San Juan 5:3 - Nuevo Testamento Uwotjüja

³ Juȩnȩmä̧ rekuätü na̧nȩpä̧tü̧mä̧, ä̧to̧kä̧tü̧'i̧nä̧, kuettächü juiyünä̧ wotü'i̧nä̧, parárisi mä̧richei na̧nȩpä̧tü̧'i̧nä̧, [ajiya ppawi'aja pä'ü tta̧'ä̧rü̧ pȩji̧nä̧tü̧.

TÄ̧DO Ä̧CUÄ̧ I̧HUȨNȨ

³ Ju̧huȩnȩ iso'u jäyänä i̧so̧ca̧nä̧ recuätö na̧'ä̧chä̧tö̧'i̧nä̧, ä̧to̧cä̧tö̧'i̧nä̧, cue'ächocotö'inä, 'cuä'ätö'inä rö̧ji̧nä̧tö̧do iso'u yuhuecua'a to̧pä̧rö̧.

San Juan 5:3 ပူးပေါင်းရင်းမြစ်များ

San Mateo 15:30

Ttü̧ja̧ rekuätü ka̧ka̧kui̧nä̧tü̧, tti̧'chü̧ juiyünä̧ wotürü'i̧nä̧, ä̧tokä̧tü̧rü̧'i̧nä̧, kuächo̧kä̧u̧ru̧'i̧nä̧, ukuokuokotürü i'chächinä̧tü̧ ja̧'wa̧ta̧nü̧ kkorotü rekuätü na̧nȩpä̧tü̧rü̧ i'chächü Jesú ü̧jä̧pü̧ kkada'ka ttü̧tä̧u̧rü̧mä̧ aditü ikuini̧yä̧u̧.

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Lucas 7:22

Jua̧u̧nü̧ o'ka'a, jä'epäjätürü pä'inü̧: —Tätukui, Ju̧a̧-rü̧mä̧ to'kuäjätukutä, kuä̧ju̧kuä̧jä̧tu̧ku̧tä̧ jikuäwätukuarüjä̧: Ä̧to̧kä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ 'chä̧tü̧, Repra-ttü na̧nȩpä̧tü̧'i̧nä̧ pȩji̧pä̧tü̧, ä̧ju̧kuo̧ko̧tü̧'i̧nä̧ ä̧ju̧kuä̧tü̧, wa'ü ikuinä̧tü̧'i̧nä̧ tto'ächätü ja̧'wa̧ta̧nü̧ usurä isotümä̧ adiwäjuei jareü wȩnȩ ä̧ju̧kuä̧tü̧.

San Juan 5:2

Ja̧'wa̧nü̧ ja̧'a̧ Jerusarȩ́ ütawiyänä̧, oweja-tü̧ ttäpate kka̧'a̧, juȩnȩ ppeyämä̧ ajiya akuo'ta, hebreo tti̧wȩnȩnä̧mä̧ Betesda pä'ü mi̧kuomȩ kki̧na̧'a̧; doächäkuäwä äpatiyämä̧ ji̧mü̧tȩ jäwä jo̧mȩnä̧ kko̧mȩ.

San Juan 5:4

Ja̧'wa̧nü̧ ja̧'a̧, ya̧tȩ á̧gȩ, juo'ta ajiya akuo'tanä̧ mȩyȩwi̧'ü̧ kko̧ro̧nü̧ jü̧ta̧'a̧nü̧ yubäti'enü; ja̧'wa̧nü̧ yubä päi'omȩnä̧, ä'kanä̧ ma̧'ä̧chü̧tä̧ ji̧'ȩna̧'a̧ umäricheittü pi̧'i̧pü̧mä̧, kkorojuei mä̧richei na̧wä̧cha̧ja̧ pä'ü'i̧nä̧.]

Romanos 8:25

Ja̧'wa̧nü̧ ja̧'a̧nä̧, ji̧nä̧ totokü tta̧tä̧ro̧mȩnä̧mä̧, tta̧mi̧'ki'ächi'ü tta̧'a̧rä̧tü̧jä̧.

Santiago 5:7

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧, ukutumä̧ tü̧ä̧nä̧wa̧ ichomȩbü päi'ünä̧ kua̧mi̧'ki'ächi'ü tta̧'a̧rä̧tu̧kui̧. Kuäwä kku̧nä̧wä̧ i̧sa̧ u̧wä̧ju̧ adiu jo̧mȩnü̧ ja̧'a̧ ü̧ka̧ka̧ta̧ pä'ümä̧ a̧'ȩ juwa'anä̧ a̧mi̧ 'ki'ächi'ü tta̧'a̧rü̧ kkü̧