San Juan 3:8 - Nuevo Testamento Uwotjüja

⁸ Kkä̧rü̧'koppamä̧ pä̧wä̧rü̧ja̧'a̧ku̧ttu̧, kkä̧rü̧'ko̧wa̧'a̧; jua'akumä̧ juoppa icha'a kuä̧ju̧kua̧'a̧nä̧, jua'attü icha'a; Ja̧'wa̧ta̧nü̧ jua'aku 'cha̧'a̧ pä'ümä̧ jȩru̧pa̧jä̧. Ja̧'wa̧nü̧ wotü ja̧'a̧, o'katoi'ünä̧ Epíritu-ttü uwäpächätümä̧.

TÄ̧DO Ä̧CUÄ̧ I̧HUȨNȨ

⁸ Kä̧ru̧'coppa pä̧huä̧ rö̧jo̧mȩnä̧ kä̧ru̧'co̧hua̧'a̧. Kä̧ru̧'co̧huo̧mȩnä̧ ä̧ju̧cu̧jä̧. Ja̧'hua̧nö̧ cuä̧ju̧cuo̧mȩnä̧, ichäja'a'inä, i̧'chä̧cua̧'a̧'i̧nä̧ jȩru̧pa̧jä̧. Ja̧'hua̧ta̧nö̧ ja̧'a̧ Espíritu Santottö uhuäpächätömä.

San Juan 3:8 ပူးပေါင်းရင်းမြစ်များ

San Juan 1:13

Ja̧'wa̧nü̧ ja̧'a̧ttü̧, juätümä̧ pi̧jä̧ ttü̧ja̧ ttukuojanä̧mä̧, ttidepä jäwänä̧mä̧ uwäbe'o̧ko̧u̧ pinä̧tü̧; pärokuä Dio jäwänä̧, Churutä pä̧wä̧rü̧jo̧mȩnä̧ uwäbe'i̧nä̧u̧.

San Juan 3:7

Jareünä̧ ttuwäpächa pä'ü rekuä rü̧ja̧'a̧ pädäja'amä̧, isoó pä'ümä̧ kuamükuädä.

San Juan 3:9

Päku, Nicodemo-mä̧ pä'äjita'anü̧ jä'epinü̧: —Jua̧u̧mä̧ ¿Tta̧'a̧nü̧ jo̧mȩnä̧tä̧ jü̧ttü̧?

Hechos 2:2

ttu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ kkä̧rü̧'koppa toriri päia'a ä̧ju̧kui̧nä̧tü̧. Rü̧ȩnä̧ kkä̧rü̧'koppa ppüomȩnä̧ rä̧mi̧pä̧'i̧nü̧'a̧nü̧; rä̧mi̧pi̧na̧'a̧ ttü̧jo̧denä̧ o'kajuiyünä̧tä̧ pa̧ja̧kuä̧chü̧nä̧ 'kȩ'kȩ päi'ünä̧;

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

1 Corintios 12:11

Ja̧'wa̧nü̧ ja̧'a̧ttü̧, pi̧yȩmä̧ o'kajuiyünä̧tä̧ Epíritu, ya̧tȩtä̧ yotüku pünä̧rü̧ iyä'chü jȩpü̧, Churutä pä̧wä̧rü̧jo̧mȩnä̧.

1 Corintios 2:11

¿Ditä ja̧'a̧jä̧ttü̧ pi̧jä̧ ttü̧ja̧ttü̧, ttü̧ja̧sa̧ a̧'kua̧rü̧ i̧sa̧ jü̧'a̧nü̧, ttü̧ja̧sa̧ jakuänä̧ amükuädü'i̧nä̧ wo̧jua̧mä̧? Ja̧'wa̧nü̧ jü̧ta̧'a̧nü̧, Dio i̧sa̧ Epíritu-tä ja̧'a̧, Dio-nä̧ kka̧ku̧ wo̧jua̧mä̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.