San Juan 12:23 - Nuevo Testamento Uwotjüja

²³ Jesú-mä̧ ädätinä̧u̧: —Ubo I̧tti̧ wa'arettü ttoächä̧kuȩ mo̧ro̧ rȩbȩä̧kuä̧wa̧'a̧.

TÄ̧DO Ä̧CUÄ̧ I̧HUȨNȨ

²³ Ja̧'hua̧ ja̧'a̧ Jesús jahuätörö pä'inödo: —Ubo I̧tti̧ öadihuä totta pä'ö täcö päi'a'a.

San Juan 12:23 ပူးပေါင်းရင်းမြစ်များ

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

San Mateo 26:45

Ja̧'wa̧nü̧ ukuoku kä'ädäji̧'ka̧ ichi'ü u̧wo̧juȩtä̧u̧rü pä'inü̧: —Täkü jitämä̧ ä'ekuätukui, pü̧di̧ri̧ja̧'a̧ttü̧. Jitämä̧ täkü, Ttürümä̧, suronä̧ jȩpä̧tü̧ ttu̧mü̧nä̧ iyü ttiku hora päia'a.

San Marcos 14:35

Pä'ipümä̧, yabonä̧nü̧ 'chä̧wi̧'ü̧, ja̧rȩyu̧nu̧ rȩjȩ ma̧'ä̧mü̧, jä'o Dio-rü jä'epinü̧, churutä 'kuäopäkuȩmä̧ 'kuäopü juiyünä̧tä̧ ppädarü pä'ü, jȩü̧'a̧nü̧ jü̧ttü̧mä̧.

San Marcos 14:41

Pä'äjita'anü̧, wäbodäkuä päi'ünä̧ ppa̧'a̧chi̧'ü̧, päinä̧u̧: —Täkü ä'ekuätukui, 'kuä'ächi'ü pȩjä̧mü̧; täkü ubo I̧tti̧rü̧, iyü ikuäwi'a'a suronä̧ jȩpä̧tü̧ ttu̧mü̧nä̧.

San Juan 12:16

Ja̧'wa̧nü̧ ja̧'a̧ u̧wo̧juȩtä̧u̧mä̧, ä̧kuo̧mȩnä̧mä̧, pi̧yȩ wȩnȩmä̧ wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧nä̧, 'korujuo'ächäji̧'ka̧ ttoächomȩnä̧tä̧ o'kajuiyünä̧ jua̧u̧ru̧ jȩtti̧nü̧'i̧nä̧ ja̧'wa̧ta̧nü̧ chutä jȩi̧nü̧'i̧nä̧ wȩyu̧kua̧'a̧ pȩjü̧mä̧ wo̧jui̧'i̧nä̧tü̧.

San Juan 12:27

¡Jitämä̧ cha̧'kua̧ tta̧wȩpä̧ku̧sä̧! ¿däjetä päda'ajä̧ttü̧?: ¿Chä'o cha̧'kua̧ tta̧wȩpü̧mä̧ jȩpü̧ ikuittü pädäkua'a? ¡Ja̧'wa̧nü̧ ja̧'a̧nä̧, ä̧tȩkuä̧nä̧ pi̧yȩtä̧ ja̧'a̧tȩ'ü̧ ichinü̧sä̧!

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.