San Juan 16:16 - Nuevo Testamento Uwotjüja

¹⁶ A̧'u̧kua̧'a̧tä̧ jü̧ o'ka'a, ttürümä̧ topokotü kuäkuotüjä̧; ja̧'wa̧nü̧ a̧'u̧kua̧'a̧tä̧ jü̧ o'ka'a pä'äjita'anü̧ to'kuätukuä̧kua̧sä̧. Jua'amä̧ Chä'o ü̧ja̧'a̧ chi̧'cha̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁶ “A̧'u̧cua̧'a̧tä̧ o'ca'a, ucutumä ttörö topocotö cuäcuotöjä. Ja̧'hua̧nö̧ ja̧'a̧nä̧ ja̧u̧nu̧ recuonänö o'ca'a, pä'äji ta'anö ttörö tocu'äcuotöjä Chä'o ö̧ja̧'a̧ chi̧'cha̧'a̧ttö̧, —huo̧juȩti̧nö̧do Jesús.

San Juan 16:16 ပူးပေါင်းရင်းမြစ်များ

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

San Juan 12:35

Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Juan 16:10

Jueünä̧ jȩttü̧ttü̧'i̧nä̧, pädümä̧, Chä'o ü̧ja̧'a̧ chi̧'cha̧'a̧ttü̧ pä'üsä, täkü ttürümä̧ yabonü̧mä̧ to'kuätukuokoku chäkua'attü̧,

San Juan 16:22

Ja̧'wa̧nü̧ jä̧'i̧jü̧ta̧'a̧nü̧, jitämä̧ kua̧'kua̧ tta̧'ȩkuä̧tü̧jä̧; ja̧'wa̧nü̧ ja̧'a̧nä̧, pä'äjita'anü̧ tochäkuä̧u̧jä̧ ja̧'wa̧nü̧ jo̧mȩnä̧ kua̧mi̧'iso'kitükumä̧ rü̧ȩnä̧ esewäkua'a ja̧'wa̧nü̧ kuesewätukumä̧ ya̧tȩ'i̧nä̧ 'choipokü jä̧kuȩ.

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

San Juan 16:5

Ja̧'wa̧nü̧ ja̧'a̧nä̧ jitämä̧ ttürü we'inü̧ ü̧ja̧'a̧ 'chü̧sä̧; ja̧'wa̧nü̧ ja̧'a̧nä̧, ya̧tȩ'i̧nä̧, ¿Too kui̧'cha̧'a̧jä̧ttü̧? Pä'ümä̧ jäkuepätukuokokusä.

San Juan 17:13

Ja̧'wa̧nü̧ ja̧'a̧nä̧, jitämä̧ pä'äjita'anü̧ uku ku̧ja̧'a̧ ppa̧'ä̧chü̧sä̧; ja̧'wa̧nü̧ ja̧'a̧ttü̧ pi̧yȩmä̧ pä'üsä, ji̧nä̧ pi̧jä̧nä̧ chu̧jä̧i̧tä̧, juätü'i̧nä̧ ttü jäwä eseäkuäwä jo̧mȩnü̧ ttu̧ju̧nä̧ra̧ pä'ü.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 7:33

Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

Hechos 1:3

Ja̧'wa̧ta̧nü̧ juätürümä̧, usurä ȩmä̧u̧ wa'ü ikuäja'attü tto'ächäji̧'ka̧mä̧, wäjuönä̧ ttu̧wo̧juö̧nä̧tä̧, ttü̧ja̧ ta̧ju̧ mo̧ro̧ jo̧mȩnä̧ i̧jȩkui̧nä̧u̧, ru̧wa̧ Dio weü wȩnȩ ji'äu kkä̧nü̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.