San Juan 16:32 - Nuevo Testamento Uwotjüja

³² Jitämä̧ yotukunä̧ kuipperekuächätukuä̧kuȩ rȩbȩä̧kuä̧wa̧'a̧, jua̧u̧mä̧ jitätä ja̧'a̧, ttü kkatärütä kku̧ni̧pü̧ ji̧kuȩ'ä̧kuo̧tü̧jä̧; ja̧'wa̧nü̧ ja̧'a̧nä̧ kkatämä̧ woküsä, Chä'o'i̧nä̧ ttüku ü̧ja̧'a̧ttü̧.

TÄ̧DO Ä̧CUÄ̧ I̧HUȨNȨ

³² Ucutu o'ca toi'önä döcuhuecuächätucuometä päi'äcua'a jitämä. Ttörö katä päi'önä jarocuhuipäcuotöjä. Ja̧'hua̧nö̧ jarocuhuipätucuomenä, katämä pä'i'ocösä, Chä'o ttöcu ö̧ja̧'a̧ttö̧.

San Juan 16:32 ပူးပေါင်းရင်းမြစ်များ

San Mateo 26:31

Ja̧'wa̧nü̧ tti̧'chä̧ja̧'a̧ Jesú-mä̧ päinä̧u̧: —Ukutu o'katoi'ünä̧, mä̧kuä̧ yodomä̧ ttüttümä̧ ye'ekuä'chi'ü kuipperekuächäkuotüjä̧, wȩyu̧kuä̧mä̧ pa̧'a̧nü̧ pä'ija'a: «Oweja-tü̧ ttu̧ru̧wa̧rü̧ 'kui'opü chikuomȩnä̧ oweja-tü̧mä̧ ttü̧jo̧kuo̧mȩttü̧ ttipperekuächäkuotü,» jü̧nä̧.

San Mateo 26:56

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopümä̧, profeta wotü wȩyu̧tu̧ ttütinü̧ta̧'a̧nü̧ 'kuäopa'a ja̧'a̧. Täkü jua̧u̧nu̧tä̧, u̧wo̧juȩtä̧u̧mä̧ o'katoi'ünä̧ kkatätä ü̧ji̧pa̧'a̧nä̧ dü'ekuächü tü'ipächinä̧tü̧.

San Marcos 14:27

Jua'attü Jesú-mä̧ päinä̧u̧: —O'katoi'ünä̧ ttürü kua̧'kua̧ ku̧wȩnä̧rä̧'i̧jä̧tu̧ku̧ juikuächi'äkuotüjä̧, jitä yodomä̧. Wȩyu̧kuä̧ wȩnȩmä̧ pä'ija'a: «Pató-rü kuä'ü chikuomȩnä̧, oweja-tü̧mä̧ ttipperekuächäkuotü,» jü̧nä̧.

San Marcos 14:50

Ja̧'wa̧nü̧ jȩtti̧pa'anä̧, u̧wo̧juȩtä̧u̧mä̧ o'katoi'ünä̧ dü'ekuächinä̧tü̧, kkatätä ü̧ji̧pa̧'a̧nä̧.

San Juan 12:23

Jesú-mä̧ ädätinä̧u̧: —Ubo I̧tti̧ wa'arettü ttoächä̧kuȩ mo̧ro̧ rȩbȩä̧kuä̧wa̧'a̧.

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

San Juan 16:25

Pi̧yȩ wȩnȩmä̧ wȩnȩtä̧rü̧tä̧ jidäwä'ijä̧u̧jä̧; ja̧'wa̧nü̧ ja̧'a̧nä̧, täkü wȩnȩtä̧rü̧ jidäwokü jä̧kuȩ mo̧ro̧ rȩbȩwa̧'a̧, suro jueünä̧tä̧ Chä'o ütü'kümä̧ chukuokuä̧kuȩ mo̧ro̧.

San Juan 16:31

Pättäku, Jesú-mä̧ ädätinä̧u̧: —¿Jua̧u̧nu̧mä̧, jitämä̧ esetätüjä̧?

San Juan 19:27

Pä'ü kkä̧nü̧ u̧wo̧juȩtä̧'i̧jä̧u̧rü̧, pä'inü̧: —Kua̧ju̧mä̧, juäjutä ja̧'a̧. Juorütä kkä̧mä̧dü̧ u̧mü̧wä̧ya̧ pä'ijümä̧, ja̧ju̧ juoepinä̧kua̧.

San Juan 20:10

Jua̧u̧nü̧ o'ka'a, Jesú u̧wo̧juȩtä̧u̧mä̧ ttojusodera̧'a̧tä̧ ppa̧'a̧chi̧nä̧tü̧.

San Juan 4:21

Päjäku, Jesú-mä̧ ädätinä̧kua̧: —Esetittü isaju, täkü pi'ka müä'kattü̧mä̧ ja̧'wa̧ta̧nü̧ Jerusarȩ́-ttü̧mä̧, Dio-rü eseäkuäwokü jä̧kuȩ mo̧ro̧ rȩbȩä̧kuä̧wa̧'a̧,

San Juan 4:23

Ja̧'wa̧nü̧ ja̧'a̧nä̧, ji̧yȩtä̧ mo̧ro̧mä̧ täkü rȩbȩä̧kuä̧wa̧'a̧, jua̧u̧ mo̧ro̧ jitä ja̧'a̧. Isopäi'ünä̧tä̧ eseäkuäwätü, Dio-rü tteseu mo̧ro̧mä̧; Jä'o Dio-rü Epíritu a̧'kua̧iweyenä̧, isopäi'ünä̧ jäwänä̧ ttiwe'kiyunä̧ kka̧kuä̧mü̧ tteseumä̧. Isopäi'ünä̧ Jä'omä̧ ja̧'wa̧nü̧tä̧ ttiwe'kiyunä̧ kka̧kuä̧mü̧ ttesewarü pä'ü pä̧wä̧rü̧jä̧ku̧.

San Juan 5:25

Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

San Juan 5:28

Pi̧yȩ pädomȩnä̧mä̧, too to'kuä̧rä̧tu̧kuä̧; isopäi'ünä̧ o'katoi'ünä̧ wa'are rejunä̧ pä̧tü̧'i̧nä̧, i̧wȩnȩ ttä̧ju̧ku̧ mo̧ro̧ rȩbȩä̧kuä̧wä̧kua̧'a̧.

San Juan 8:16

Ja̧'wa̧nü̧ ja̧'a̧nä̧, ttü adiu ja̧ pä'ü'i̧nä̧, surojü ja̧ pä'ü'i̧nä̧ pädomȩnä̧mä̧ isopäi'ünä̧ jäwätä pä'üsä; jua'amä̧ ttü kkatätämä̧ jo̧ka̧'a̧ttü̧, ttükumä̧ Chä'o ttürü we'inü̧'i̧nä̧ ja̧'a̧ttü̧.

San Juan 8:29

Isopäi'ünä̧ ttürü we'inü̧mä̧ ttütäku kkü̧; Chä'omä̧, kkatämä̧ u̧ju̧ni̧'o̧ko̧ku̧sä̧ ja̧'wa̧nü̧ ja̧'a̧ttü̧ churutä pä̧wä̧rü̧jü̧tä̧ jȩpü̧sä̧.

Hechos 21:6

Jua̧u̧ o'ka'a te'äwi'ipütä woi'kanä̧ tü̧'ä̧mä̧da̧'a̧nä̧, juätümä̧ ttojusodera̧'a̧ku̧ ppa̧'ä̧chi̧nä̧tü̧.

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.