San Juan 12:38 - Nuevo Testamento Uwotjüja

³⁸ Jua'amä̧, profeta Isaía pa̧'a̧nü̧ ukuokuinü̧ 'kuäopa'a ji̧na̧'a̧: Chu̧ru̧wa̧, ¿Dítä jä̧ttü̧, ujutu jitäu esetümä̧? ¿Ja̧'wa̧ta̧nü̧ dirü i̧jȩkuä̧cha̧'a̧jä̧ttü̧, Tu̧ru̧wa̧ re ü̧jü̧mä̧?

TÄ̧DO Ä̧CUÄ̧ I̧HUȨNȨ

³⁸ Ihueye Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö 'cuäopa pä'ö esetocotö pi̧nä̧tö̧do. Ja̧u̧ huȩyu̧ti̧nö̧do: Chu̧ru̧hua̧ cui̧huȩnȩmä̧, ¿dijä̧ttö̧ esetinömä? Tu̧ru̧hua̧ ujurumä, ¿dirö i̧jȩcui̧nä̧ttö̧?

San Juan 12:38 ပူးပေါင်းရင်းမြစ်များ

San Mateo 15:7

¡Ä'koyättütä esetätüjä̧! Isopäi'ünä̧tä̧ kutü'kütuku, profeta Isaía-mä̧ pä'inü̧:

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

San Mateo 27:35

Täkü ü̧jo̧kä̧ jäinä̧ pȩ'o̧pü̧ kku̧nä̧jä̧'kotü, su̧ro̧do̧u̧mä̧ Jesú ü̧'ka̧tä̧wä̧ta̧mä̧ yotukunä̧ dírü pätekuächa ja̧ pä'ü, jȩpä̧'chü̧ iyä'chäkuäwinä̧tü̧, profeta ukuokuinü̧'a̧kuä̧.

San Juan 12:37

Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

San Juan 12:39

Ja̧'wa̧ta̧nü̧, Isaía pa̧'a̧nü̧ päinü̧'a̧kuä̧ esetokotü pinä̧tü̧:

San Juan 15:25

Ja̧'wa̧nü̧ ja̧'a̧nä̧, pi̧yȩmä̧, jitütä jäwä weäwä wȩnȩnä̧ wȩyu̧kua̧'a̧, pä'ijüta'a̧nü̧ 'kuäopa'a: «kkorojueimä̧ jȩcho̧ka̧'a̧nä̧, tta̧mi̧ suru tottinä̧ku̧sä̧» pä'ijomȩ.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Juan 19:24

Ja̧'wa̧nü̧ jȩpü̧ su̧ro̧do̧u̧mä̧ pä'äwinä̧tü̧: —Sȩro̧pü̧mä̧ tiku juiyä̧ta̧kua̧, jȩpü̧ totätukua dirü pätekuächaja pä'ü. Ja̧'wa̧nü̧ jȩtto̧mȩnä̧, pa̧'a̧nü̧ wȩyu̧tu̧ rütäwä ji̧nü̧tä̧ 'kuäopina̧'a̧: «Chi̧ä̧rȩta̧mä̧, jitütä iyä'chäkuäwinä̧tü̧, ja̧'wa̧ta̧nü̧ wä̧mȩnä̧ chü̧'ka̧tä̧wä̧ta̧'i̧nä̧, dirü pätekuächaja pä'ü jȩpi̧nä̧tü̧.»

Romanos 10:16

Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?

Romanos 10:20

Ja̧'wa̧ta̧nü̧ Isaía-mä̧ ya'utekutä pä'inü̧: «Ttümä̧, ttürü usokotü pinä̧tü̧ ttü̧'o̧kui̧'ä̧kua̧sä̧; ja̧'wa̧ta̧nü̧ chi̧jȩkuä̧kua̧sä̧, Ttürü jä'epä̧ro̧ko̧tü̧ pinä̧tü̧rü̧.»

1 Corintios 1:24

Ja̧'wa̧nü̧ ja̧'a̧nä̧, Dio woinä̧u̧ru̧mä̧, judío já̧ pä'ü'i̧nä̧ ja̧'wa̧ta̧nü̧ grecia ttü̧ja̧ já̧ pä'ü'i̧nä̧, Crito-mä̧ Dio ujurutä, Dio u̧wo̧juö̧tä̧ wa̧ ja̧'a̧.

Gálatas 1:16

I̧tti̧'rü̧'i̧nä̧ chu̧wo̧juä̧chi̧'ü̧nä̧ i̧jȩpi̧nä̧ku̧sä̧, judío pokotürü jidäwiyarü pä'ü, ja̧'wa̧nü̧ ja̧'a̧nä̧ yotäkumä̧ ttü̧ja̧rü̧ jä̧'ȩpä̧rü̧ 'cho̧kü̧ pinü̧sä̧;