuokokusä, suro sukuädi'ätukunä̧ kuäjä'kotütä kusätukuäkusä.

San Juan 6:30

Päomȩnä̧, pättinä̧ku̧: —¿Däjénä̧ttü̧ ujuturu totünä̧ jȩ'ku̧'a̧nü̧ jü̧mä̧, jua̧u̧ topü tesetaku pä'ümä̧? ¿Däjéjä̧ttü̧ uku jȩ'ku̧mä̧?