San Juan 15:24 - Nuevo Testamento Uwotjüja

²⁴ Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

TÄ̧DO Ä̧CUÄ̧ I̧HUȨNȨ

²⁴ Jahuätö ttö̧'quȩtȩnä̧ korotö jȩtto̧cö̧ ji̧nö̧ juäi jȩchi̧nö̧ juiyöttömä, jerupö jȩttö̧'a̧nö̧ ja̧'a̧. Ja̧'hua̧nö̧ ja̧'a̧nä̧ ja̧u̧ totta'anä'inä, ttörö'inä, Chä'orö'inä kö'cocotödo.

San Juan 15:24 ပူးပေါင်းရင်းမြစ်များ

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 21:32

Isopäi'ünä̧ Ju̧a̧-mä̧ adiu kkä̧kuä̧wä̧ mä̧nä̧ ji'äu ichinü̧, ja̧'wa̧nü̧ ja̧'a̧nä̧ ukutumä̧ esetokotü pinä̧tü̧jä̧; pärokuotü, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ächinä̧tü̧tä̧ ttesetinä̧ku̧. Ja̧'wa̧nü̧ ja̧'a̧nä̧, ukutumä̧ jua̧u̧ to'kuätukua'anä̧'i̧nä̧ esetokotü pinä̧tü̧jä̧.

San Mateo 9:33

Jesú epíritu su̧ro̧pa̧rü̧ rä'epü ikuomȩnä̧; i̧wȩnȩ jui'äjimä̧ jua̧u̧nu̧tä̧ kkä̧mä̧dü̧ ukuokuinü̧. Ukuokuiyä̧u̧ ttü̧ja̧mä̧ rü̧ȩnä̧ amükuädünü̧ pä'inä̧tü̧: —¡Iraettümä̧ pa̧'a̧nü̧ jü̧mä̧ yorisotä topokotü pä'ijätüjä̧!

San Marcos 2:12

Ja̧'wa̧nü̧ päku, na̧'ä̧chä̧ji̧mä̧, yotäku ä̧rä̧mi̧'ü̧ ttü̧ja̧ o'katoi'ünä̧ ttä'ka jo̧mȩttü̧ ü̧'ä̧bä ȩmi̧pü̧, juorümä̧ rä'opächü, 'chi̧nü̧. Ja̧'wa̧nü̧ ji̧yä̧u̧, o'katoi'ünä̧, Dio-rü eseäkuäu, pä'inä̧tü̧: —Yoriso, pa̧'a̧nü̧ jü̧mä̧ topokotü pä'ijä̧tü̧jä̧, jü̧nä̧.

San Lucas 24:19

Pättäku päinä̧u̧: ¿Däjé 'kuäopäja'akuä̧ttü̧? Jesú, Nazare i̧sa̧ ütü'kü. Jua̧u̧mä̧ profeta winü̧, jȩü̧'i̧nä̧, Dio i̧wȩnȩ ukuoku'i̧nä̧, ttü̧ja̧ ttä'kattü'i̧nä̧ jü̧nä̧tä̧;

San Juan 10:32

Jȩtti̧pi̧yä̧ku̧ Jesú-mä̧ päinä̧u̧: —Chä'o ujurunä̧mä̧ rü̧ȩnä̧ adiwä juei jȩpä̧'i̧jü̧sä̧; ¿Jua̧u̧ jä̧'i̧jü̧ttü̧mä̧, ti̧yȩ suronä̧ jȩchä̧'i̧ja̧'a̧, ttürü ikuäu kuä'ü kuikuätukua päkuätukua'ajä̧ttü̧?

San Juan 10:37

Chä'o aditäwä chaditü juiyüttümä̧, kuesetätukuättü.

San Juan 12:10

Ja̧'wa̧nü̧ ji̧yä̧u̧mä̧, sacerdote tturuwotümä̧ Rázaru-rü kuä'ü ttikua pä'ü'i̧nä̧ amükuädinä̧tü̧.

San Juan 12:45

Ja̧'wa̧ta̧nü̧ ttürü topümä̧, ttürü we'inü̧rü̧'i̧nä̧ topü.

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

San Juan 15:22

Ttü ji'äu chichü juiyinü̧ttü̧mä̧, surojü jȩttü̧mä̧ wȩjo̧ko̧u̧ pa̧ja̧tü̧. Ja̧'wa̧nü̧ ja̧'a̧nä̧, jitä suronä̧ jȩttä̧'i̧jü̧ jȩpo̧ko̧tü̧jä̧ pätta pä'ümä̧ jui'ätü.

San Juan 15:23

Ttürü kkü'kokümä̧, Chä'orü'i̧nä̧ kkü'kokü.

San Juan 16:9

Surojü jȩttü̧ttü̧'i̧nä̧, päda'amä̧, ttürü ttesetoka'attü̧ pä'üsä;

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Juan 5:36

Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧.

San Juan 6:36

Ja̧'wa̧nü̧ ja̧'a̧nä̧, täkü ukuturumä̧ pä'äjisä, ttürümä̧ to'kuätukua'anä̧ kuesetätukuokokusä, jü̧nä̧.

San Juan 7:31

Ja̧'wa̧nü̧ ja̧'a̧mä̧, rekuätü Jua̧u̧ru̧ esetätümä̧ pä'inä̧tü̧: —Chutä Crito ichomȩnä̧mä̧ ¿Pide jȩü̧ abonä̧nü̧dí̧ jȩä̧kua̧, jȩtto̧kü̧ jueimä̧?

San Juan 9:32

Yoriso ya'utenä̧'i̧nä̧ ä̧ju̧kuä̧kuä̧wo̧ka̧'a̧ jä̧'i̧ja̧'a̧; ya̧tȩ uwäpächinü̧tä̧ päi'ünä̧ ä̧to̧ka̧rü̧ aditü ikuäjido pätta'amä̧.

San Juan 9:41

Jesú ädätinü̧ juätürü: —Ukutu: isopäi'ünä̧ totü juiyünä̧ wotüjä̧ tä̧jí̧ päkuätukuttümä̧ surojü jui'ajatüjä̧ ja̧'wa̧nü̧ ja̧'a̧nä̧, topätüjä̧ päkuätukua'attü̧, surojü jȩ'kuä̧tu̧ku̧mä̧ ukutunä̧ kka̧kua̧'a̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

Romanos 1:30

Suronä̧tä̧ wiräwätü, Dio'i̧nä̧ aboiyotütä wotü, ukuotokotü, pä̧i̧kuä̧tü̧, ukuo te'äkuäwätü, kkorotürü ttüjü'koka'a topätü, surojütä amükuädätü, ttä'otü̧rü̧'i̧nä̧ ukuotokotü,

2 Timoteo 3:4

Ttawaruwärü iyä'chü ttikuäkuotü ja̧'wa̧ta̧nü̧ tta̧mü̧kuädoka'a jȩpü̧, surojümä̧ jo̧mȩnü̧tä̧ ttäkuotü ja̧'wa̧nü̧ jo̧mȩttü̧ Dio-rü ttüsajueimä̧ jitürütä pä̧wä̧rü̧jü̧tä̧ ttusäkuotü.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.