San Juan 15:15 - Nuevo Testamento Uwotjüja

¹⁵ Täkü, chumüwäyotü pä'ümä̧ pä̧do̧ko̧u̧jä̧, ttu̧mü̧wä̧ya̧mä̧ u̧ru̧wa̧ jȩü̧ jȩru̧pa̧ ja̧'a̧ttü̧; jitämä̧ chawaruwäjä̧, jua'amä̧ Chä'ottü chä̧ju̧kui̧nü̧mä̧, o'kajuiyünä̧tä̧ chu̧wo̧juȩti̧nä̧u̧ kuätukua'attü.

TÄ̧DO Ä̧CUÄ̧ I̧HUȨNȨ

¹⁵ “Ucutumä adicuä ttö̧ja̧jä̧” pä'ocösä. Ya̧tȩ adicuä i̧sa̧mä̧, u̧ru̧hua̧ jȩö̧mä̧ yoröiso jȩru̧pa̧. Chä'o o'ca juiyönä ttörö jiähuinömä ucuturu jidähuina'attö, “Ucutumä chahuaruhuäjä” pä'ösä.

San Juan 15:15 ပူးပေါင်းရင်းမြစ်များ

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Lucas 10:23

Pä'ü kä'ädü, suro u̧wo̧juȩtä̧u̧rütä kkärächi'ü pä'inü̧: Eseäkuäwä rü̧ȩnä̧ kka̧'a̧, ukutu jitä to'kuätuku topätürümä̧.

San Juan 12:26

Ya̧tȩ ttü wedü jȩpü̧mä̧, cho'ka'anä̧ ichi; jua̧u̧mä̧ ttü chi̧'cho̧mȩmä̧ i̧'chä̧kua̧. Ttü wedü jȩpü̧rü̧mä̧, Chä'o'i̧nä̧ esewä̧kua̧.

San Juan 13:16

Isopäi'ünä̧tä̧ pädäu̧jä̧: Ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'wa̧ta̧nü̧ wȩ'ä̧wa̧mä̧, we'äji u̧wä̧mȩnä̧mä̧ wokü.

San Juan 15:20

Pi̧yȩ pädinü̧ amükuädätukui: Ya̧tȩ ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'a̧. Ttürü suronä̧ pä'ü ttusinü̧ta'anü̧, ukuturu'i̧nä̧, suronä̧ pä'ü ttusäkuotü; ttü chi̧wȩnȩ ma̧i̧pü̧ juiyünä̧ ukuoku jȩttä̧'i̧jü̧mä̧, ukuturu'i̧nä̧ ja̧'wa̧ta̧nü̧ jȩttä̧kuo̧tü̧.

San Juan 16:12

Jidäwa pädümä̧, yabonü̧ chu̧ju̧nä̧ra̧'a̧nä̧, jitätämä̧ kua̧mi̧ 'ki'ächi'okotüjä̧.

San Juan 17:26

Ukú kui̧mi̧ ttu̧wo̧juö̧nä̧ chiyinä̧u̧, jua'a yabonü̧'i̧nä̧ chi̧yä̧kuä̧u̧, ttürü kuiyinü̧ eseu repeäkuäwä juätünä̧ kkä̧kua̧'a̧nü̧, ttü'i̧nä̧ juätünä̧ chu̧ju̧nä̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Juan 4:19

Pä'a ä̧ju̧ku̧, pä'inä̧ju̧: —Chu̧ru̧wa̧, tochomȩnä̧, ukumä̧ profeta-jä̧ 'kua̧ra̧'a̧.

San Juan 8:26

Rü̧ȩnä̧ ja̧'a̧ ukuturu chukuokua pädümä̧ ja̧'wa̧ta̧nü̧ adiu jȩ'kuä̧tu̧ku̧ ja̧ pä'ü'i̧nä̧, surojü jȩ'kuä̧tu̧ku̧ ja̧ pä'ü'i̧nä̧, jü̧nä̧; ja̧'wa̧nü̧ ja̧'a̧nä̧ ttürü we'inü̧mä̧ jueü wȩnȩtä̧ wa̧ ja̧'a̧; ja̧'wa̧nü̧ ja̧'a̧ttü̧, jua̧u̧ttü̧ chä̧ju̧kui̧nü̧tä̧ pi̧jä̧ ttü̧ja̧rü̧mä̧ ukuokusä.

Hechos 20:27

Isopäi'ünä̧ Dio amükuädinü̧mä̧, yedekuoka'a o'kajuiyünä̧ ji'äwinü̧sä̧.

Romanos 7:15

Ja̧'wa̧nü̧ jo̧mȩttü̧ jȩchü̧mä̧ chu̧wo̧jui̧pü̧ juiyünä̧ wa̧sä̧; jȩcha̧ pädümä̧ jȩpo̧kü̧sä̧, chüjü'kokütä jȩchü̧nä̧ wa̧sä̧.

1 Corintios 2:16

Isopäi'ünä̧ wȩyu̧kuä̧ wȩnȩmä̧ pä'a: «¿Ditä ja̧'a̧jä̧ttü̧ Tu̧ru̧wa̧ Crito amükuädü wo̧jui̧nü̧mä̧? ¿Ditä ja̧'a̧jä̧ttü̧, Jua̧u̧ru̧ wo̧juȩti̧nü̧mä̧?» Ja̧'wa̧nü̧ ja̧'a̧nä̧, ujutumä̧ Crito amükuädü juei kku̧nä̧rä̧tü̧jä̧.

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Efesios 3:5

jua̧u̧mä̧ tü̧tä̧mü̧ mi̧nä̧ ttü̧ja̧kui̧nü̧mä̧ ttu̧wo̧jui̧pa̧ pä'ümä̧ iyäwi'okü ji̧nü̧; ja̧'wa̧nü̧ ji̧na̧'a̧nä̧ jitämä̧, Epíritu-nä̧ apótore-rü'i̧nä̧, profeta-rü'i̧nä̧ Dio-mä̧ i̧jȩpi̧nü̧.

Colosenses 1:26

Jua̧u̧ jitäumä̧ rekuo mo̧ro̧ jo̧mȩnä̧ wo̧jui̧'ä̧kuä̧wo̧kü̧ ji̧nü̧, Dio-mä̧ yä̧u̧nä̧ u̧ju̧nä̧ra̧'a̧ttü̧. Ja̧'wa̧nü̧ ja̧'a̧nä̧ Dio-mä̧ i̧tti̧mü̧ ȩmi̧nä̧u̧ru̧ i̧jȩpi̧nü̧.

Filemón 1:16

Jitämä̧ esclavo jü̧nä̧mä̧ ku̧mü̧wä̧ya̧mä̧ pokü jä̧kua̧'a̧, pärokua'attü kua̧wa̧ru̧wa̧ kui̧jä̧wa̧ jü̧nä̧tä̧ jä̧kua̧, ja̧'wa̧nü̧ ja̧'a̧ ji̧nä̧so adiwa'amä̧. Jua̧u̧ru̧mä̧, ttümä̧ juiyo repe'üsä, uku'i̧nä̧ repe'irü. Suro ujutu jäwänä̧tä̧mä̧kü̧, Tu̧ru̧wa̧ Jesucrito jäwänä̧.

Santiago 1:1

Dio'i̧nä̧ tu̧ru̧wa̧ Jesucrito'i̧nä̧ ttu̧mü̧wä̧ya̧, Sa̧ti̧a̧ku̧mä̧, Irae ttü̧ja̧ ttü̧jä̧pü̧ttü̧ ta̧ju̧nü̧ wotü tti̧tti̧mü̧ ruwäkuiyä pa̧ja̧ku̧nä̧ pperekuächinä̧tü̧rü̧ te'äusä.

Santiago 2:23

Pa̧'a̧nü̧tä̧ 'kuäopina̧'a̧ wȩyu̧kuä̧ wȩnȩ pä'ijomȩmä̧, ja̧u̧mä̧ pä'a: Abraha̧-mä̧ Dio-rü esetinü̧ ja̧'wa̧nü̧ ja̧'a̧ttü̧, Dio-mä̧ surojü jȩpo̧kü̧ 'kua̧rü̧nä̧tä̧ esekuinä̧ku̧ ja̧'wa̧nü̧ jo̧mȩttü̧ Dio a̧wa̧ru̧wa̧ pä'ü ottinä̧ku̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Judas 1:1

Ttü Juda, Jesucrito u̧mü̧wä̧ya̧ jü̧nä̧ wa̧ ja̧'wa̧ta̧nü̧ Sa̧ti̧a̧ku̧'i̧nä̧ ü̧jä̧wa̧, chi̧wȩnȩ we'üsä: ukutu Jä'o Dio repe'ü ȩmi̧nä̧u̧ru̧ ja̧'wa̧ta̧nü̧ Jesucrito-nä̧ tta̧wä̧rä̧u̧ru̧.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,