San Juan 18:33 - Nuevo Testamento Uwotjüja

³³ Ja̧'wa̧nü̧ ja̧'a̧ jakuänä̧, Pilato-mä̧ pä'äjita'anü̧ ruwode u̧mi̧ isaränä̧ ichi'ü, Jesú-ru wopo'ü pä'inü̧. —¿Ukutäjä̧, judío ttu̧ru̧wa̧ rey-mä̧?

TÄ̧DO Ä̧CUÄ̧ I̧HUȨNȨ

³³ Pilato pä'äji ta'anö jacuoju do'ächi'ö, Jesúsru huopö jä'epinödo: —¿Ucumä judíos ttö̧ja̧ ttu̧ru̧hua̧jä̧ tä̧ji̧?

San Juan 18:33 ပူးပေါင်းရင်းမြစ်များ

San Mateo 27:11

Ru̧wa̧ ä'ka jo̧mȩ ttȩpä̧ja̧'a̧ Jesú-ru, jä'epü ä̧ju̧kui̧nü̧: —¿Ukujä̧ judío ttu̧ru̧wa̧ Rey-mä̧? —Päku, Jesú ädätinü̧: —Ukujä̧, ja̧'wa̧nü̧ pä'ümä̧.

San Mateo 27:27

Ja̧'wa̧nü̧ ja̧'a̧ ru̧wa̧ isotü su̧ro̧do̧u̧mä̧ ruwode kkä'ko isaräku Jesú-ru ttȩmipa̧ja̧'a̧ su̧ro̧do̧u̧mä̧ o'katoi'ünä̧ jua̧u̧ ippeyänä̧ ka̧ka̧kui̧pi̧nä̧tü̧.

San Marcos 15:2

Pilato-mä̧, Jesú-ru jä'epü ä̧ju̧kui̧nü̧: —¿Uku ja̧'a̧, judío ttu̧ru̧wa̧ Rey-mä̧? —Jäepäku, Jesú-mä̧ ädätinü̧: —A̧'a̧, ukutämä̧, ja̧'wa̧nü̧tä̧ pä'üjä̧.

San Lucas 23:2

Ȩpü̧ kku̧nä̧jä̧'kotü, ä'ka jo̧mȩttü̧ pa̧'a̧nü̧ jȩpä̧ji̧ pä'ü ji'äwä'chinä̧tü̧: Piderü po̧kui̧pä̧jä̧tü̧jä̧ ttü̧ja̧rü̧ ji'äwä'chü ti̧rȩjä̧ surojuoepa'a. Roma jäwä pärätämä̧ kuiyätukuä, pä'ü kkä̧nü̧'i̧nä̧, ttütäsä Crito-mä̧, Rey-mä̧ pä'ä'chürü.

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

San Juan 12:13

Jesú icha'aku, eseumä̧ ojiyä, ppä'ü rütü wopinä̧tü̧: —¡Dio ppä'äditü! ¡Tu̧ru̧wa̧ i̧mi̧nä̧ ichümä̧ adiwäjuei i̧yä̧wä̧kua̧, Irae ttu̧ru̧wa̧ Rey-mä̧!

San Juan 12:15

«Sión i̧tti̧mü̧mä̧, yekuekuätukuä; ku̧ru̧wa̧tu̧ku̧ Rey-mä̧ Buro isaju kki̧tti̧, Buro-nä̧ wä̧nü̧ ichü ja̧'a̧.»

San Juan 18:34

Jäepäku, Jesú-mä̧ pä'inü̧: —¿Jua̧u̧mä̧ ukutä amükuädü päkua'a tä̧jí̧ ja̧'wa̧nü̧ jü̧ juiyü'i̧nä̧ kkorotü pättiyäku päkua'a tä̧jí̧?

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 18:38

Päiyäku, Pilato-mä̧ pä'inü̧; —¿Däjéjä̧ttü̧ jueü wȩnȩmä̧? pä'ü kä'ädü, pä'äjita'anü̧ rä'o'ü judío-rü pä'inü̧: Ttümä̧ piderümä̧, suronä̧ jȩä̧ji̧mä̧ chü̧'o̧kui̧'ü̧ juiyünä̧ jä̧ku̧sä̧.

San Juan 19:12

Juorütä kkä̧mä̧dü̧, Pilato-mä̧ Jesú-ru rä'epü ikua pä'ü jȩa̧'a̧nä̧; judío-mä̧ wottinä̧ku̧: —¡Piderü rä'epü kuikuttümä̧, ru̧wa̧ emperador-mä̧ a̧wa̧ru̧wa̧mä̧kü̧jä̧! ¡Ya̧tȩ, ru̧wa̧ jü̧nä̧ amükuädüttümä̧; emperador a̧bo̧i̧ya̧ päi'ünä̧tä̧ pärowächü!, pä'ü

San Juan 19:3

Ja̧'wa̧nü̧ jȩpü̧mä̧ pättä'chinä̧ku̧: —¡Judío ttu̧ru̧wa̧ rey, rekuo ü̧jä̧kua̧! Pä'ä'chü, i'änä̧ ppeppetinä̧ku̧.

San Juan 19:4

Pä'äjita'anü̧ Pilato-mä̧ rä'o'ü päinä̧u̧: —Topätukui, u̧mi̧ rä'epü chu̧ju̧ni̧yä̧u̧jä̧, ttü tochomȩnä̧ suronä̧ jȩä̧'i̧jü̧ chü̧'o̧kui̧'ü̧ juiyünä̧ ja̧'a̧ ku̧wo̧jui̧pä̧tu̧kua̧ pä'ü.

San Juan 19:9

Ja̧'wa̧nü̧ ja̧'a̧ pä'äjita'anü̧, ruwode u̧mi̧ isaränä̧ 'chä̧wi̧'ü̧, Jesú-ru pä'inü̧: —¿Ukumä̧ tȩnȩ́ i̧sa̧jä̧ttü̧? Ja̧'wa̧nü̧ pä'anä̧, Jesú-mä̧ yoriso ädätokü pinü̧.

1 Timoteo 6:13

Jitämä̧, ttü̧ja̧ o'katoi'ünä̧ pi̧jä̧nä̧ kka̧kuä̧tü̧ tta̧'kua̧rü̧ iyäwä i̧sa̧ Dio'i̧nä̧ ä'ka jo̧mȩttü̧ ja̧'wa̧ta̧nü̧ Jesucrito Poncio pilato-rü, Jä'o Dio-rü a̧'kua̧ u̧wȩnä̧rü̧ ji'äwinü̧'i̧nä̧ ä'ka jo̧mȩttü̧ wedäkujä̧.