San Juan 14:27 - Nuevo Testamento Uwotjüja

²⁷ Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

TÄ̧DO Ä̧CUÄ̧ I̧HUȨNȨ

²⁷ “Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

San Juan 14:27 ပူးပေါင်းရင်းမြစ်များ

San Mateo 10:26

Ja̧'wa̧nü̧ ja̧'a̧ttü̧ ttü̧ja̧rü̧mä̧ yekuekuätukuä. Isopäi'ünä̧ yä̧wä̧i̧nä̧tä̧ da̧jä̧rä̧kuä̧wä̧mä̧ juiya'a ja̧'wa̧ta̧nü̧ yoriso ttu̧wo̧jui̧pü̧ juiyünä̧ i̧jȩkuä̧cho̧kü̧mä̧ juiya'a.

San Lucas 1:79

Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.

San Lucas 10:5

Yodete dokuächi'ätukuodemä̧, ä̧kuo̧mȩnä̧mä̧, päkuätukuajä̧: «podenä̧ wȩnȩ juiyü jäwä kka̧ pä'ätüjä̧.»

San Lucas 12:4

Ja̧'wa̧nü̧ ja̧'a̧ttü̧ ukuturu pä'üsä chawaruwä: Kuidepätukutä toe'ächünä̧ kuä'ü ikuätürümä̧ yekuekuätukuä, juätümä̧ jua'a yabonü̧mä̧ jȩttü̧ juiyünä̧ wotü.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Juan 14:1

Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 20:19

Semana-ttü̧ ä̧kuo̧mȩnä̧ mo̧ro̧, ni̧pä̧cho̧mȩnä̧ u̧wo̧juȩtä̧u̧mä̧, judío-rü ye'eku äpate ppe'tädü ikuäwa'a ka̧ka̧kuä̧jä̧'kotü ttü̧'ȩja̧'a̧, Jesú-mä̧ do'ächi'ü, u̧wo̧juȩtä̧u̧ ttü̧'ȩjo̧mȩ kkä'ko kkä̧mä̧dü̧ te'äu päinä̧u̧: —¡Wȩnȩ juiyü jäwä ukunä̧ kka̧ pä'üsä!

San Juan 20:21

Ja̧'wa̧nü̧ ja̧'a̧, pä'äjita'anü̧ Jesú-mä̧ päinä̧u̧: —¡Wȩnȩ juiyü jäwä ukutunä̧ kka̧ pä'üsä! Chä'o ttürü weinüta'anü̧, ukuturu'i̧nä̧ ja̧'wa̧ta̧nü̧ we'üsä.

San Juan 20:26

Kko̧ro̧mü̧ttü̧nü̧ wäbodäkuä mo̧ro̧ o'ka'a, u̧wo̧juȩtä̧u̧mä̧ ka̧ka̧kuä̧jä̧'kotü isode jakuä ttü̧'ȩja̧'a̧ Tomá'i̧nä̧ pi̧nü̧; äpatemä̧ 'kiyünä̧ mü̧ȩkua̧'a̧ ja̧'a̧nä̧, Jesú-mä̧ do'ächi'ü, kkä'ko kkä̧mä̧dü̧, te'äu päinä̧u̧: —¡Wȩnȩ juiyü jäwä ukutunä̧ kka̧ pä'üsä!

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

Hechos 18:9

Ji̧yȩtȩ yodó, Tu̧ru̧wa̧mä̧ Pauru-rü i̧jȩkuä̧cha̧'a̧ toünä̧, pä'inü̧: Yekuekuä, yabokutä ji'äwi, ku'koruchi'oka'a.

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

Romanos 5:1

Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.

Romanos 5:10

Isopäi'ünä̧ Dio-mä̧ aboiyotü ta'anä̧, i̧tti̧ wa'ü iku toe'ächinü̧ ji̧yȩnä̧tä̧ esekuinä̧u̧jä̧, juȩnȩ abonä̧nü̧ ja̧'a̧ esekuinü̧ o'ka'amä̧, jua̧u̧ a̧'kua̧ra̧'a̧ttü̧ surojüttümä̧ tü̧ji̧pä̧kuo̧tü̧jä̧.

Romanos 8:6

Isopäi'ünä̧ ttidepä wea'anä̧ ttü̧jo̧mȩnä̧mä̧ wa'aretä ja̧'a̧ ja̧'wa̧nü̧ ja̧'a̧nä̧ Epíritu jäwänä̧ ttü̧ja̧kuo̧mȩnä̧mä̧ wȩnȩ juiyünä̧, a̧'kua̧rü̧ kkä̧kuä̧wä̧ ja̧'a̧.

1 Corintios 1:3

Tü̧tä̧mü̧ mi̧nä̧ Ttä'o Dio ja̧'wa̧ta̧nü̧ Tu̧ru̧wa̧ Jesucrito jä'o Dio rettü ppädütä ja̧'wa̧ta̧nü̧ yo̧mȩtȩnä̧ eseäkuäwätä kkä̧tu̧kua̧ku̧ pä'ätüjä̧.

Gálatas 1:3

Ukuturu eseusä ja̧'wa̧ta̧nü̧ wȩnȩ juiyünä̧ kkä̧kuä̧wä̧ tä'o Dio-tä, Tu̧ru̧wa̧ Jesucrito Jä'o Dio-tä iyätukuaku.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Gálatas 6:16

Ja̧'wa̧nü̧ ja̧'a̧ttü̧, o'katoi'ünä̧ pi̧yȩ päü'anü̧ kka̧kuä̧tü̧mä̧, rȩrü̧jü̧ toinü̧nä̧, wȩnȩ juiyü eseäkuäwä̧nä̧ kka̧kuä̧tü̧, ja̧'wa̧ta̧nü̧ o'katoi'ünä̧ Dio i̧tti̧mü̧ irae ttü̧ja̧'i̧nä̧.

Filipenses 4:7

Ja̧'wa̧nü̧ jȩ'kuä̧tu̧kuo̧mȩnä̧, Dio-mä̧ wȩnȩ juiyünä̧ kkä̧kuä̧wä̧ i̧yä̧kuä̧, jua̧u̧mä̧ pi̧jä̧ ttü̧ja̧ jäwättü'i̧nä̧ abonä̧nü̧ jü̧ jäwä; tta̧wä̧rä̧kuȩ kua̧mi̧ iso'kituku'i̧nä̧, kuamükuädätuku'i̧nä̧, Crito Jesú-nä̧tä̧.

Colosenses 1:2

Crito-nä̧ te'äusä surojü jui'ätü, Colosa ütawiyättü esetätürü: tä'o Dio'i̧nä̧, tu̧ru̧wa̧ Jesucrito'i̧nä̧ umüwäyotü kuätukua'attü wȩnȩ juiyünä̧, eseäkuäwä kkü̧nä̧ ku̧jä̧tu̧kua̧ pä'ü.

Colosenses 1:20

ja̧'wa̧ta̧nü̧ Crito-nä̧tä̧, o'kajuiyünä̧ esekua pä'inü̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧ jü̧nä̧, wȩnȩ juiyünä̧ eseku ikunä̧, ü̧jo̧kä̧nü̧ jäinä̧ 'korujuoächinoya ukuojanä̧.

Colosenses 3:15

Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.

2 Tesalonicenses 1:2

Tä'o Dio-rü'i̧nä̧ Tu̧ru̧wa̧ Jesucrito-rü'i̧nä̧ jä'epätüjä̧ mippoünä̧ iyäwä ja̧'wa̧ta̧nü̧ unichä̧rü̧ kkä̧kuä̧wä̧ ttiyätukuaku pä'ü.

2 Tesalonicenses 3:16

Ja̧'wa̧ta̧nü̧ chutä Tu̧ru̧wa̧tä̧ wȩnȩ juiyünä̧ kkä̧kuä̧wä̧ i̧sa̧ ja̧'a̧ttü̧, kkoromȩttü̧'i̧nä̧ 'kuäopünä̧tä̧ unichä̧rü̧ ku̧jä̧tu̧ku̧nä̧ ppä̧dä̧kuä̧u̧jä̧. Tu̧ru̧wa̧mä̧ 'kuäopünä̧tä̧ ü̧jä̧kua̧, ukutu o'katoi'ünä̧ku̧.

2 Timoteo 1:7

Ja̧'wa̧ta̧nü̧ Dio-mä̧ epíritu yȩ'ȩkua̧rü̧mä̧ i̧yo̧ko̧u̧ pinä̧tü̧jä̧, ja̧'wa̧nü̧ ja̧jü̧ jueimä̧ ju̧ru̧wa̧rü̧tä̧, eseäkuäwä kku̧nä̧rü̧rü̧tä̧ ja̧'wa̧ta̧nü̧ a̧mü̧nä̧ pa̧ja̧tü̧ we'äurutä iyinä̧u̧jä̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Hebreos 7:2

ja̧'wa̧nü̧ ja̧'a̧ Abraha̧-mä̧, Mequisede-rü iyinü̧ iäre diezmo o'kajuiyünä̧, kurä rowäu ȩmä̧ji̧ttü̧. Jua̧u̧ i̧mi̧ Mequisede pä'ümä̧ «ru̧wa̧ adiwä i̧sa̧» pä'ü päwä ja̧'a̧ ja̧'wa̧nü̧ ja̧'a̧nä̧ Salem ütawiyä ru̧wa̧ pä'ümä̧, «ru̧wa̧ wȩnȩ juiyünä̧ wa̧» pä'ü päwä ja̧'a̧.

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»