San Juan 14:17 - Nuevo Testamento Uwotjüja

¹⁷ isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁷ Ja̧u̧tä̧ Espíritu Santo iso päi'önä ji'äudo. Pi̧jä̧ ttö̧ja̧ ja̧u̧ru̧ ȩmo̧co̧tö̧. Jahuätö ja̧u̧ru̧ tottoca'attö, ttieruhuäcu. Ja̧'hua̧nö̧ ja̧'a̧nä̧ ucutucu ö̧ja̧'a̧ttö̧, täcö huo̧juä̧tö̧jä̧ ja̧u̧ru̧. Ucutucu 'cuäopönä ö̧jä̧cua̧.

San Juan 14:17 ပူးပေါင်းရင်းမြစ်များ

San Mateo 10:20

Isopäi'ünä̧, ukutumä̧ ukuokuokotü kuäkuotüjä̧, Dio i̧sa̧ Epíritu jä̧kua̧'a̧ ukutunä̧ ukuokuäkua̧mä̧.

San Juan 14:16

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧;

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 16:13

Ja̧'wa̧nü̧ ja̧'a̧nä̧, Epíritu Sa̧tu̧ ichomȩnä̧mä̧, o'kajuiyünä̧ jueünä̧ ku̧wo̧juä̧tu̧ku̧nä̧ juȩpä̧rä̧kuä̧u̧jä̧; ja̧'wa̧nü̧ ja̧'a̧ttü̧ pä̧wä̧rü̧jü̧mä̧ ukuokuokotü kuäkuotüjä̧, pä'a kuä̧ju̧kua̧'a̧ku̧tä̧ kukuokuäkuotüjä̧ ja̧'wa̧ta̧nü̧ 'kuäopä̧kuȩ wȩnȩ'i̧nä̧ ku̧wo̧juä̧tu̧ku̧nä̧ ji̧ä̧wä̧kuä̧u̧jä̧.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

1 Corintios 14:15

¿Jua̧u̧nu̧mä̧ tokutä jȩchä̧kua̧'a̧jä̧ttü̧? toku ttoka'anü̧, cha̧'kua̧rü̧ i̧sa̧nä̧ chukuokua'anä̧'i̧nä̧, chamükuädünä̧mä̧ chu̧wo̧jua̧ pä'ü ja̧'a̧; cha̧'kua̧rü̧ i̧sa̧nä̧ ra̧da̧'a̧nä̧'i̧nä̧, chamükuädünä̧mä̧ chu̧wo̧jua̧ pä'ü ja̧'a̧.

1 Corintios 2:14

Dio i̧sa̧ Epíritu-ru to'ätümä̧, Epíritu jäwämä̧ 'kittünä̧ wotü, juätürümä̧, jua̧u̧mä̧ suräjuä wȩnȩ jü̧nä̧tä̧ ja̧'a̧ttü̧. Ja̧'wa̧nü̧ ja̧'a̧ttü̧ yoriso ttu̧wo̧jui̧pü̧ juiyünä̧tä̧ jä̧u̧, jua'amä̧ Epíritu jäwänä̧tä̧ adiwomȩnä̧ päwä ja̧'a̧ttü̧.

1 Corintios 3:16

¿Ukutumä̧, Dio ojusode jü̧nä̧ kuätukua'amä̧ ja̧'wa̧ta̧nü̧ Dio i̧sa̧ Epíritu ukutunä̧ ü̧ja̧'a̧mä̧ kuieruwätukua'a tä̧jí̧?

1 Corintios 6:19

¿Ja̧'wa̧ta̧nü̧ jerupätüjä̧ tä̧jí̧, ukutu kuidepätuku jättäjimä̧ Epíritu Sa̧tu̧ ü̧jo̧de pä'ümä̧, ukutunä̧ kkü̧, Dio iyinä̧ku̧ pä'ümä̧ ja̧'wa̧nü̧ ja̧'a̧ttü̧ ujutu tidepämä̧kü̧ ja̧'a̧ pä'ümä̧?

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

2 Corintios 6:16

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Efesios 2:22

Jua̧u̧nä̧tä̧, ji̧nä̧ yo̧mȩtȩnä̧ aditäu̧jä̧, Epíritu Sa̧tu̧nä̧ Dio-mä̧ ü̧jä̧tu̧kua̧ku̧ pä'ü.

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

2 Timoteo 1:14

Epíritu Sa̧tu̧ ujutunä̧ kkü̧ ppä̧dä̧ra̧'a̧nä̧ adiwomȩnä̧ wo̧juȩkuä̧ ukuru weäwi'inü̧mä̧ tta̧'a̧ri̧.

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

1 Juan 3:24

Ja̧'wa̧nü̧ ja̧'a̧ttü̧, Chutä weinü̧ ukuotü jȩpü̧ kkü̧mä̧, Dio-ku kkü̧ ja̧'wa̧ta̧nü̧ Dio-mä̧ jua̧u̧nä̧tä̧ kkü̧. Jua'amä̧ wo̧juä̧tü̧jä̧, Epíritu Sa̧tu̧, Chutä iyinä̧ku̧ jiäwa'attü.

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 4:6

Ujutumä̧ Dio-ku kka̧kuä̧tü̧jä̧; ja̧'wa̧nü̧ ja̧'a̧ttü̧ Dio-rü wo̧jua̧mä̧, ujuturu ä̧ju̧ku̧. Ja̧'wa̧nü̧ ja̧'a̧nä̧, Dio-ku kko̧kü̧mä̧, ujuturu ä̧ju̧kuo̧kü̧. Ja̧'wa̧nü̧ jo̧mȩnä̧ wo̧juä̧tü̧jä̧ jueü wȩnȩ Epíritu-ru kku̧nä̧rü̧rü̧'i̧nä̧ ja̧'wa̧ta̧nü̧ yapare wȩnȩ Epíritu-ru kku̧nä̧rü̧rü̧'i̧nä̧, jü̧nä̧.

1 Juan 5:7

[Mo̧ro̧jä̧nä̧ttü̧ ji'äwätümä, wä̧mȩtukuä ja̧'a̧: Jä'o Dio'i̧nä̧, I̧wȩnȩ'i̧nä̧, Epíritu Sa̧tu̧'i̧nä̧, jü̧nä̧.] Juätü wämetukuämä̧ ji̧nä̧ ya̧tȩ wotü ja̧'a̧.

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.