San Juan 14:26 - Nuevo Testamento Uwotjüja

²⁶ Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧nä̧ Espíritu Santomä, Ppädäcuähuä I̧sa̧mä̧, Chä'o ttö chi̧mi̧nä̧ huȩä̧cua̧mä̧ o'ca juiyönä u̧huo̧juȩtä̧cua̧ ucuturu. Ja̧'hua̧ta̧nö̧ o'ca juiyönä ucuturu jidähuinömä cuamöcuädätucua pä'ö ji̧ä̧huä̧cua̧ ucuturu.

San Juan 14:26 ပူးပေါင်းရင်းမြစ်များ

San Mateo 1:18

Jesucrito uwäpächäkuȩmä̧ pa̧'a̧nü̧ ji̧na̧'a̧: Ja̧ju̧ María-mä̧, José ü̧ja̧ pä'ü jä'epü u̧ju̧nä̧kua̧ kkü̧ja̧'a̧; ji̧nä̧ ppättächi'äkua'a ä'kanä̧, Epíritu Sa̧tu̧ a̧'kua̧ iweyenä̧ muchaju juojäja'atä ji̧na̧'a̧.

San Mateo 1:20

Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Marcos 12:36

Ja̧'wa̧nü̧ ja̧'a̧nä̧, Chutä Dawi'i̧nä̧ Epíritu Sa̧tu̧ juȩpä̧ra̧'a̧nä̧, pä'inü̧: «Chu̧ru̧wa̧ Dio-mä̧, Chu̧ru̧wa̧ Jesucrito-rü pä'inü̧: Chu̧wo̧jua̧'a̧ku̧nä̧ pä̧mä̧di̧, Kuaboiyotürü ku̧jä̧pü̧ dȩa̧'a̧ chutomebü päi'ünä̧.»

San Marcos 13:11

Ja̧'wa̧ta̧nü̧, ruwotü ttä'ka jo̧mȩ ttȩpo̧mȩnä̧, däjé jitäwäkua'ajó pä'ümä̧, kua̧'kua̧ tta̧kuȩkuä̧tu̧kuä̧. Jua̧u̧nu̧mä̧ iyäwi'ütä kukuokuäkuotüjä̧, ukuturu pä̧wä̧rü̧jü̧mä̧kü̧, Epíritu Sa̧tu̧tä̧ i̧yä̧kua̧ kukuokuätukua pä'ümä̧.

San Lucas 1:15

Ja̧'wa̧ta̧nü̧ jua̧u̧mä̧ Dio ä'ka jo̧mȩttü̧ ukuo i̧sa̧ jä̧kua̧. Vino isoya'i̧nä̧ ja̧'wa̧ta̧nü̧ niyaiya'i̧nä̧ awokü jä̧kua̧, uwäpächäkua'a Ä'kanä̧tä̧ päi'ünä̧ Epíritu Sa̧tu̧mä̧ jo̧mȩnü̧ ü̧jä̧kua̧.

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Lucas 1:41

Ja̧'wa̧nü̧ ja̧'a̧ Isabe-mä̧ María tejäwa'a kkä̧ju̧kuo̧mȩnä̧, kku̧kuä̧ba̧ jakuättü ji̧'chi̧cha̧wa̧mä̧ borepi'inü̧. Elísabe-mä̧ Epíritu Sa̧tu̧ jo̧mȩnü̧ winä̧ju̧.

San Lucas 1:67

Ji̧'ki̧cha̧wa̧ jä'o Zacaría-mä̧, Epíritu Sa̧tu̧ jäwä jo̧mȩnü̧ kkä̧ku̧, ukuoku pä'inü̧:

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

San Lucas 2:25

Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

San Lucas 3:22

Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»

San Juan 12:16

Ja̧'wa̧nü̧ ja̧'a̧ u̧wo̧juȩtä̧u̧mä̧, ä̧kuo̧mȩnä̧mä̧, pi̧yȩ wȩnȩmä̧ wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧nä̧, 'korujuo'ächäji̧'ka̧ ttoächomȩnä̧tä̧ o'kajuiyünä̧ jua̧u̧ru̧ jȩtti̧nü̧'i̧nä̧ ja̧'wa̧ta̧nü̧ chutä jȩi̧nü̧'i̧nä̧ wȩyu̧kua̧'a̧ pȩjü̧mä̧ wo̧jui̧'i̧nä̧tü̧.

San Juan 14:16

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧;

San Juan 14:25

Pi̧yȩ ji̧dä̧wä̧u̧jä̧, ji̧nä̧ ukututäku chu̧jä̧i̧tä̧.

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 16:7

Ja̧'wa̧nü̧ ja̧'a̧nä̧, isopäi'ünä̧ pädäu̧jä̧: Ttü chi̧'cha̧ pä'ümä̧ rekuä rü̧ja̧'a̧; chi̧'chü̧juiyüttümä̧ ppädäkuäwä i̧sa̧mä̧ ichü juiyü'anü̧ ja̧'a̧; chi̧'cha̧'a̧ttü̧ ukuturu wȩdä̧kua̧.

San Juan 2:22

Ja̧'wa̧nü̧ ja̧'a̧ttü̧, Jesú wa'arettü ttoächomȩnä̧mä̧, u̧wo̧juȩtä̧u̧mä̧ ukuokuinü̧ ji̧nü̧ amükuädi'inä̧tü̧; ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧'i̧nä̧, Jesú ukuoku'i̧nä̧ esetinä̧tü̧.

San Juan 20:22

Ja̧'wa̧ta̧nü̧, a̧mi̧yuppa ppü'ü juätürü pä'inü̧: —Epíritu Sa̧tu̧rü̧ ȩmä̧tu̧kui̧, ja̧já̧.

San Juan 6:45

Ja̧'wa̧nü̧ ja̧'a̧ttü̧ Profeta-tü̧ tti̧wȩyu̧ti̧nü̧nä̧mä̧ pä'ija'a: Dio-mä̧ o'katoi'ünä̧rü̧ u̧wo̧juȩtä̧kua̧. Ja̧'wa̧nü̧ ja̧'a̧ttü̧ o'katoi'ünä̧ Chä'ottü wo̧jui̧pä̧tü̧mä̧, ttüku ichätü.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

Hechos 1:2

Epíritu Sa̧tu̧ a̧'kua̧iweyenä̧, umüwäyotü apótore-rü jȩttä̧kuȩ wȩnȩ we'äji̧'ka̧ mo̧ro̧jä̧ra̧'a̧ käekuächino̧mȩbü päi'ünä̧.

Hechos 1:4

Ja̧'wa̧ta̧nü̧ umüwäyotü apótore-ku pä̧mä̧dä̧ji̧'ka̧ päinä̧u̧: Jerusarȩ́-ttü̧mä̧ dükuekuächätukuä, Chä'o iya päinü̧ iyätukuaku, —Ttü jidäwa'a kuä̧ju̧kui̧nä̧tu̧ku̧ta̧'a̧nü̧ 'kuäopäkua'a;

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 11:16

Ja̧'wa̧nü̧ ji̧yä̧ku̧ amükuädi'inü̧sä̧, Tu̧ru̧wa̧ päinü̧: Isopäi'ünä̧ Ju̧a̧-mä̧ ajiyanä̧ bautizo jȩpä̧'i̧jü̧ ja̧'wa̧nü̧ ja̧'a̧nä̧ ukutumä̧ Epíritu Sa̧tu̧nä̧ bautizo jȩä̧kuä̧u̧jä̧ pä'inü̧, ji̧nü̧.

Hechos 13:2

Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

Hechos 13:4

Ja̧'wa̧nü̧ ja̧'a̧ Epíritu Sa̧tu̧ wȩä̧jä̧u̧mä̧, Sereucia ütawiyäku 'chä̧wi̧'ü̧mä̧ Chipre-ra̧'a̧ku̧ kkäwinä̧tü̧.

Hechos 15:28

Isopäi'ünä̧ Epíritu Sa̧tu̧rü̧'i̧nä̧, ujuturu'i̧nä̧, adiwäja'a, kkoromä̧ wetoka'a, pi̧yȩ, rekuä rü̧jü̧tä̧ jȩ'kuä̧tu̧ku̧nä̧ weta pä'ü:

Hechos 15:8

Ja̧'wa̧nü̧ ja̧'a̧, Dio-mä̧ tta̧mi̧ iso'ki wo̧jua̧ ja̧'a̧ttü̧ juätürü'i̧nä̧ Epíritu Sa̧tu̧rü̧ iyinä̧u̧ totünä̧, ujuturu jü̧ta̧'a̧nü̧;

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Hechos 20:35

O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

Hechos 28:25

Ja̧'wa̧nü̧ yoräteunä̧ ttesetoka'a rättekuächiyäku, rättekuächäkua'a ä'kanä̧ Pauru-mä̧ päinä̧u̧: —Pa̧'a̧nü̧ ji̧yä̧ku̧ Epíritu Sa̧tu̧mä̧, tä̧do̧tü̧ mi̧nä̧rü̧mä̧ profeta Isaía-nä̧ ukuokuinü̧:

Hechos 5:3

Ja̧'wa̧nü̧ jȩttä̧ji̧yä̧ku̧ Peduru-mä̧ päinä̧ku̧: —Ananía, ¿tta̧'a̧nü̧ pä'ü Satanás-mä̧ (äwettämä̧) wea'anä̧ kuiyäwäja'ajä̧ttü̧, kui̧rȩjä̧ mikuä ttimitäji ju'to ukutä ȩmi̧pü̧, Epíritu Sa̧tu̧rü̧ kuyaparewa pä'ümä̧?

Hechos 7:51

Ja̧'wa̧nü̧ ja̧'a̧nä̧ —Esteba̧-mä̧ juayabonü̧ pä'inü̧ —ukutumä̧ ä̧tȩkuä̧nä̧tä̧ esetokotüjä̧ ja̧'wa̧ta̧nü̧ surojütä amükuädätüjä̧. Ja̧'wa̧nü̧ ja̧'a̧ttü̧ Epíritu Sa̧tu̧rü̧ esetokotüjä̧ ku̧tä̧mü̧tu̧ku̧ mi̧nä̧ ji̧nü̧ta'anü̧.

Hechos 7:55

Ja̧'wa̧nü̧ ja̧'a̧nä̧, chutämä̧ Epíritu Sa̧tu̧ jäwä jo̧mȩnü̧ wa̧ ja̧'a̧, mo̧ro̧jä̧ra̧'a̧ku̧ toomȩnä̧ Dio ukuo jäwä topinü̧, Jesú-mä̧ Dio u̧wo̧jua̧'a̧ku̧nä̧ ü̧'ja̧'a̧.

Romanos 14:17

Isopäi'ünä̧ Ru̧wa̧ Dio uruwo weümä̧ kuäkuäwämä̧kü̧ ja̧'a̧ ja̧'wa̧ta̧nü̧ awäwämä̧kü̧ ja̧'a̧ ja̧'wa̧nü̧ ja̧jü̧jueimä̧ adiu jȩä̧kuä̧wä̧tä̧, rowäkuäwä juiyünä̧ kkä̧kuä̧wä̧tä̧ ja̧'wa̧ta̧nü̧ Epíritu Sa̧tu̧nä̧ eseäkuäwätä ja̧'a̧.

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

Romanos 5:5

Jua̧u̧ tta̧'ä̧rü̧ kkä̧kuä̧wä̧mä̧ dä'ä ttuwepokü; isopäi'ünä̧ Dio eseu repeümä̧, Dio ta̧mi̧'iso'kinä̧ iyinü̧ ja̧'a̧ttü̧, Epíritu Sa̧tu̧nä̧, chutä iyinä̧ku̧nä̧.

1 Corintios 12:3

Ja̧'wa̧nü̧ ja̧'a̧ttü̧, ukuturu ku̧wo̧juä̧tu̧kua̧ pä'ü pä'üsä, ya̧tȩ'i̧nä̧ Dio i̧sa̧ Epíritu-nä̧mä̧, Jesú-ru su̧ro̧pa̧ päa pä'ümä̧ juiya'a; ja̧'wa̧ta̧nü̧ ya̧tȩ'i̧nä̧ toa'a, ¡Jesú-ru Chu̧ru̧wa̧! pä'ümä̧, Epíritu Sa̧tu̧ toünä̧mä̧.

1 Corintios 6:19

¿Ja̧'wa̧ta̧nü̧ jerupätüjä̧ tä̧jí̧, ukutu kuidepätuku jättäjimä̧ Epíritu Sa̧tu̧ ü̧jo̧de pä'ümä̧, ukutunä̧ kkü̧, Dio iyinä̧ku̧ pä'ümä̧ ja̧'wa̧nü̧ ja̧'a̧ttü̧ ujutu tidepämä̧kü̧ ja̧'a̧ pä'ümä̧?

2 Corintios 13:14

Tu̧ru̧wa̧ re ü̧ji̧nü̧mä̧, Dio eseu repeümä̧ ja̧'wa̧ta̧nü̧ Epíritu Sa̧tu̧mä̧ ukutunä̧ ü̧jü̧mä̧ o'katoi'ünä̧ kkä̧tu̧kua̧ku̧ pä'üsä.

2 Corintios 6:6

ja̧'wa̧ta̧nü̧ surojü juiyünä̧ tü̧jo̧mȩnä̧'i̧nä̧, tu̧wo̧juo̧mȩnä̧'i̧nä̧, ta̧mi̧'kitächi'omȩnä̧'i̧nä̧, re tü̧jo̧mȩnä̧'i̧nä̧, Epíritu Sa̧tu̧nä̧ tü̧jo̧mȩnä̧'i̧nä̧, jueünä̧ eseu repetomȩnä̧'i̧nä̧;

Efesios 1:13

Ja̧'wa̧ta̧nü̧ Jua̧u̧nä̧tä̧ ukutumä̧ jueü wȩnȩ'i̧nä̧, surojüttü kki̧'ä̧kuä̧wä̧'i̧nä̧, kuä̧ju̧kui̧nä̧tu̧kua̧'a̧ttü̧ ja̧'wa̧ta̧nü̧ jua̧u̧ru̧tä̧ kuesetinä̧tu̧kua̧'a̧ttü̧, Epíritu Sa̧tu̧nä̧ sello-nä̧ i̧nȩpü̧ ttüta'a jä̧'i̧nü̧'a̧nü̧ jȩi̧nä̧u̧jä̧, päinü̧'a̧kuä̧.

Efesios 1:17

Tu̧ru̧wa̧ Jesucrito jä'o Dio-rü, ja̧'wa̧ta̧nü̧ ukuou'i̧nä̧ jä'orü jä'epüsä, wo̧juä̧wä̧ iyü kkä̧nü̧ ja̧'wa̧ta̧nü̧ churutä ku̧wo̧juä̧chä̧tu̧ku̧nä̧ jiäwätukuaku pä'ü.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

2 Timoteo 1:14

Epíritu Sa̧tu̧ ujutunä̧ kkü̧ ppä̧dä̧ra̧'a̧nä̧ adiwomȩnä̧ wo̧juȩkuä̧ ukuru weäwi'inü̧mä̧ tta̧'a̧ri̧.

Tito 3:5

ja̧'wa̧ta̧nü̧ ujutumä̧ adiu jȩti̧yä̧ku̧mä̧ ppädoko̧u̧ pinä̧tü̧jä̧ ja̧'wa̧nü̧ ja̧jü̧jueimä̧ chutä rȩrü̧jü̧nü̧ toomȩttü̧tä̧ surojümä̧ tükü iku pä'äjita'anü̧ uwäbetü ja̧'wa̧ta̧nü̧ tujuru jü̧nä̧ iyinä̧u̧jä̧ Epíritu Sa̧tu̧nä̧.

Hebreos 10:15

Ja̧'wa̧ta̧nü̧ Epíritu Sa̧tu̧mä̧ pä'inü̧:

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

Hebreos 3:7

Ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧ Epíritu Sa̧tu̧ pä'inü̧: «Jitä pi̧yȩ mo̧ro̧ Dio ukuokua'a kuä̧ju̧kuä̧tu̧ku̧ttü̧mä̧,

Hebreos 9:8

Pi̧yȩ pä'amä̧ Epíritu Sa̧tu̧mä̧ tu̧wo̧jui̧pa̧ pä'ü pä'inü̧, ji̧nä̧ ä̧kuo̧mȩnä̧ I̧so̧ka̧ Ro̧ka̧ kka̧'a̧nä̧mä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧ dottächa pä'ümä̧ weyekua'a pä'ü.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

2 Pedro 1:21

Isopäi'ünä̧ profeta wotümä̧ yoriso ttü̧ja̧rü̧ pä̧wä̧rü̧ja̧'a̧ku̧mä̧ ukuokuokotü pinä̧tü̧, ja̧'wa̧nü̧ ja̧jü̧jueimä̧ Epíritu Sa̧tu̧ jiäwa'anä̧tä̧ Dio jäwämä̧ ukuokuinä̧tü̧.

1 Juan 2:20

Ja̧'wa̧nü̧ ja̧'a̧nä̧, ukuturumä̧, Dio I̧tti̧ Jesucrito-mä̧ Epíritu Sa̧tu̧nä̧ mȩ'ü̧ 'kȩpi̧nä̧u̧jä̧ jueü wȩnȩ o'kajuiyünä̧ ku̧wo̧juä̧tu̧kua̧ pä'ü.

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

1 Juan 5:7

[Mo̧ro̧jä̧nä̧ttü̧ ji'äwätümä, wä̧mȩtukuä ja̧'a̧: Jä'o Dio'i̧nä̧, I̧wȩnȩ'i̧nä̧, Epíritu Sa̧tu̧'i̧nä̧, jü̧nä̧.] Juätü wämetukuämä̧ ji̧nä̧ ya̧tȩ wotü ja̧'a̧.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

Apocalipsis 2:11

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Wȩnȩttü̧ abo 'kuä'o'ü iso juo'epürümä̧, yȩnȩta̧'a̧nü̧ wa'ü ikuäwämä̧ wa'ü ikuokü jä̧kua̧.