San Juan 17:13 - Nuevo Testamento Uwotjüja

¹³ Ja̧'wa̧nü̧ ja̧'a̧nä̧, jitämä̧ pä'äjita'anü̧ uku ku̧ja̧'a̧ ppa̧'ä̧chü̧sä̧; ja̧'wa̧nü̧ ja̧'a̧ttü̧ pi̧yȩmä̧ pä'üsä, ji̧nä̧ pi̧jä̧nä̧ chu̧jä̧i̧tä̧, juätü'i̧nä̧ ttü jäwä eseäkuäwä jo̧mȩnü̧ ttu̧ju̧nä̧ra̧ pä'ü.

TÄ̧DO Ä̧CUÄ̧ I̧HUȨNȨ

¹³ “Jitämä ucu cu̧ja̧'a̧cu̧ chi̧chä̧cua̧sä̧. Ja̧'hua̧nö̧ ja̧'a̧nä̧ pi̧jä̧nä̧ ji̧nä̧ chö̧jä̧i̧, pi̧yȩ huȩnȩ ji'äusä, jahuätö'inä ttö cheseu ta'anö ttesehua pä'ö.

San Juan 17:13 ပူးပေါင်းရင်းမြစ်များ

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Juan 15:11

Pa̧'a̧nü̧ chukuokuä̧u̧jä̧, ttü cheseu ukutunä̧ kka̧ pä'ü, jua̧u̧ kuesewätuku jo̧mȩnü̧ päi'ätukuaku pä'ü.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

San Juan 7:33

Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

Hechos 13:52

Ja̧'wa̧nü̧ ja̧'a̧nä̧ Jesucrito-rü esetätümä̧ jo̧mȩnü̧ eseäkuäwinä̧tü̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ winä̧tü̧.

Romanos 14:17

Isopäi'ünä̧ Ru̧wa̧ Dio uruwo weümä̧ kuäkuäwämä̧kü̧ ja̧'a̧ ja̧'wa̧ta̧nü̧ awäwämä̧kü̧ ja̧'a̧ ja̧'wa̧nü̧ ja̧jü̧jueimä̧ adiu jȩä̧kuä̧wä̧tä̧, rowäkuäwä juiyünä̧ kkä̧kuä̧wä̧tä̧ ja̧'wa̧ta̧nü̧ Epíritu Sa̧tu̧nä̧ eseäkuäwätä ja̧'a̧.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

1 Juan 1:4

Pi̧yȩmä̧ ti̧wȩyu̧tä̧u̧jä̧, ujutu teseu jo̧mȩnü̧ ja̧ pä'ü.

2 Juan 1:12

Ukuturumä̧ rü̧ä̧nä̧ chukuokua pä'üsä, ja̧'wa̧nü̧ ja̧'a̧nä̧ kuyäru isojänä̧mä̧ wȩyu̧tu̧mä̧ we'oküsä. Ttütätä ukuturu do'ächü ichü topü chukuokua pä'ütä tta̧'a̧ru̧sä̧, ja̧'wa̧nü̧ jü̧ttü̧tä̧ tesewäkuäwä'ijümä̧ jo̧mȩnü̧ jä̧kua̧'a̧.