San Juan 18:35 - Nuevo Testamento Uwotjüja

³⁵ Päomȩnä̧, Pilato-mä̧ pä'inü̧: —¿Ttümä̧ judío i̧sa̧mä̧kü̧sä̧? Ukutä kuidepiyu ttü̧ja̧tä̧, sacerdote tturuwotütä ttürü iyü ttikuäjäku̧jä̧. ¿Däjé jȩ'kuä̧jä̧ttü̧?

TÄ̧DO Ä̧CUÄ̧ I̧HUȨNȨ

³⁵ Ja̧'hua̧ ja̧'a̧ttö̧ Pilato ädätinödo: —¿Ttömä judíos ttö̧ja̧ i̧sa̧sä̧ tä̧ji̧? Ucutä cuahuaruhuä isotöcu, sacerdotes ruhuotöcu ucuru i'cächö iyäjätö ttörö. Ucumä, ¿däje jȩcu̧'inä̧ttö̧?

San Juan 18:35 ပူးပေါင်းရင်းမြစ်များ

San Juan 18:28

Ja̧'wa̧nü̧ ja̧'a̧, mo̧ro̧juoa'aku juätümä̧ Caifá ojusodettü ru̧wa̧ gobernador ojusodeku Jesú-ru ȩpi̧nä̧tü̧. Ja̧'wa̧nü̧ ja̧'a̧nä̧, judío tturuwotümä̧ juodenä̧ dodepokotü pinä̧tü̧, Pacua ttukuäkua'a ja̧'a̧, surojuotächä pä'ü.

San Juan 18:34

Jäepäku, Jesú-mä̧ pä'inü̧: —¿Jua̧u̧mä̧ ukutä amükuädü päkua'a tä̧jí̧ ja̧'wa̧nü̧ jü̧ juiyü'i̧nä̧ kkorotü pättiyäku päkua'a tä̧jí̧?

San Juan 18:36

Jesú-mä̧ ädätinü̧: —Ttü wedü churuwomä̧ pi̧jä̧ jäwämä̧kü̧; ttü wedü pi̧jä̧ jäwä jü̧ttü̧mä̧, chumüwäyotü rowäwajatü, judío-rü iyü ttiku juiyattü pä'ü; ja̧'wa̧nü̧ ja̧'a̧nä̧ ttü churuwo wedümä̧ pi̧jä̧ jäwämä̧kü̧.

San Juan 19:11

Päiyäku, Jesú-mä̧ ädätinü̧: —Kuruwomä̧ jui'ajüjä̧ ttü chu̧wä̧mȩnä̧mä̧, Dio iyü juiyüttümä̧; ja̧'wa̧nü̧ ja̧'a̧ttü̧ ukuttu'i̧nä̧ abonä̧nü̧ surojü kku̧nä̧rü̧mä̧, ttürü, ukuru iyü ikuäjitä ja̧'a̧.

San Juan 19:6

Ja̧'wa̧nü̧ pä'a topü, sacerdote-tü̧ tturuwotü'i̧nä̧, Dio-rü ukuokuäkuäwode tta̧'a̧rä̧tü̧'i̧nä̧ wopinä̧tü̧: —¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧! ¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧!, pä'ü. Wottiyäku, Pilato-mä̧ päinä̧u̧: —Ukututä ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧, ttümä̧ suronä̧ jȩä̧'i̧jü̧mä̧ chü̧'o̧kui̧'ü̧ juiyünä̧ wa̧to.

Hechos 21:38

¿Ukumä̧kü̧ ji̧na̧'a̧, Egito i̧sa̧, Roma ruwotürü ra̧wä̧rü̧ rȩbi̧yu̧ dȩ'a̧ra̧'a̧ cuatro mil-nü̧ jo̧mȩnä̧ ttü̧ja̧rü̧ kuä'äwätürü ȩpi̧nü̧mä̧?

Hechos 23:29

Jitütä wettäu jäwä wȩnȩnä̧ jä̧ja̧'a̧; ja̧'wa̧nü̧ ja̧'a̧nä̧ wȩnȩmä̧ jui'äji, kuä'ü ttikuarü pä'ümä̧ ja̧'wa̧ta̧nü̧ kärenä̧ ü̧'a̧ pä'ü'i̧nä̧, juiya'a.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.