San Juan 17:12 - Nuevo Testamento Uwotjüja

¹² Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

TÄ̧DO Ä̧CUÄ̧ I̧HUȨNȨ

¹² Ttömä jahuätöcu pi̧jä̧nä̧ chö̧jomȩnä̧, cujurunä tta̧'ä̧ri̧nö̧sä̧, suronä 'cuäopö juiya pä'ö ttörö cuiyinä̧u̧ru̧. Jahuätöttö Huȩyu̧cuä̧ Huȩnȩ päö'a̧nö̧ 'cuäopa pä'ö, ya̧tȩtä̧ ihueye suropinötä to'ei'inö, korotöttö ya̧tȩ'i̧nä̧ toei'oca'a tta̧'ä̧ri̧nö̧sä̧.

San Juan 17:12 ပူးပေါင်းရင်းမြစ်များ

San Juan 13:18

Ukutu o'katoi'ünä̧ kutü'kütukumä̧ pädoka'anä̧; pojopü chȩmi̧nä̧u̧ru̧mä̧ wo̧jua̧sä̧. Ja̧'wa̧nü̧ ja̧'a̧nä̧ wȩyu̧kuä̧ wȩnȩ päümä̧ jo̧mȩnü̧ 'kuäopa pä'ü ja̧'a̧: Ttüku u̧kuȩ kumä̧, chaboi̧ya̧ jü̧nä̧ pä'i'äji.

San Juan 17:6

Pi̧jä̧ttü̧, ttürü pojopü kuiyinä̧u̧ru̧mä̧, uku kutü'kü ttu̧wo̧jui̧pü̧nä̧ jȩpi̧nü̧sä̧. Uku kuȩmi̧nä̧u̧ ja̧'a̧ttü̧, ttürü'i̧nä̧ iyinü̧jä̧ ja̧'wa̧nü̧ ja̧'a̧ttü̧ kui̧wȩnȩ wekumä̧ esetinä̧tü̧.

San Juan 18:9

Pi̧yȩmä̧, chutä Jesú pa̧'a̧nü̧ jiäwinü̧ jo̧mȩnü̧ päia'a ji̧na̧'a̧: «Ttürü kuiyinä̧u̧ttü̧mä̧ ya̧tȩrü̧'i̧nä̧ to'e'ächokü pinü̧sä̧», jü̧nä̧.

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

Hechos 1:25

pi̧yȩ kuaditäwä, apótore jäwänä̧, Juda i̧'cha̧ päina̧'a̧ 'chä̧nü̧, aditino̧mȩ o'komȩ aditäkua'anü̧.»

Filipenses 2:9

Ja̧'wa̧nü̧ iyäwina̧'a̧ttü̧ Dio-mä̧ o'kajuiyünä̧ u̧wä̧mȩnä̧ kku̧nu̧, o'kajuiyünä̧tä̧ i̧mi̧pi̧yä̧ kkü̧mä̧ u̧wä̧mȩnä̧ jȩi̧nä̧ku̧.

2 Tesalonicenses 2:3

Ya̧tȩ'i̧nä̧ üyaparewa'anä̧mä̧ kuiyäwätukuä; ji̧yȩnü̧ mo̧ro̧ jä̧kua̧'a̧ ä'kanä̧mä̧ Dio aboiyotümä̧ chutä Dio-ku ttürowäwäkuotü ja̧'wa̧ta̧nü̧ ttü̧ja̧sa̧ suronä̧ jȩpä̧'i̧jü̧mä̧ jua̧u̧nü̧ i̧jȩkuä̧chä̧kua̧, toe'ächa pä'ü pätetü kku̧nä̧wa̧mä̧.

Hebreos 2:13

Ja̧'wa̧ta̧nü̧ kkoromȩ pä'a: «Jua̧u̧nä̧tä̧ cha̧'kua̧ chu̧wȩnä̧rä̧kua̧sä̧». Juȩnȩ yabonä̧ päinü̧, pä'a: «Pȩnȩtä̧ kkü̧sä̧, chi̧tti̧mü̧, Dio iyinä̧u̧ku̧.»

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Apocalipsis 19:12

Ü'äriyämä̧ okurä jä̧'i̧nü̧'a̧nü̧ kuo'inü̧, Unä̧tä̧ rü̧ȩnä̧ corona pättü u'uttäwä wȩnä̧ri̧nü̧ ja̧'wa̧ta̧nü̧ ji̧yȩtȩ i̧mi̧ chutätä u̧wo̧juö̧ wȩyu̧kua̧'a̧ rü̧tä̧ri̧nü̧.