San Juan 16:33 - Nuevo Testamento Uwotjüja

³³ Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

TÄ̧DO Ä̧CUÄ̧ I̧HUȨNȨ

³³ Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 16:33 ပူးပေါင်းရင်းမြစ်များ

San Mateo 9:2

Jua'atä ü̧ja̧'a̧, ya̧tȩ parárisi na̧'ä̧chü̧rü̧ cama-bänä̧ ü̧'a̧'a̧ i'kächipinätü̧; ja̧'wa̧nü̧ tta̧'kua̧ ttu̧wȩnä̧ra̧'a̧ topü Jesú-mä̧ na̧'ä̧chü̧rü̧ pä'inü̧: —Kua̧'kua̧ tta̧kuȩkuä̧ chi̧tti̧; suronä̧ jȩ'kuä̧'i̧jü̧mä̧ jȩpü̧ chikuäkujä̧.

San Lucas 19:38

Pä'inä̧tü̧: —¡Dio i̧mi̧nä̧ ichü Tu̧ru̧wa̧rü̧ juiyo adiwa'a! ¡Mo̧ro̧jä̧nä̧ttü̧ wȩnȩ juiyü, eseäkuäwä kka̧'a̧!

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

San Juan 14:1

Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

San Juan 14:27

Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

San Juan 16:11

Ja̧'wa̧ta̧nü̧ Dio ro̧ȩpä̧kuȩttü̧'i̧nä̧, pädümä̧, täkü pi̧jä̧nä̧ we'ä'ijürü ro̧ȩkui̧'ä̧kuȩ, päwi'a'a päda'attü.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

Hechos 27:22

Ja̧'wa̧nü̧ ja̧'a̧nä̧, kua̧'kua̧ tta̧kuȩkuä̧tu̧kuä̧, woi'kamä̧ toe'ächa'anä̧, ukutumä̧ ya̧tȩ'i̧nä̧ to'e'ächokotü kuäkuotüjä̧.

Hechos 27:25

Ja̧'wa̧nü̧ ja̧'a̧ttü̧, chawaruwä, kua̧'kua̧ tta̧kuȩkuä̧tu̧kuä̧; ttümä̧ Dio-rü cha̧'kua̧ wȩnä̧rü̧sä̧ ja̧'wa̧nü̧ pä'äjita'anü̧ jä̧kua̧'a̧ pä'ü.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

2 Corintios 1:3

Tu̧ru̧wa̧ Jesucrito Jä'orü Dio-rü, rettü ppädäkuäwä kku̧nä̧rü̧rü̧, a̧'u̧ ttuttu jȩpü̧ ikuäwä kku̧nä̧rü̧rü̧, Tü̧ä̧nä̧wa̧ Dio-rü tesewa pä'ütä ja̧'a̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

2 Corintios 2:14

Ja̧'wa̧nü̧ ja̧'a̧ttü̧, Dio-rü eseusä, Crito-nä̧tä̧ surojü kkȩdü̧ tikunä̧ 'kuäopünä̧tä̧ ppäda'attü ja̧'wa̧ta̧nü̧ ujutunä̧tä̧ ttü̧jo̧mȩ pünä̧ o'kajuiyünä̧ i̧wȩnȩ jitäwomȩmä̧ a̧mȩu̧ jä̧'i̧nü̧'a̧nü̧ yoäwi'ünä̧ ppäda'attü.

2 Corintios 4:7

Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

2 Corintios 7:4

Ukuturumä̧ wäjuönä̧tä̧ ukuokusä; ja̧'wa̧ta̧nü̧ rü̧ȩnä̧ eseusä ukuturumä̧; a̧'u̧ ttudomȩnä̧ ppädäkuäwä'i̧nä̧ jo̧mȩnü̧ kkä̧ku̧sä̧; rü̧ȩnä̧ usurä tȩmä̧wa̧'a̧nä̧'i̧nä̧ rü̧ȩnä̧ eseusä.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

Filipenses 4:7

Ja̧'wa̧nü̧ jȩ'kuä̧tu̧kuo̧mȩnä̧, Dio-mä̧ wȩnȩ juiyünä̧ kkä̧kuä̧wä̧ i̧yä̧kuä̧, jua̧u̧mä̧ pi̧jä̧ ttü̧ja̧ jäwättü'i̧nä̧ abonä̧nü̧ jü̧ jäwä; tta̧wä̧rä̧kuȩ kua̧mi̧ iso'kituku'i̧nä̧, kuamükuädätuku'i̧nä̧, Crito Jesú-nä̧tä̧.

Colosenses 1:20

ja̧'wa̧ta̧nü̧ Crito-nä̧tä̧, o'kajuiyünä̧ esekua pä'inü̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧ jü̧nä̧, wȩnȩ juiyünä̧ eseku ikunä̧, ü̧jo̧kä̧nü̧ jäinä̧ 'korujuoächinoya ukuojanä̧.

1 Tesalonicenses 3:4

Ji̧nä̧ ukututäku tü̧ja̧kuä̧i̧, jitäwinä̧u̧jä̧, rü̧ȩnä̧ usurä tȩmä̧wä̧kuo̧tü̧jä̧ pä'ü. Jitäwinü̧tä̧ ja̧'a̧, ukutu 'kuäkuopätukumä̧, ku̧wo̧juä̧tu̧ku̧tä̧.

1 Tesalonicenses 3:7

Ja̧'wa̧nü̧ kua̧'kua̧ ku̧wȩnä̧rä̧tu̧kua̧'a̧ jiäwomȩnä̧, rü̧ȩnä̧ usurä ȩmä̧u̧ ta̧'kua̧ tta̧'ȩku̧ tajuäkuäwa'anä̧, ta̧'kua̧ tȩmü̧nä̧ päi'ä̧jä̧u̧jä̧.

2 Tesalonicenses 3:16

Ja̧'wa̧ta̧nü̧ chutä Tu̧ru̧wa̧tä̧ wȩnȩ juiyünä̧ kkä̧kuä̧wä̧ i̧sa̧ ja̧'a̧ttü̧, kkoromȩttü̧'i̧nä̧ 'kuäopünä̧tä̧ unichä̧rü̧ ku̧jä̧tu̧ku̧nä̧ ppä̧dä̧kuä̧u̧jä̧. Tu̧ru̧wa̧mä̧ 'kuäopünä̧tä̧ ü̧jä̧kua̧, ukutu o'katoi'ünä̧ku̧.

2 Timoteo 3:12

Isopäi'ünä̧ ja̧'a̧, o'katoi'ünä̧ Jesucrito-rü ukuotü ttü̧ja̧kua̧ pä̧wä̧rü̧jä̧u̧mä̧ kuäkuättä̧u̧ usurä ttȩmä̧wä̧kuo̧tü̧;

Hebreos 11:25

Dio i̧tti̧mü̧ku̧tä̧, juätürü jü̧ta̧'a̧nü̧ suronä̧ jȩtta̧'a̧ usurä ȩmä̧wa̧ pä'inü̧, pi̧jä̧ üadiwänä̧ suronä̧ jȩpü̧ ü̧ja̧ pä'ü jui'ü.

Hebreos 7:2

ja̧'wa̧nü̧ ja̧'a̧ Abraha̧-mä̧, Mequisede-rü iyinü̧ iäre diezmo o'kajuiyünä̧, kurä rowäu ȩmä̧ji̧ttü̧. Jua̧u̧ i̧mi̧ Mequisede pä'ümä̧ «ru̧wa̧ adiwä i̧sa̧» pä'ü päwä ja̧'a̧ ja̧'wa̧nü̧ ja̧'a̧nä̧ Salem ütawiyä ru̧wa̧ pä'ümä̧, «ru̧wa̧ wȩnȩ juiyünä̧ wa̧» pä'ü päwä ja̧'a̧.

1 Pedro 5:9

Tta̧'kua̧ wȩnä̧rä̧kuä̧wä̧nä̧ 'kiyünä̧ kua̧mi̧ 'ki'ächi'ätukui, pi̧jä̧ o'kajuiyünä̧ kka̧kuä̧tü̧ kui̧jä̧wa̧tu̧ku̧'i̧nä̧ jua̧u̧tä̧ jäwänä̧ usurä ttȩmä̧wa̧'a̧mä̧ wo̧juä̧tü̧jä̧.

1 Juan 2:13

Ukutu ttä̧'o̧tü̧rü̧ wȩyu̧tu̧ we'üsä, ukutumä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧juä̧tu̧kua̧'a̧ttü̧. Ja̧'wa̧ta̧nü̧ ukutu mü̧ä̧yotürü wȩyu̧tu̧ we'üsä, suronä̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü. Ja̧'wa̧ta̧nü̧ ukutu chi̧tti̧mü̧ wotürü wȩyu̧tu̧ we'üsä, jua'amä̧ Tä'o Dio-rü ku̧wo̧juä̧chi̧ni̧yä̧tu̧kuä̧ku̧ cha'attü.

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 5:4

O'katoi'ünä̧ Dio-ttü uwäpächinä̧tü̧mä̧ pi̧jä̧ jäwä surojü kkȩdü̧ ikuätü. Ja̧'wa̧ta̧nü̧ o'katoi'ünä̧ Jesucrito-rü tta̧'kua̧ wȩnä̧rä̧tü̧mä̧ pi̧jä̧ jäwä surojü abo 'kuä'o'ätü.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.