San Juan 20:17 - Nuevo Testamento Uwotjüja

¹⁷ Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

TÄ̧DO Ä̧CUÄ̧ I̧HUȨNȨ

¹⁷ Jesús pä'inödo jahuäjuru: —Cä'ädö icuittö. Chä'o ö̧ja̧'a̧ ji̧nä̧ cä'ecuächocösä. Ja̧'hua̧nö̧ ja̧'a̧nä̧ chö̧jä̧hua̧tö̧rö̧ ji'ähuäji ttö Chä'o'inä, ucutu Cuä'otucu'inä ö̧ja̧'a̧ cä̧dȩcuä̧chä̧cua̧sä̧. Ja̧'hua̧ta̧nö̧ ttö Chä̧do̧ ä̧cua̧ Dios'inä, ucutu Cuä̧do̧ ä̧cua̧ Dios'inä ö̧ja̧'a̧ cä̧dȩcuä̧chä̧cua̧sä̧.

San Juan 20:17 ပူးပေါင်းရင်းမြစ်များ

San Mateo 12:50

Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 28:7

Jitätä jurunä̧ tätukui, u̧wo̧juȩtä̧u̧rü jikuäwätukua wa'arettü ttoächäji wȩnȩ, ukututä kuä'katukunä̧ Galirea rȩjȩra̧'a̧ 'chü̧, jua'attü to'kuätukuarü, täkü jidäwä̧u̧jä̧.

San Marcos 12:26

Ja̧'wa̧ta̧nü̧, wa'inä̧tü̧ ttottächü tü'kümä̧ ¿Moisé i̧wȩyu̧ti̧nä̧'tänä̧ ukuokuokotü pä'ijä̧tü̧jä̧ tä̧jí̧, zarza dau kuoa'anä̧, Dio: Ttütäsä Abraha̧'i̧nä̧, Isaa'i̧nä̧, Jaco'inä̧, Ttü̧ä̧nä̧wa̧mä̧, päino̧mȩ jä̧'i̧jo̧mȩmä̧?

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

San Lucas 10:4

Pärätä'i̧nä̧, ku̧kuȩtu̧ku̧'i̧nä̧, ku̧jä̧pü̧tu̧ku̧ obi'i̧nä̧ kuȩpä̧tu̧kuä̧; ja̧'wa̧ta̧nü̧ mä̧nä̧nä̧ to̧'kuä̧tu̧kuä̧u̧ru̧'i̧nä̧ tekuäwätukuä.

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Juan 14:2

Chä'o ojusodenä̧mä̧, kkä̧kuä̧wä̧ oduwiyämä̧ rü̧ȩnä̧ kka̧'a̧; ja̧'wa̧nü̧ jü̧ juiyüttümä̧ jidäwo̧ko̧u̧ pa̧ja̧tü̧jä̧. Ja̧'wa̧nü̧ ja̧'a̧ttü̧ ku̧jä̧tu̧kuä̧kuo̧mȩ aditü kku̧nu̧ 'chü̧sä̧;

San Juan 14:28

Täkü ä̧ju̧kuä̧jä̧tü̧jä̧ pa̧'a̧nü̧ pädümä̧: 'Chi̧'i̧pü̧'ka̧'i̧nä̧ pä'äjita'anü̧ ukututäku ppa̧dä̧chä̧kua̧sä̧ päda'amä̧. Isopäi'ünä̧ ttürü eseu repekuätukuttümä̧, rü̧ȩnä̧ esewajatüjä̧, Chä'o ü̧ja̧'a̧ 'chü̧sä̧ päda'a kuä̧ju̧kuä̧tu̧kua̧'a̧ttü̧, jua'amä̧ Chä'omä̧ ttüttü'i̧nä̧ abonä̧nü̧ wa̧ ja̧'a̧ttü̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 20:27

Pä'ü kä'ädü, Tomá-rü̧ pä'inü̧: —Kudo'che i'kächü, chu̧mü̧pi̧yä̧ topittü ja̧'wa̧ta̧nü̧ ku̧mü̧ chi'esubänä̧ rä'ädi; kuesetoka'amä̧ jȩ'kuä̧'chä̧ ¡Esetütä, eseti!

San Juan 7:33

Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

2 Corintios 6:18

Ja̧'wa̧nü̧ jȩ'kuä̧tu̧kuo̧mȩnä̧, Ttümä̧ Kuä'otuku Dio chä̧kua̧sä̧, ja̧'wa̧ta̧nü̧ ukutumä̧, u̧mä̧tü̧'i̧nä̧, nä̧tü̧'i̧nä̧ chi̧tti̧mü̧ kuäkuotüjä̧. Tu̧ru̧wa̧ o'kajuiyünä̧ ju̧ru̧wa̧mä̧ ja̧'wa̧nü̧tä̧ pä'ü.

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Hebreos 11:16

ja̧'wa̧nü̧ ja̧'a̧nä̧ juätümä̧ tti̧rȩjä̧ adiwä̧jä̧ pä̧wä̧rü̧ji̧nä̧u̧, juä̧jä̧mä̧ mo̧ro̧jä̧ rȩjȩ ja̧'a̧. Ja̧'wa̧nü̧ ja̧'a̧ttü̧, Dio-mä̧ juätü ttü̧ä̧nä̧wa̧ ja̧'a̧mä̧ dä̧'ä̧rü̧jo̧ko̧ku̧, jua'amä̧ juätü ttü̧jä̧kuȩ ütawiyä jo̧mȩnü̧ aditü u̧ju̧ni̧na̧'a̧ttü̧.

Hebreos 8:10

Ji̧yȩnü̧ mo̧ro̧ o'ka'a, Irae ttü̧ja̧ku̧ chesekuä̧kuȩmä̧, pi̧yȩ ja̧'a̧, pä'inü̧ Tu̧ru̧wa̧mä̧: Ttü wedü wȩnȩmä̧, ttünä̧ ȩnü̧ kku̧nu̧ ja̧'wa̧ta̧nü̧ tta̧mi̧ iso'kinä̧ wȩyu̧tu̧ chu̧ju̧nä̧kua̧sä̧. Ttürümä̧ ttü̧ä̧nä̧wa̧ Dio jü̧nä̧tä̧, ja̧'wa̧ta̧nü̧ jitütämä̧ chi̧tti̧mü̧ jü̧nä̧tä̧ ttäkuotü, pä'inü̧.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

Apocalipsis 21:3

Ja̧'wa̧nü̧ päi'omȩnä̧, mo̧ro̧jä̧ ruwo dȩä̧kä̧ttü̧ pä̧i̧ku̧nä̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pȩnȩ́ ja̧'a̧ Dio, ttü̧ja̧ku̧ ü̧jo̧mȩmä̧, Jua̧u̧'i̧nä̧ juätütäku ü̧jä̧kua̧; juätümä̧ umüwäyotü jü̧nä̧ ttü̧ja̧kuä̧kuo̧tü̧, Dio-mä̧ juätütä ttü̧ä̧nä̧wa̧ Dio jü̧nä̧ ü̧jä̧kua̧.

Apocalipsis 21:7

Surojü abo 'kuä'o'ümä̧ pi̧yȩ o'kajuiyünä̧ üäre jä̧kua̧'a̧; ttü jä̧kua̧'a̧ ü̧ä̧nä̧wa̧ Dio-mä̧ ja̧'wa̧ta̧nü̧ pärokua'akumä̧ chi̧tti̧ jä̧kua̧'a̧.