San Juan 14:1 - Nuevo Testamento Uwotjüja

¹ Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

TÄ̧DO Ä̧CUÄ̧ I̧HUȨNȨ

¹ Jesús pä'inödo: —Cua̧'cua̧ tta̧cu̧huȩcuä̧tu̧cuä̧' cuami iso'quitucunä. Diosrö esetätucui. Ttörö'inä esetätucui.

San Juan 14:1 ပူးပေါင်းရင်းမြစ်များ

San Juan 11:33

Ja̧'wa̧nü̧ ja̧'a̧ Jesú-mä̧, María'i̧nä̧ ja̧'wa̧ta̧nü̧ judío juäjutäku ichäjätü'i̧nä̧ ttajuäwa'a toomȩnä̧, a̧'kua̧nä̧ rü̧ȩnä̧ a̧'u̧rü̧jä̧chi̧'ä̧ku̧,

San Juan 12:27

¡Jitämä̧ cha̧'kua̧ tta̧wȩpä̧ku̧sä̧! ¿däjetä päda'ajä̧ttü̧?: ¿Chä'o cha̧'kua̧ tta̧wȩpü̧mä̧ jȩpü̧ ikuittü pädäkua'a? ¡Ja̧'wa̧nü̧ ja̧'a̧nä̧, ä̧tȩkuä̧nä̧ pi̧yȩtä̧ ja̧'a̧tȩ'ü̧ ichinü̧sä̧!

San Juan 12:44

Jesú-mä̧ pä̧i̧ku̧nä̧ pä'inü̧: Ttürü esetümä̧, ttürütämä̧ esetokü; Chä'o ttürü we'inü̧rü̧'i̧nä̧ esetü.

San Juan 13:19

Pi̧yȩ pädü 'kuäopäkua'a ä'kanä̧ ji'äusä, jua̧u̧ 'kuäopomȩnä̧, «Ttütäsä» pädümä̧ kuesetätukuäkua'anü̧.

San Juan 16:24

Jitä pȩnȩbü, Ttü chi̧mi̧nä̧mä̧ yorisotä jä'epokotü pä'ijätüjä̧; jä'epätukui, kuȩmä̧tu̧kua̧; kueseäkuäwätuku jo̧mȩnü̧ päkui'ätukua.

San Juan 16:3

Pi̧yȩmä̧ jȩttä̧kuo̧tü̧, Chä'orü'i̧nä̧, Ttürü'i̧nä̧ ttu̧wo̧jui̧po̧ka̧'a̧ttü̧.

San Juan 16:6

Jua'amä̧, pa̧'a̧nü̧ pädomȩnä̧, kua̧'kua̧ tta̧kuȩkuä̧tu̧kua̧'a̧ttü̧.

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

2 Corintios 2:7

Ja̧'wa̧nü̧ ja̧'a̧ttü̧, eseku ikutä ppä'ädätukuirü, jua'a yabo a̧'kua̧ tta̧'ȩku̧ surojuoeku juiyäkua'anü̧.

Efesios 1:15

Ja̧'wa̧nü̧ jo̧mȩttü̧, ttümä̧, Tu̧ru̧wa̧ Jesú-ru kua̧'kua̧ ku̧wȩnä̧rä̧tu̧kua̧'a̧'i̧nä̧, ja̧'wa̧ta̧nü̧ Dio u̧mü̧wä̧yotürü eseu repe'ü jȩ'kuä̧tu̧kua̧'a̧'i̧nä̧ ä̧ju̧kui̧nü̧'ka̧,

2 Tesalonicenses 2:2

kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.