San Juan 15:7 - Nuevo Testamento Uwotjüja

⁷ Ukutu ttünä̧ ku̧ja̧kuä̧tu̧ku̧ttü̧mä̧ ja̧'wa̧ta̧nü̧ ttü chi̧wȩnȩ ukutunä̧ kka̧ku̧ttü̧mä̧, pä̧wä̧rü̧jü̧mä̧ o'kajuiyünä̧ jä'epätukui, jäkuepätukuomȩnä̧ iyäwäkua'a.

TÄ̧DO Ä̧CUÄ̧ I̧HUȨNȨ

⁷ “Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 15:7 ပူးပေါင်းရင်းမြစ်များ

San Mateo 7:7

Jä'epätukui, Dio-mä̧ iyäkuäu̧jä̧; usätukui, kusätukumä̧ ku̧'o̧kui̧'ä̧kuo̧tü̧jä̧; äpatenä̧ wopätukui, wo'kuätukuomȩnä̧ bawekuäkua'a.

San Juan 14:13

Ja̧'wa̧nü̧ ja̧'a̧ttü̧ o'kajuiyünä̧, ttü chi̧mi̧nä̧, Chä'orü jäkuepätukumä̧, jȩchä̧kua̧sä̧. Jua'amä̧ Chä'o ukuo jäwä, I̧tti̧nä̧ i̧jȩpa̧ pä'ü.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Juan 16:23

Ji̧yȩnü̧ mo̧ro̧mä̧, täkü jä̧kuȩpä̧rä̧tu̧kuo̧ko̧ku̧ chä̧kua̧sä̧. Isopäi'ünä̧ pä'üsä ukuturu: Chä'orü ttü chi̧mi̧nä̧, jäkuepätukumä̧, o'kajuiyünä̧ i̧yä̧kuä̧u̧jä̧.

San Juan 8:31

Ja̧'wa̧nü̧ ja̧'a̧ Jesú-mä̧, churutä esetätü judío-rü pä'inü̧: —Isopäi'ünä̧ ttü chi̧wȩnȩnä̧ ku̧jätu̧ku̧ttü̧mä̧, isopäi'ünä̧ chumüwäyotü kuäkuotüjä̧.

San Juan 8:37

Jua'akumä̧, Abraha̧ i̧tti̧mü̧ isotüjä̧ pä'ümä̧ wo̧jua̧sä̧; ja̧'wa̧nü̧ ja̧'a̧nä̧ kuä'ü kuikuätukua päkuätukuäkusä chi̧wȩnȩ esetü jui'ü.

Gálatas 4:2

Ja̧'wa̧ta̧nü̧ tta̧'ä̧rü̧ to̧ttä̧rä̧ku̧, tta̧ttä̧ra̧ pä'ü we'äwotü, jä'o päinomȩbü päi'ünä̧.

Gálatas 5:16

Ja̧'wa̧nü̧ ja̧'a̧ttü̧ pä'üsä: Dio i̧sa̧, Epíritu üjü'komȩnä̧tä̧ kka̧kuä̧tu̧kui̧, kuidepätuku kkü'kekunä̧mä̧ ku̧jä̧tu̧kuä̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

1 Juan 2:14

Ukuturu wȩyu̧ti̧nü̧sä̧ chi̧tti̧mü̧ wotürü, jua'amä̧ Jä'o Dio-rü ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu ttä̧'o̧tü̧rü̧ wȩyu̧ti̧nü̧sä̧ jua'amä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu mü̧ä̧yotürü wȩyu̧ti̧nü̧sä̧, kujuru ku̧ju̧nä̧ri̧yä̧tu̧kuä̧ku̧ ja̧'wa̧ta̧nü̧ kua̧mi̧'iso'kitukunä̧ Dio i̧wȩnȩ ku̧ju̧nä̧ri̧yä̧tu̧kuä̧ku̧, ja̧'wa̧nü̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü.

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

1 Juan 3:22

Ja̧'wa̧nü̧ jo̧mȩnä̧, o'kajuiyünä̧ jätepümä̧ Dio-mä̧ i̧yä̧kuä̧u̧jä̧. Chutä i̧wȩnȩ weütä ukuotü ja̧'wa̧ta̧nü̧ üjü'kütä jȩpü̧ tü̧ja̧kua̧'a̧ttü̧.

1 Juan 5:14

Pa̧'a̧nü̧ jo̧mȩttü̧ Dio-rümä̧ ta̧'kua̧ wȩnä̧rä̧tü̧jä̧, Churutä pä̧wä̧rü̧jo̧mȩnä̧ jätepomenä̧mä̧, Jua̧u̧mä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧.