San Juan 2:11 - Nuevo Testamento Uwotjüja

¹¹ Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

TÄ̧DO Ä̧CUÄ̧ I̧HUȨNȨ

¹¹ Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 2:11 ပူးပေါင်းရင်းမြစ်များ

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 1:43

Ja̧'wa̧ta̧nü̧ kkoro mo̧ro̧, Jesú-mä̧ Galirea rȩjȩra̧'a̧ 'chi̧nü̧. Jua'attü Felipe-rü po̧kui̧pü̧ pä'inü̧: —Ttüku ichi.

San Juan 1:50

Päiyäku Jesú-mä̧ ädätinä̧ku̧: —¿Higuera dau dȩa̧'a̧ ku̧'a̧'a̧ tochäjäkujä̧ pädäjiyäkutä kueseta'a tä̧jí̧? jitä yabokumä̧ jua̧u̧ttü̧'i̧nä̧ abonä̧nü̧ jü̧ to̧'kuä̧kua̧jä̧.

San Juan 10:41

Jua'atä ü̧ja̧'a̧, ttü̧ja̧ rekuätü topü 'chä̧tü̧mä̧ pä'inä̧tü̧: —Isopäi'ünä̧ Ju̧a̧-mä̧ jȩtto̧kü̧ ja̧jü̧ jueimä̧ jȩpo̧kü̧ pinü̧ ja̧'wa̧nü̧ ja̧'a̧nä̧ pide ütü'kü jiäwinü̧mä̧, o'kajuiyünä̧ isopäi'ünä̧tä̧ ja̧'a̧.

San Juan 11:15

Ja̧'wa̧nü̧ päi'omȩ tü̧ja̧kuo̧ka̧'a̧ jä̧ja̧'a̧ttü̧ eseusä, ukuturumä̧ adiwa'a topü kuesetätukuäkua'anü̧. Täwä, totarü ti̧'cha̧.

San Juan 11:47

Ja̧'wa̧nü̧ ja̧'a̧mä̧, fariseo wotü'i̧nä̧, sacerdote tturuwotü'i̧nä̧, ji̧nä̧so ukuo isotürü ä̧tȩpo̧'ü̧, ka̧ka̧ku̧ pȩjä̧mü̧ pä'inä̧tü̧: —¿Däjetä jȩtä̧ku̧ttü̧? Jua̧u̧mä̧ jȩtto̧kü̧ juei rü̧ȩnä̧ jȩa̧'a̧mä̧.

San Juan 12:18

Ja̧'wa̧nü̧ jä̧jo̧mȩttü̧, ttü̧ja̧mä̧ Jesú-ru eseu ichinä̧tü̧ ja̧'wa̧nü̧ jȩtto̧kü̧ juei jȩä̧ja̧'a̧ ä̧ju̧kuä̧jä̧'kotü.

San Juan 12:37

Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

San Juan 12:41

Isaía-mä̧ Jesú ütü'kü ukuokuinü̧, jua̧u̧ ukuo jäwä topü.

San Juan 14:13

Ja̧'wa̧nü̧ ja̧'a̧ttü̧ o'kajuiyünä̧, ttü chi̧mi̧nä̧, Chä'orü jäkuepätukumä̧, jȩchä̧kua̧sä̧. Jua'amä̧ Chä'o ukuo jäwä, I̧tti̧nä̧ i̧jȩpa̧ pä'ü.

San Juan 16:27

Jua'amä̧, chutä Chä'o ukuturu repe'ü esewa'attü, ttürü repe'ü kuesewiyätukuäku. Ja̧'wa̧ta̧nü̧ jua̧u̧ttü̧tä̧ chichina̧'a̧'i̧nä̧ kuesetätukua'attü.

San Juan 16:30

Jitämä̧, wo̧jui̧'ä̧tü̧jä̧ o'kajuiyünä̧tä̧ wo̧jua̧ pä'ü, ujututtü ya̧tȩ jä̧ȩpä̧ra̧ku̧ pä'ü'i̧nä̧ rekuä rü̧jo̧ko̧ku̧jä̧; ja̧'wa̧nü̧ jo̧mȩttü̧ Dio-ttü ichinü̧ pä'ü esetätüjä̧.

San Juan 2:1

Wäbodäkuä mo̧ro̧ päi'omȩnä̧ Galirea rȩjȩttü̧, Caná ütawiyättü ya̧tȩ ü'käu pä'käri kki̧na̧'a̧. Ja̧'wa̧nü̧ ja̧'a̧, Jesú ja̧ju̧'i̧nä̧ juȩnȩtä̧ kki̧nä̧ju̧.

San Juan 2:23

Jesú Jerusarȩ́-ttü̧, Pacua pä'käri kka̧'a̧ ü̧jo̧mȩnä̧, jȩtto̧kü̧ juei jȩa̧'a̧ topü rekuätü ttesetinä̧ku̧.

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Juan 4:3

Jua̧u̧ tukuoku wo̧juä̧chi̧'ü̧, Jesú-mä̧ Judea rȩjȩttü̧ rä'opächü, Galirea rȩjȩra̧'a̧ ppa̧'ä̧chä̧chi̧nü̧.

San Juan 4:46

Pä'äji jä̧ji̧ta̧'a̧nü̧, Jesú-mä̧ Caná ütawiyä, Galirea rȩjȩnä̧, ajiyattü vino isoya päi'ünä̧ ü'ärotinomȩ i̧'chi̧'o̧mȩnä̧. Ru̧wa̧ rey u̧mü̧wä̧ya̧, su̧ro̧do̧u̧ ttu̧ru̧wa̧, Cafarnaúm ütawiyättü i̧tti̧ na̧wä̧chi̧yä̧ku̧ ü̧ja̧'a̧ topinü̧.

San Juan 4:54

Pi̧yȩku̧mä̧ todärenä̧ päi'ünä̧ ji̧na̧'a̧, Jesú jȩtto̧kü̧ ja̧jü̧ juei jȩa̧'a̧mä̧, Judea-ttü kkä̧nü̧ Galirea rȩjȩra̧'a̧ku̧ i̧'cho̧mȩnä̧.

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

San Juan 6:14

Ja̧'wa̧nü̧ rü̧ä̧chü̧nä̧, Jesú jȩa̧'a̧ topäjä'kotü topü pä'inä̧tü̧: —Isopäi'ünä̧, profeta pi̧jä̧ra̧'a̧ i̧chä̧kua̧ pättinä̧ku̧mä̧, pidetä ja̧'a̧.

San Juan 6:2

Ja̧'wa̧nü̧ ja̧'a̧ ttü̧ja̧ rekuätü o'ka'anä̧ 'chi̧nä̧tü̧, na̧nȩpä̧tü̧rü̧ aditü ikuä'chiyä̧u̧.

San Juan 6:26

Jesú-mä̧ päinä̧u̧: —Isopäi'ünä̧ ukuturu pä'üsä, jȩtto̧kü̧ ja̧jü̧ juei ja̧'a̧ to'kuätukua'amä̧ kusätukuokokusä, suro sukuädi'ätukunä̧ kuäjä'kotütä kusätukuäkusä.

San Juan 6:30

Päomȩnä̧, pättinä̧ku̧: —¿Däjénä̧ttü̧ ujuturu totünä̧ jȩ'ku̧'a̧nü̧ jü̧mä̧, jua̧u̧ topü tesetaku pä'ümä̧? ¿Däjéjä̧ttü̧ uku jȩ'ku̧mä̧?

San Juan 7:31

Ja̧'wa̧nü̧ ja̧'a̧mä̧, rekuätü Jua̧u̧ru̧ esetätümä̧ pä'inä̧tü̧: —Chutä Crito ichomȩnä̧mä̧ ¿Pide jȩü̧ abonä̧nü̧dí̧ jȩä̧kua̧, jȩtto̧kü̧ jueimä̧?

San Juan 9:16

Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

2 Corintios 3:18

Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

2 Corintios 4:17

Isopäi'ünä̧ pi̧yȩ pi̧jä̧nä̧ttü̧ jurunä̧tä̧ usurä tȩmä̧u̧mä̧, jua̧u̧ttü̧tä̧ Dio-mä̧ i̧yä̧kuä̧u̧jä̧ beipokü adiwä jueimä̧;

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

1 Juan 5:13

Ukutu Dio I̧tti̧ i̧mi̧nä̧ esetätürü wȩyu̧tu̧ we'üsä, kkä̧kuä̧wä̧ i'ko kku̧nä̧rä̧tü̧jä̧ pä'ü ku̧wo̧juä̧tu̧kua̧ pä'ü.