San Juan 19:28 - Nuevo Testamento Uwotjüja

²⁸ Ja̧'wa̧nü̧ pä'ü kä'ädü, Jesú-mä̧ täkü o'kajuiyünä̧ Jä'o Dio weinü̧mä̧ jo̧mȩnü̧ päia'a wo̧juä̧u̧, wȩyu̧kuä̧ wȩnȩ päü'a̧kuä̧ 'kuäopa pä'ü pä'inü̧: —Chawa a̧di̧ri̧jä̧ku̧sä̧.

TÄ̧DO Ä̧CUÄ̧ I̧HUȨNȨ

²⁸ Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

San Juan 19:28 ပူးပေါင်းရင်းမြစ်များ

San Lucas 12:50

Ji̧yȩtȩ usurä ȩmä̧kuä̧wä̧nä̧ 'kuädopa pä'ü rekuä rü̧ja̧'a̧. ¡Jua̧u̧ 'kuäopomȩbü päi'ünä̧ cha̧ja̧wä̧rü̧nä̧ jä̧ku̧sä̧!

San Lucas 18:31

Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü i̧mi̧ku̧nä̧ wopo'ü pä'inü̧: —Jitämä̧ Jerusarȩ́-ra̧'a̧ku̧ 'cha'achätüjä̧, jua'attü ubo I̧tti̧ ütü'kümä̧, profeta winä̧tü̧ ttukuokuinü̧ o'kajuiyünä̧tä̧ 'kuäopäkua'a.

San Lucas 22:37

Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.

San Lucas 9:31

Tȩya̧wo̧mȩ jakuättü, Jesú-ru Jerusarȩ́ ütawiyättü 'kuäopä̧kuȩ wȩnȩ'i̧nä̧, i̧wä̧kuȩ wȩnȩ'i̧nä̧ ukuokuinä̧tü̧.

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 17:4

Ttümä̧, pi̧jä̧ttü̧mä̧ kukuo jäwä i̧jȩpi̧nü̧sä̧; Täkü kä'ädäjisä chadita pä'ü wekuinü̧mä̧.

San Juan 18:4

Ja̧'wa̧nü̧ ja̧'a̧, Jesú-mä̧ 'kuäopäkuȩmä̧ o'kajuiyünä̧ u̧wo̧jua̧'a̧ttü̧, 'chä̧wi̧'ü̧ päinä̧u̧: —¿Dirü kusätukua'a jä̧ttü̧?

San Juan 19:24

Ja̧'wa̧nü̧ jȩpü̧ su̧ro̧do̧u̧mä̧ pä'äwinä̧tü̧: —Sȩro̧pü̧mä̧ tiku juiyä̧ta̧kua̧, jȩpü̧ totätukua dirü pätekuächaja pä'ü. Ja̧'wa̧nü̧ jȩtto̧mȩnä̧, pa̧'a̧nü̧ wȩyu̧tu̧ rütäwä ji̧nü̧tä̧ 'kuäopina̧'a̧: «Chi̧ä̧rȩta̧mä̧, jitütä iyä'chäkuäwinä̧tü̧, ja̧'wa̧ta̧nü̧ wä̧mȩnä̧ chü̧'ka̧tä̧wä̧ta̧'i̧nä̧, dirü pätekuächaja pä'ü jȩpi̧nä̧tü̧.»

San Juan 19:30

Bettepäku, vino isoya a̧'toya au kä'ädü pä'inü̧: —O'kajuiyünä̧tä̧ jo̧mȩnü̧ päia'a. Pä'ü kä'ädü, U ja̧rȩyu̧nu̧ pä'i'ü, a̧'kua̧ru̧wa̧rü̧ iyü 'korupä'i'inü̧.

San Juan 19:36

Isopäi'ünä̧ pi̧yȩmä̧ 'kuäopina̧'a̧, wȩyu̧kuä̧ wȩnȩ pa̧'a̧nü̧ päü'a̧kuä̧: «Iwe'kamä̧ 'tettädokä̧kua̧,» jü̧nä̧.

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

Hechos 13:29

Jua̧u̧nü̧ o'ka'a, o'kajuiyünä̧tä̧ wȩyu̧kuä̧ pü̧ta̧'a̧nü̧ jȩpä̧jä̧'kotümä̧, dauttü mȩyȩdü̧ iku, wa'are idoränä̧ ttütinä̧ku̧.