San Juan 21:22 - Nuevo Testamento Uwotjüja

²² Päiyäku, Jesú-mä̧ ädätinä̧ku̧: —Jua̧u̧mä̧ ttü ppa̧dä̧chomȩbü päi'ünä̧ ü̧ja̧ pädüttümä̧ttü̧, ¿ja̧'wa̧nü̧ ja̧'a̧nä̧ ukú jäwämä̧kü̧? Ukumä̧, cho'ka'anä̧tä̧ ichi.

TÄ̧DO Ä̧CUÄ̧ I̧HUȨNȨ

²² Jesús ja̧u̧ru̧ ädätinödo: —Pä'äji ta'anö chichome jubö päi'önä ö̧ja̧ pä'ö pädöttömä, ¿ucurumä suroja'a tä̧ji̧? Ucutä ttöcu cue'ächi.

San Juan 21:22 ပူးပေါင်းရင်းမြစ်များ

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

San Mateo 24:27

Isopäi'ünä̧ kkä̧wa̧ räopa'akuttü ku'upä ürowomȩnä̧, kkä̧wa̧ ma̧ä̧cha̧'a̧ku̧ttü̧'i̧nä̧ kkȩdȩa̧'a̧ jä̧'i̧nü̧'a̧nü̧ jä̧kua̧'a̧ ubo I̧tti̧ ichomȩnä̧mä̧.

San Mateo 24:3

Jua̧u̧nü̧ o'ka'a olivo kka̧kuä̧'ka mü̧ä̧'kara̧'a̧ 'chä̧wi̧'ä̧ji̧'ka̧ Jesú-mä̧ ü̧'a̧'a̧, u̧wo̧juȩtä̧u̧mä̧ päkuotütä 'chä̧wi̧'ü̧ jättepinä̧ku̧: —Ji'äwitü pi̧yȩmä̧ ti̧yȩnü̧ jä̧kua̧'a̧jä̧ttü̧. ¿Uku kuichäkua'a ä'kanä̧mä̧ ja̧'wa̧ta̧nü̧ pi̧jä̧ beipächäkua'a ä'kanä̧mä̧, däjettü̧ topü wo̧juä̧wä̧kua̧'a̧jä̧ttü̧? pättäku,

San Mateo 24:44

Ja̧'wa̧nü̧ ja̧'a̧ttü̧, ukutu'i̧nä̧ jo̧mȩnü̧tä̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧kü̧ hora-nä̧ ichäkua'attü̧.

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

San Mateo 8:22

Päku, Jesú-mä̧ ädätinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi, ukumä̧ cho'ka'anä̧tä̧ ichi.

San Marcos 9:1

Ja̧'wa̧ta̧nü̧ Jesú-mä̧ päinä̧u̧: —Isopäi'ünä̧ pȩnȩ́ kka̧kuä̧tü̧ yotukunä̧mä̧ wa'ü ttikua pä'ü pättokäkuotü, ru̧wa̧ Dio weümä̧ ujuruku icha'a tottomȩbü päi'ünä̧.

San Juan 21:19

Jesú pi̧yȩ pä'amä̧, wa'aremä̧ ja̧'wa̧nü̧ jä̧kua̧jä̧, Dio ukuo jäwä 'kuäopa pä'ümä̧, pä'ü päinä̧ku̧. Pi̧yȩ pä'ü kä'ädü pä'inü̧: —«Ttüku ichi.»

San Juan 21:21

Ja̧'wa̧nü̧ ja̧'a̧ Peduru-mä̧ jua̧u̧ru̧ topünü̧, Jesú-ru pä'inü̧: —Chu̧ru̧wa̧ ¿piderümä̧ toku jä̧kua̧'a̧jä̧ttü̧?

1 Corintios 11:26

Ja̧'wa̧nü̧ ja̧'a̧ttü̧, 'kuäopünä̧tä̧ trigo i̧ri̧si̧, pi̧si̧ kukuätukuomȩnä̧mä̧ ja̧'wa̧ta̧nü̧ po̧'ta̧ isoya kuäwätukuomȩnä̧mä̧, Tu̧ru̧wa̧ 'korujuoächinü̧ ji'äwätüjä̧, Chutä ichomȩbü päi'ünä̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

1 Tesalonicenses 2:19

Ja̧'wa̧nü̧ ja̧'a̧ttü̧mä̧ ¿ti̧yȩjä̧ttü̧ ujutu tesewa pä'ü tta̧tä̧rü̧mä̧, corona pättü jü̧nä̧ tesewä̧kuȩmä̧, Tu̧ru̧wa̧ Jesucrito ichomȩnä̧, ä'kattümä̧? Kkorotümä̧ toa'a, Jua̧u̧mä̧ ukututä jä̧kua̧'a̧.

Santiago 5:7

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧, ukutumä̧ tü̧ä̧nä̧wa̧ ichomȩbü päi'ünä̧ kua̧mi̧'ki'ächi'ü tta̧'a̧rä̧tu̧kui̧. Kuäwä kku̧nä̧wä̧ i̧sa̧ u̧wä̧ju̧ adiu jo̧mȩnü̧ ja̧'a̧ ü̧ka̧ka̧ta̧ pä'ümä̧ a̧'ȩ juwa'anä̧ a̧mi̧ 'ki'ächi'ü tta̧'a̧rü̧ kkü̧

Santiago 5:8

Ja̧'wa̧ta̧nü̧ ukutu'i̧nä̧ kua̧mi̧ 'ki'ächi'ü, jo̧mȩnü̧ 'kiyünä̧ tta̧'a̧rä̧tu̧kui̧, isopäi'ünä̧ Tü̧ä̧nä̧wa̧ ppa̧wä̧chä̧kua̧'a̧mä̧ täkü tü'küwächa'a.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Apocalipsis 2:25

Tesetinü̧nä̧mä̧ yabonü̧tä̧, 'kiyünä̧ 'chu̧'ä̧rä̧kuä̧u̧ tti̧'cha̧ pä'ü, ttü chichomebü päi'ünä̧.

Apocalipsis 22:20

Pi̧yȩ jiäumä̧, pä'ü: «A̧, jitätä ja̧'a̧ku̧ ichüsä.» ¡Amȩ́! a̧, chu̧ru̧wa̧ Jesú, ichi.

Apocalipsis 22:7

«¡Jitätä ja̧'a̧ku̧ chichäkua̧sä̧! ¡Eseäkuäwä kka̧'a̧ pi'tä kuyäru'tänä̧ wȩyu̧tu̧ rütäwä 'kuäopä̧kuȩ pä'ü jittäwinü̧ esetürümä̧!»

Apocalipsis 3:11

Jitätä ja̧'a̧ku̧ chi̧chä̧kua̧sä̧; ku̧ju̧nä̧rü̧mä̧ tta̧'ä̧rä̧kuä̧u̧ kku̧nä̧ri̧, ya̧tȩ'i̧nä̧ kuiäre premio pättü 'chottipü juiyäkua'anü̧.