San Juan 20:1 - Nuevo Testamento Uwotjüja

¹ Semana-ttü̧ ä̧kuo̧mȩnä̧ mo̧ro̧, María Madarena-mä̧ mo̧ro̧ päia'a, ji̧nä̧ yo̧a̧'a̧nä̧ wa'are idorära̧'a̧ 'chä̧jä̧'kaju tojomȩnä̧; ä'koju mü̧ȩkuäjäyumä̧ pporädü ikuäwa'atä topinä̧ju̧.

TÄ̧DO Ä̧CUÄ̧ I̧HUȨNȨ

¹ Ja̧u̧nu̧ pä̧nä̧, semana äcuomenä mo̧ro̧, ji̧nä̧ yo̧ä̧sa̧ ja̧'a̧ pä'ötä mo̧ro̧ juomenä, María Magdalena idorära̧'a̧ topö 'chi̧nä̧ju̧do. Ido'qui, idorä ä'ca mö̧ȩcuo'qui, juiya'atä topinäjudo.

San Juan 20:1 ပူးပေါင်းရင်းမြစ်များ

San Mateo 27:56

Juätümä̧ María Madarena'i̧nä̧, Sa̧ti̧a̧ku̧ku̧, José-ku tta̧ju̧ María'i̧nä̧ ja̧'wa̧ta̧nü̧ Zebedeo i̧tti̧mü̧ tta̧ju̧'i̧nä̧ ji̧na̧'a̧.

San Mateo 27:60

i̧rȩjä̧ttü̧ wa'are rütäwomȩ jareomȩ i̧nä̧wänä̧ satta pä'ü weino̧mȩ rütinü̧. Ja̧'wa̧nü̧ jä̧ji̧ o'ka'amä̧ inä̧yu rü̧ä̧yunä̧ wa'are rütäwa'a doächäkuäwome mü̧'ȩpi̧'ü̧ i̧wi̧nü̧.

San Mateo 27:64

Ja̧'wa̧nü̧ ja̧'a̧ttü̧ wa'are rütäwomȩ wäbodäkuä mo̧ro̧bü päi'ünä̧ u̧wo̧juȩtä̧u̧ ichü jä̧ttä̧pä̧ya̧rü̧ ttü̧nä̧u̧kuä̧chü̧ juiyäkua'anü̧ adiu tta̧ttä̧ra̧ we'i. Jua̧u̧nü̧ o'ka'a ttü̧ja̧rü̧ tto'ächäji pä'ü jittäwa'aku. Ja̧'wa̧nü̧ jo̧mȩnä̧ rüjinä̧ yapareu wȩnȩmä̧ ä̧kuo̧mȩnä̧ ji̧no̧mȩttü̧'i̧nä̧ abonä̧nü̧ jä̧kua̧'a̧.

San Mateo 27:66

Ja̧'wa̧nü̧ wȩä̧jä̧u̧mä̧, wa'are rütäwomȩ i̧nä̧yunä̧ 'kiyünä̧ mü̧ȩkuä̧chü̧nä̧ mü̧'ȩpi̧nä̧tü̧; ja̧'wa̧ta̧nü̧ su̧ro̧da̧u̧ru̧'i̧nä̧ juä̧nȩtä̧ adiu to̧pä̧rü̧ tta̧ttä̧rü̧nä̧ we'ipinä̧tü̧.

San Mateo 28:1

Domiku̧ mo̧ro̧ juomȩnä̧, 'kuä'ächi'ü ttü̧'ȩjü̧ mo̧ro̧ 'kuäopäji o'ka'a, María Madarena'i̧nä̧ kkaraju María-ku wa'are ttütäjomȩ topü 'chi̧nä̧tü̧.

San Mateo 28:2

Ttu̧ni̧chä̧ra̧'a̧nä̧ rȩjȩ ttü̧ȩpa̧'a̧ttü̧, Tu̧ru̧wa̧ wȩ'ä̧wa̧ á̧gȩ mo̧ro̧jä̧ra̧'a̧ttü̧ mȩyȩwi̧'ü̧ inä̧yu wa'are rütäwäju mü̧ȩkuäyu pporädü juäyutä wä̧mȩ pä̧mä̧di̧nü̧.

San Marcos 15:46

Ja̧'wa̧nü̧ ja̧'a̧, José-mä̧ sa̧wa̧na̧'kua ȩmä̧ji̧'ka̧, ü̧jo̧kä̧nü̧ jäittü mȩyȩdü̧ juä'kuanä̧ juä'opäji'ka̧ wa'are idorä jakuä sawäwäjünä̧ rütinü̧, rütü kä'ädü doächäkuäwomemä̧ i̧nä̧binä̧ mü̧'ȩpi̧nü̧.

San Marcos 16:9

[Ja̧'wa̧ta̧nü̧, semana kkä̧mä̧da̧'a̧ ä̧kuo̧mȩnä̧ mo̧ro̧, pä'ü mo̧ro̧ päia'a, Jesú-mä̧ tto'ächäji̧'ka̧, ä̧kuo̧mȩnä̧mä̧ María Madarena-rü̧ i̧jȩkui̧nü̧, kko̧ro̧mü̧ttü̧nü̧ ta̧ju̧ wotü epíritu-tu̧ suropätürü rä'epü ikuinä̧kua̧rü̧.

San Juan 11:38

Jesú-mä̧ pä'äjita'anü̧ rü̧ȩnä̧ jakuänä̧, a̧'kua̧ tta̧'ȩku̧nü̧ wa'are rejuku ichinü̧. Juäjunä̧mä̧ i̧nä̧bi mü̧ȩkui̧na̧'a̧.

San Juan 11:41

Ja̧'wa̧nü̧ ja̧'a̧, wa'are ttütäjäju ä'ka i̧nä̧bi pporädü ikuinä̧tü̧. Ja̧'wa̧nü̧ ja̧'a̧ Jesú-mä̧ mo̧ro̧jä̧ra̧'a̧ku̧ topü pä'inü̧: —Chä'o, ukuru eseusä, ttürü kuä̧ju̧kuä̧ja̧'a̧ttü̧.

San Juan 19:25

Ü̧jo̧kä̧nü̧ jäi, Jesú-ru pȩ'o̧pü̧ kku̧nä̧wäi tü'künä̧nü̧ kka̧kui̧nä̧tü̧, ja̧ju̧ María'i̧nä̧, ja̧ju̧ kkijäwaju'i̧nä̧, Cleofás irekua María'i̧nä̧ ja̧'wa̧ta̧nü̧ María Madarena'i̧nä̧, jü̧nä̧.

San Juan 20:26

Kko̧ro̧mü̧ttü̧nü̧ wäbodäkuä mo̧ro̧ o'ka'a, u̧wo̧juȩtä̧u̧mä̧ ka̧ka̧kuä̧jä̧'kotü isode jakuä ttü̧'ȩja̧'a̧ Tomá'i̧nä̧ pi̧nü̧; äpatemä̧ 'kiyünä̧ mü̧ȩkua̧'a̧ ja̧'a̧nä̧, Jesú-mä̧ do'ächi'ü, kkä'ko kkä̧mä̧dü̧, te'äu päinä̧u̧: —¡Wȩnȩ juiyü jäwä ukutunä̧ kka̧ pä'üsä!

Hechos 20:7

Domiku̧ mo̧ro̧ Tu̧ru̧wa̧ u̧kuȩ ukuinü̧ tukua pä'ü tü̧'ȩjä̧ma̧ja̧'a̧, Pauru-mä̧, rü̧ȩnä̧ wo̧juȩti̧nü̧ Jesucrito-rü esetätürü. Kkoro mo̧ro̧, juorü räopäkua'a jä̧ku̧, yodó kkä'kobü päi'ünä̧ jiäwomȩnä̧.

1 Corintios 16:2

Semana-ttü̧mä̧ domiku̧ jü̧ta̧'a̧nü̧, 'kȩ'ȩpü̧ rütätukui, kuȩmä̧jä̧tu̧ku̧'a̧kuä̧, wa'adü rütätukui, jua'amä̧ chichomȩnä̧mä̧ täkü ku̧ka̧ka̧kuä̧tu̧ku̧ juiyäkua'anü̧.

Apocalipsis 1:10

Tu̧ru̧wa̧ u̧mo̧ro̧ ja̧'a̧, Epíritu Sa̧tu̧ jäwänä̧ chü̧ja̧'a̧ chaboja̧'a̧ku̧nä̧ttü̧ pä̧i̧ku̧nä̧ rä̧mi̧pi̧na̧'a̧ ä̧ju̧kui̧nü̧sä̧ trompeta jä̧'i̧nü̧'a̧nü̧,