San Juan 12:35 - Nuevo Testamento Uwotjüja

³⁵ Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

TÄ̧DO Ä̧CUÄ̧ I̧HUȨNȨ

³⁵ Ja̧'hua̧ ja̧'a̧ Jesús pä'inödo jahuätörö: —Ucutu cu̧'quȩtȩtu̧cu̧nä̧ adihuä tȩa̧u̧ ö̧jä̧cua̧ ji̧nä̧ a̧'u̧cua̧'a̧tä̧. Ji̧nä̧ tȩa̧huä̧i̧tä̧ cue'ächätucui, yo̧ö̧nä̧ päi'omenä yecuhuecuätucu juiya pä'ö. Ya̧tȩ yo̧ö̧nä̧ cue'ächömä, i̧'cho̧mȩ jȩru̧pa̧.

San Juan 12:35 ပူးပေါင်းရင်းမြစ်များ

San Lucas 18:37

Pä̧u̧ jittäwinä̧ku̧: Jesú nazare i̧sa̧ 'kuäopü, jü̧nä̧.

San Juan 11:10

Ja̧'wa̧nü̧ ja̧'a̧nä̧, yodó kue'ächümä̧, ppe'okuächü ma̧'ü̧, to̧ä̧rü̧ tȩya̧u̧ juiya'attü.

San Juan 11:9

Jesú-mä̧ päinä̧u̧: —¿Mo̧ro̧mä̧, ttü̧jä̧pü̧ttü̧ todäre hora jo̧mȩnä̧ kko̧ka̧'a̧ tä̧jí̧? ja̧'wa̧nü̧ ja̧'a̧ttü̧ ya̧tȩ mo̧ro̧ kue'ächümä̧ ppe'okuächü ma̧'o̧kü̧, kkä̧wa̧ kkȩdȩpa̧'a̧ to̧ä̧ra̧'a̧ttü̧.

San Juan 12:36

Tȩya̧u̧nä̧ esetätukui, ji̧nä̧ tȩya̧u̧ ku̧ju̧nä̧rä̧tu̧kuä̧i̧tä̧, jua̧u̧ tȩya̧u̧ i̧tti̧mü̧ kuätukuäkua'anü̧. Pi̧yȩ pä'ü kä'ädi'ipütä, Jesú-mä̧ rä'opächü, juätürü dajawächinü̧.

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

San Juan 16:16

A̧'u̧kua̧'a̧tä̧ jü̧ o'ka'a, ttürümä̧ topokotü kuäkuotüjä̧; ja̧'wa̧nü̧ a̧'u̧kua̧'a̧tä̧ jü̧ o'ka'a pä'äjita'anü̧ to'kuätukuä̧kua̧sä̧. Jua'amä̧ Chä'o ü̧ja̧'a̧ chi̧'cha̧'a̧ttü̧.

San Juan 7:33

Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.