San Juan 5:4 - Nuevo Testamento Uwotjüja

⁴ Ja̧'wa̧nü̧ ja̧'a̧, ya̧tȩ á̧gȩ, juo'ta ajiya akuo'tanä̧ mȩyȩwi̧'ü̧ kko̧ro̧nü̧ jü̧ta̧'a̧nü̧ yubäti'enü; ja̧'wa̧nü̧ yubä päi'omȩnä̧, ä'kanä̧ ma̧'ä̧chü̧tä̧ ji̧'ȩna̧'a̧ umäricheittü pi̧'i̧pü̧mä̧, kkorojuei mä̧richei na̧wä̧cha̧ja̧ pä'ü'i̧nä̧.]

TÄ̧DO Ä̧CUÄ̧ I̧HUȨNȨ

⁴ Ja̧u̧nu̧ pä̧nä̧ koronö'inä, koronö'inä ya̧tȩ ángel ja̧u̧ iso'unä i̧mȩyȩhuo̧mȩnä̧, ajiya yuhuecuina'ado. Ajiya ja̧'hua̧nö̧ yuhuecuomenä, iso'u jacuotonä äcuomenä ma̧'ä̧chi̧nö̧mä̧ adiu pi̧'i̧nö̧do na̧huä̧chi̧nö̧mä̧.

San Juan 5:4 ပူးပေါင်းရင်းမြစ်များ

San Mateo 11:12

Bautizo jȩä̧kuä̧wä̧ i̧sa̧, Ju̧a̧ ichino̧mȩttü̧ kkä̧mä̧dü̧ jitä pi̧yȩ mo̧ro̧bü päi'ünä̧, mo̧ro̧jä̧ jäwä weomȩmä̧ rowäkuäwätä kka̧'a̧ ja̧'wa̧ta̧nü̧ rowäkuäwä juruwätütä jua̧u̧mä̧ 'cho'ipätü.

San Mateo 6:33

Ja̧'wa̧nü̧ ja̧'a̧ttü̧ ä'kanä̧mä̧, Ru̧wa̧ Dio weütätä, adiwomȩnä̧ jȩä̧kuä̧wä̧tä̧ usätukui ja̧'wa̧nü̧ jo̧mȩnä̧ jua̧u̧ jä̧ji̧ o'kajuiyünä̧ yaboku i̧yä̧kuä̧u̧jä̧.

San Lucas 13:24

Kujuruku amükuädätukui äpate a̧'u̧kuatenä̧ dode'kuätukua; isopäi'ünä̧ rekuätü dodetta pä'ü jȩtta̧'a̧nä̧, dodepokotü ttäkuotü.

San Lucas 16:16

Weäwä wȩnȩ jäwä'i̧nä̧, profeta winä̧tü̧ jäwä'i̧nä̧, Ju̧a̧-bütä beipa'a. Täkü juorütä kkä̧mä̧dü̧, ru̧wa̧ Dio weü, jareü wȩnȩmä̧, kkä̧mä̧dü̧ jiäkuäwi'ina̧'a̧. Ja̧'wa̧nü̧ ja̧'a̧ttü̧ o'katoi'ünä̧ jua̧u̧nä̧ dodetta pä'ü borepäkuäwätü.

San Juan 5:3

Juȩnȩmä̧ rekuätü na̧nȩpä̧tü̧mä̧, ä̧to̧kä̧tü̧'i̧nä̧, kuettächü juiyünä̧ wotü'i̧nä̧, parárisi mä̧richei na̧nȩpä̧tü̧'i̧nä̧, [ajiya ppawi'aja pä'ü tta̧'ä̧rü̧ pȩji̧nä̧tü̧.

San Juan 5:5

Ja̧'wa̧nü̧ ja̧'a̧ juätü ttü̧'kä̧tȩnä̧, ya̧tȩ treinta y ocho años jo̧mȩnä̧ na̧'ä̧chä̧'i̧jü̧'i̧nä̧ pi̧nü̧.

San Juan 5:7

Päku, na̧'ä̧chü̧mä̧ ädätinü̧: —Chu̧ru̧wa̧, ajiya yuwekuipomȩnä̧, ya̧tȩ'i̧nä̧ toäkusä, ajiya iso'taku ȩmi̧pü̧mä̧. Ji̧nä̧ pä'ütä borechäkuäwa'anä̧, kkorotütä chä'kanä̧ ma̧ttä̧chä̧rä̧'i̧jä̧ku̧sä̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.