San Juan 19:42 - Nuevo Testamento Uwotjüja

⁴² Ja̧'wa̧nü̧ ja̧'a̧ttü̧, Jesú o'ko jäwämä̧ juȩnȩtä̧ rütinä̧tü̧, jua'amä̧ tü'kü jo̧mȩttü̧ ja̧'wa̧ta̧nü̧ sawaru mo̧ro̧'i̧nä̧, täkü tü'kü ji̧yä̧u̧.

TÄ̧DO Ä̧CUÄ̧ I̧HUȨNȨ

⁴² Juhuoränä tö'cönänö ji̧yä̧u̧ rötinätödo Jesús o'co jähuä. Ja̧'hua̧ta̧nö̧ ttö̧ja̧ 'cuättächi'ö mo̧ro̧ päi'äcua'a ä'canä rötinätödo.

San Juan 19:42 ပူးပေါင်းရင်းမြစ်များ

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

San Juan 19:14

Pacua kkä̧kua̧'a̧ ji̧yä̧u̧ ä'kanä̧, jo̧mȩnü̧ jȩpü̧ ttu̧ju̧nu̧ mo̧ro̧, kkä̧wa̧ jueü kkü̧rü̧ ji̧na̧'a̧. Juȩnȩ pä̧mä̧dü̧, Pilato-mä̧ judío-rü pä'inü̧: —¡Ja̧já̧ jua̧u̧sä̧ ku̧ru̧wa̧tu̧ku̧ rey-mä̧!

San Juan 19:20

Ja̧'wa̧nü̧ ja̧'a̧, judío-mä̧ rekuätü, jua̧u̧ wȩyu̧kua̧'a̧ topinä̧tü̧; Juȩnȩ Jesú-ru pȩ'o̧pü̧ ttu̧ju̧nä̧jä̧mȩmä̧, ütawiyä tü'kü ja̧'a̧ttü̧. Jua̧u̧mä̧ Wȩyu̧kui̧na̧'a̧, hebreo tti̧wȩnȩ'i̧nä̧, latín wȩnȩnä̧'i̧nä̧, griego wȩnȩnä̧'i̧nä̧, jü̧nä̧.

San Juan 19:31

Ja̧'wa̧nü̧ 'kuäopa'anä̧, Pacua pä'käri ä'kanä̧ mo̧ro̧ ji̧yä̧u̧, kkoro mo̧ro̧mä̧ sawaru mo̧ro̧ jä̧kua̧'a̧ ja̧'a̧, ü̧jo̧kä̧ jü̧ oinä̧, ttü̧ja̧ ttü̧rȩjü̧ pä'ü, Judío-mä̧ Pilato-rü jä'epinä̧tü̧ ttüjawiyä 'te'chü ttikunä̧ wea pä'ü, ja̧'wa̧nü̧ jȩpü̧ juorü ȩmü̧ ttikuatü pä'ü.

San Juan 19:41

Ja̧'wa̧nü̧ ja̧'a̧ Jesú-ru, ü̧jo̧kä̧ jäinä̧ pȩ'o̧pü̧ ttu̧ju̧ni̧no̧mȩmä̧, kuäwä kka̧kui̧no̧mȩ, juȩnȩtä̧ wa'are idorä'i̧nä̧ kki̧na̧'a̧, ya̧tȩrü̧'i̧nä̧ rütäwokoju.

Hechos 13:29

Jua̧u̧nü̧ o'ka'a, o'kajuiyünä̧tä̧ wȩyu̧kuä̧ pü̧ta̧'a̧nü̧ jȩpä̧jä̧'kotümä̧, dauttü mȩyȩdü̧ iku, wa'are idoränä̧ ttütinä̧ku̧.

1 Corintios 15:4

Iku ttikuäjäku o'ka'a, wäbodäkuä mo̧ro̧ päi'omȩnä̧ wa'arettü tto'ächinü̧ pä'ü, wȩyu̧kuä̧ wȩnȩ päü'a̧kuä̧;

Colosenses 2:12

Bautizo jȩ'kuä̧kuä̧wä̧tu̧kuo̧mȩnä̧, ukutumä̧ Crito-ku 'korujuo'ächinä̧tü̧jä̧, ja̧'wa̧ta̧nü̧ wa'arettü'i̧nä̧ jua̧u̧tä̧ku̧ tto'ächinä̧tü̧jä̧, isopäi'ünä̧ Dio ujuru kku̧nä̧rü̧rü̧ wa'arettü'i̧nä̧ tto'ächinü̧rü̧ kuesetinä̧tu̧kua̧'a̧ttü̧.