San Juan 15:27 - Nuevo Testamento Uwotjüja

²⁷ Ja̧'wa̧ta̧nü̧ ukutu'i̧nä̧ ttü chütü'kü jikuäwäkuotüjä̧, ä̧kuo̧mȩnä̧tä̧ päi'ünä̧ ttüku ku̧ja̧kuä̧'i̧tu̧kua̧'a̧ttü̧.

TÄ̧DO Ä̧CUÄ̧ I̧HUȨNȨ

²⁷ Ucutumä äcuomenä chichina'a ttöcu cu̧ja̧cui̧nä̧tu̧cua̧'a̧ttö̧, ttörö adiu cucuocuäcuotöjä ucutu'inä, —huo̧juȩti̧nö̧do Jesús.

San Juan 15:27 ပူးပေါင်းရင်းမြစ်များ

San Marcos 1:1

Tü̧ä̧nä̧wa̧ Dio I̧tti̧, i̧chä̧kua̧ pä'ü ukuowinü̧, Jesú ütü'kü jäwä, jareü wȩnȩmä̧, pa̧'a̧nü̧ kkä̧mä̧di̧na̧'a̧.

San Lucas 24:48

Pi̧yȩ to'kuätuku o'kajuiyünä̧ jikuäwäkuotümä̧, ukututäjä̧.

San Juan 19:35

Pi̧yȩ topinü̧mä̧, ji'äu, jua̧u̧ jiäumä̧ isopäi'ünä̧tä̧ ja̧'a̧; jua̧u̧mä̧ isopäi'ünä̧ ji̧yä̧ku̧ jiäu, ukutu'i̧nä̧ kuesetätukua pä'ü.

San Juan 21:24

Pide u̧wo̧juȩtä̧u̧ttü̧ ya̧tȩ ji̧na̧'a̧, pi̧yȩ tü'kü ji'äu kkä̧nü̧'i̧nä̧ wȩyu̧ti̧nü̧mä̧ ja̧'wa̧nü̧ ja̧'a̧ttü̧ ujutumä̧ wo̧juä̧tü̧jä̧ jua̧u̧ jiäumä̧ isopäi'ünä̧tä̧ ja̧'a̧ pä'ü.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 13:31

Ja̧'wa̧nü̧ ji̧na̧'a̧mä̧, rekuo mo̧ro̧ jo̧mȩnä̧ i̧jȩkui̧nü̧ Galirea-ttü Jerusarȩ́-ra̧'a̧ku̧ chutäku 'chi̧nä̧tü̧rü̧mä̧; ja̧'wa̧nü̧ ja̧'a̧ jitämä̧ juätütä ja̧'a̧, Jesú-ru 'kuäopa'a tottinü̧ ttü̧ja̧rü̧ ji'äwätümä̧.

Hechos 18:5

Sira'i̧nä̧, Timoteo'i̧nä̧ Macedonia rȩjȩra̧'a̧ttü̧ tti̧'chi̧'o̧mȩnä̧mä̧, Pauru-mä̧ jo̧mȩnü̧tä̧ judío-rü jareü wȩnȩ ji'äwinü̧, Jesú-mä̧ Crito ja̧'a̧ pä'ü.

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 4:20

Isopäi'ünä̧ ujutu totinü̧mä̧ ja̧'wa̧ta̧nü̧ tä̧ju̧kui̧nü̧mä̧ tä̧ppü̧ti̧'a̧ pä'ümä̧ juiya'a.

Hechos 4:33

Apótore-mä̧, rü̧ȩnä̧ ujuru kkü̧nä̧ ji'äwinä̧tü̧ Jesú wa'arettü ttoächinü̧ wȩnȩmä̧. Ja̧'wa̧nü̧ jo̧mȩnä̧ o'katoi'ünä̧ tteseäkuäu kki̧na̧'a̧.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

Apocalipsis 1:2

Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,