San Juan 12:20 - Nuevo Testamento Uwotjüja

²⁰ Pacua pä'käri kka̧'a̧ eseu 'chä̧jä̧tü̧mä̧ griego'i̧nä̧ ji̧na̧'a̧.

TÄ̧DO Ä̧CUÄ̧ I̧HUȨNȨ

²⁰ Fiesta jȩtta̧ pä'ö Jerusalén ötahuiyära̧'a̧ 'chi̧nä̧tö̧ ttö̧'quȩtȩnä̧, korotömä, judíos huocotö 'chi̧nä̧tö̧do.

San Juan 12:20 ပူးပေါင်းရင်းမြစ်များ

San Marcos 7:26

Juajumä̧, Judío isaju pinä̧ju̧, ji̧nä̧somä̧ Sirofenicia isotü isaju ja̧'wa̧nü̧ ja̧'a̧ttü̧ epíritu su̧ro̧pa̧, kkittijuttü rä'epü ikuiyajü pä'ü Jesú-ru 'chä̧wi̧'ü̧ ajawäkuäwinä̧jü̧.

San Juan 12:1

Pacua pä'käri kkä̧mä̧dä̧kua̧'a̧, kko̧ro̧mü̧ttü̧nü̧ ya'ute mo̧ro̧ ä'kanä̧, Jesú-mä̧ Betania ütawiyära̧'a̧, Chutä ttoädinä̧ku̧ Rázaru ü̧jo̧mȩku̧ ichinü̧.

San Juan 12:19

Ja̧'wa̧nü̧ ji̧yä̧u̧ fariseo wotümä̧ pä'äkuäwinä̧tü̧: Täkü topätukui, jȩ'kuä̧tu̧ku̧ juiyünä̧ wotüjä̧. Ttü̧ja̧mä̧ jua̧u̧ru̧tä̧ rü̧ȩnä̧ esetätü.

San Juan 7:35

Ja̧'wa̧nü̧ pä̧i̧yä̧u̧, judío-mä̧ pä'ä'chäkuäwinä̧tü̧: —¿Tȩnȩ́ i̧'chä̧kua̧'a̧jä̧ttü̧, pidemä̧, ujutu tü̧'o̧kui̧'ü̧ juiyünä̧ jo̧mȩmä̧? ¿Judío, kko̧ro̧jä̧ra̧'a̧ grecia ttü̧ja̧ku̧ wiwawächinä̧tü̧rü̧ ja̧'wa̧ta̧nü̧ griego-rü'i̧nä̧ ji'äu i̧'cha̧ pä'ü, pä'ü 'kua̧ra̧'a̧?

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 16:1

Ja̧'wa̧nü̧ ja̧'a̧ Pauru-mä̧ Derbe-ra̧'a̧'i̧nä̧, Ritra-ra̧'a̧'i̧nä̧ i̧rȩbȩwi̧'o̧mȩnä̧ ya̧tȩ Jesú-ru esetürü, Timoteo pä'ü mi̧kua̧rü̧ po̧kui̧pi̧nü̧, ja̧ju̧ttu̧mä̧ Judío i̧sa̧ ja̧'a̧nä̧, jä'ottümä̧ Grecia ttü̧ja̧sa̧rü̧.

Hechos 17:4

Ja̧'wa̧nü̧ jo̧mȩnä̧, Pauru-ku, Sira-ku jittäwa'a esetü, judío'i̧nä̧ yotukunä̧ juätütäku ppä'ächi'inä̧tü̧; ja̧'wa̧ta̧nü̧ griegos'i̧nä̧, nä̧tü̧ ukuo isotü'i̧nä̧ rekuätü Jesucrito-rü esetinä̧tü̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 21:28

wopinä̧tü̧: «¡Irae ttü̧ja̧, ppä'ädätukuitü! ¡pide ja̧'a̧ ujutu jäwä'i̧nä̧, weäwä wȩnȩ'i̧nä̧, ja̧'wa̧ta̧nü̧ tü̧jo̧mȩ'i̧nä̧ to'ija̧'a̧ku̧ ji'äu wo̧juȩtä̧'i̧jü̧mä̧. Ja̧'wa̧ta̧nü̧ jitämä̧ yotüte Griego-rü'i̧nä̧ do'ädäji Dio-rü ukuokuäkuäwode surojuoächünä̧!»

Hechos 8:27

Ja̧'wa̧nü̧ ja̧'a̧ Felipe-mä̧ ä̧rä̧mä̧chü̧ 'chi̧nü̧; i̧'chä̧ja̧'a̧, ya̧tȩ Etiopía i̧sa̧ eunuco, juȩnȩ ruwaju reina kkiäre pärätä tta̧wä̧rä̧kuä̧wä̧ i̧sa̧rü̧, po̧kui̧pi̧nü̧. Jerusarȩ́-ttü̧ Dio-rü ukuoku ichäji̧'ka̧,

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

Romanos 10:12

Isopäi'ünä̧ judío'i̧nä̧, judío pokotü'i̧nä̧ jü̧nä̧mä̧, i̧mi̧ku̧nä̧mä̧ wokotü; isopäi'ünä̧ Chutä o'katoi'ünä̧ Tu̧ru̧wa̧ ja̧'a̧ttü̧ o'katoi'ünä̧ jä'epätürümä̧ iyü ja̧'a̧.

Gálatas 2:3

Ja̧'wa̧nü̧ ja̧'a̧nä̧, ttüku kue'ächü Tito Grecia ttü̧ja̧sa̧ ja̧'a̧nä̧'i̧nä̧, circuncisión jȩä̧kuä̧wa̧ pä'ümä̧ wettokoku pinü̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.