San Juan 16:11 - Nuevo Testamento Uwotjüja

¹¹ Ja̧'wa̧ta̧nü̧ Dio ro̧ȩpä̧kuȩttü̧'i̧nä̧, pädümä̧, täkü pi̧jä̧nä̧ we'ä'ijürü ro̧ȩkui̧'ä̧kuȩ, päwi'a'a päda'attü.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧ta̧nö̧ Dios pi̧jä̧nä̧ hue'örömä suronä 'cuäopa pä'ö hueina'attö, Dios adihuä pä̧cuȩ huȩnȩ tottäcuotödo.

San Juan 16:11 ပူးပေါင်းရင်းမြစ်များ

San Mateo 12:18

Pidetä ja̧'a̧ chu̧mü̧wä̧ya̧, ttü chȩmi̧nä̧ku̧mä̧, Jua̧u̧ru̧ eseusä, rü̧ȩnä̧ repedäku ja̧'a̧ttü̧. Jua̧u̧nä̧ ttü i̧sa̧ Epíritu-ru chu̧ju̧nä̧kua̧sä̧, ja̧'wa̧ta̧nü̧ ro̧ȩkuä̧ wȩnȩ ji̧ä̧wä̧kua̧ judío pokotü pokotürümä̧.

San Mateo 12:36

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧.

San Lucas 10:18

Pättiyäku, Jesú-mä̧ päinä̧u̧: —Ttümä̧ topinü̧sä̧, Satanás-rü̧, ku'upä ürowa'a jä̧'i̧nü̧'a̧nü̧, mo̧ro̧jä̧ra̧'a̧ttü̧ ma̧'ä̧chü̧ juiächa'a.

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

San Juan 14:30

Täkü ukutukumä̧, kkoro rü̧ȩnä̧mä̧ ukuokuoküsä, jua'amä̧ pi̧jä̧nä̧ we'ä'ijü icha'attü, Jua̧u̧mä̧ ttükumä̧ yoriso jui̧'a̧.

San Juan 16:12

Jidäwa pädümä̧, yabonü̧ chu̧ju̧nä̧ra̧'a̧nä̧, jitätämä̧ kua̧mi̧ 'ki'ächi'okotüjä̧.

Hechos 10:42

Ja̧'wa̧nü̧ ja̧'a̧mä̧, jua̧u̧tä̧ weinä̧u̧jä̧ ttü̧ja̧rü̧ jitäwiyarü pä'ü; Jua̧u̧ru̧tä̧ Dio-mä̧ a̧'kua̧rä̧tü̧rü̧'i̧nä̧, wa'ü ikuinä̧tü̧rü̧'i̧nä̧ juez päi'ünä̧ ütinä̧ku̧ pä'ü.

Hechos 24:25

Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Romanos 16:20

Ja̧'wa̧nü̧ jȩ'kuä̧tu̧kuo̧mȩnä̧ Dio eseäkuäwä iyümä̧, ku̧jä̧pi̧yä̧tu̧ku̧nä̧ kkȩdü̧ kuikuätukunä̧ jȩä̧kua̧ Satanás-rü̧. Tu̧ru̧wa̧ Jesucrito ukuturu ppädinünä̧ kka̧kuä̧tu̧kui̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Colosenses 2:15

Dio-mä̧ ttujuru jȩpü̧ ikuinü̧ isotü uwäpokotü ttukuo kku̧nä̧rä̧tü̧rü̧mä̧, ja̧'wa̧ta̧nü̧ Jesucrito-nä̧tä̧ o'katoi'ünä̧ ttä'ka jo̧mȩttü̧ i̧jȩpü̧ ikuinü̧, ü̧jo̧kä̧nü̧ jäinä̧ 'korujuoächomȩnä̧ juätüttü'i̧nä̧ ttu̧wä̧mȩnä̧ pä'i'inü̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

Hebreos 6:2

bautizo jȩttä̧kuä̧u̧'a̧nü̧ ja̧'a̧; ttu̧mü̧ mȩ'ü̧ ttukuokuomȩnä̧ Epíritu Sa̧tu̧rü̧ ttȩmu̧'i̧nä̧; wa'inä̧tü̧ ttottächäkuȩ'i̧nä̧; ja̧'wa̧ta̧nü̧ rüjí mo̧ro̧ ü'ojo'äkuȩ'i̧nä̧ täkü kukuokuätukuä.

Hebreos 9:27

Ja̧'wa̧nü̧ ja̧'a̧ttü̧ o'katoi'ünä̧ ya'utenä̧tä̧ 'korujuottächünä̧ pä'ü kku̧nä̧wa̧'a̧, juȩnȩ o'komȩnä̧mä̧ Dio ü'ojo'ü mo̧ro̧tä̧ ichäkua'a.

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.